عنوان الموضوع : متضاربه ويا رييييييييييييييييييييييييييييييييييلي =( المومة و الطفل
مقدم من طرف منتديات الضمير العربي

السلام عليكم ورحمة الله وبركاته ....
بنات ابغي فزعتكن
ريلي زعلان عليه زعله قوووووووويه

البارحه ابغي اوعيه حق الدوام ومش طايع ينش صاح المنبه الف مره وهو يسكره
وانا تمللت خفت اني ارقد عنه ويفوته الدوام .......
ف نشيت وفجيت الليت .... (( تقولون مسويه جريمه ))
عصبببب عليه .. يقولي سكري الليت عيوني تعورني وانا اقوله مابا
قالي 4 مرات سكري الليت تدرين اني ماداني حد يشب الليت وانا راقد وانا ما ارد عليه
اخر شي جان يضرب ايدي بالقووو " بدفاشه " ...
انا بصراحه عصبت يعني انا ماسويت شي الا ليت هذا ....
جان اقوله (( الله لا يوفقك في حياتك ويعلك تنضرب مثل ماضربتني ))
وهو تم ساكت وطلع من البيت ...... ويوم رد مارمسني ابدا ..
يوم سرت ابا اتفاهم وياه جان يقولي (( الحرمه اللي تدعي على ريلها مافيها خير ))
وبسسسس وللحين مش راضي يتفاهم معايه ولا يرمسني وايد زعلان عليه ....


بليز بشوه تنصحوني ؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حبيبتي مب زين تدعين على ريلج
هذا حبيبج وريلج وابو عيالج وسندج فالدنيا باجر ..

المفروض تدعين له كل خير وبالتوفيق وتخافين عليه وتحاتينه

شوفي عندي فكرة
واتمنى تطبقينها بالحرف الواحد

باجر اذا عنده دوام
قومي قبل لا ينش . . واكتبي له فالحمام ع المنظره بالروج " انا أسفه حبيبي "
سامحني انا مالي غنى عنك ..

وبعد هاتي ورقة صغيره وكتبي فيها " فلان انا احبك موت ومالي غيرك , لا تشل بخاطرك علي الدنيا ماتسوى شي بدون رضاك وبسمتك "
وحطي هالورقة في جيب الكندورة الي بيلبسها . او حطيها في بوكه عند البيزات ..

شوفي هو اول بيروح الحمام بيشوف الي كتبتيه ع الجامه واكيد بيتغير مزاجه وشوي بيحن بس بيكابر وبيسوي عمره زعلان بعده
ف انتي لاتتأثرين اصبري ..
وعقب هو بيروح الدوام وهناك بيشوف الورقة ف البوك او ف جيبه .. وبيقرا وبيفرح اكثر وبيخف الي شاله بقلبه عليج

وعقب ان دق لج او ما دق وان رد البيت وماقال شي لااااااااااااااااا تتأثرين " ترا اصلا في نتيجه حلوه بس انتي المهم سويتي الي عليج
ترا الرياييل مايعبرون مثلنا يخلون بالقلب ..

ولو لوووووووووو دق لج او رد البيت وقالج فرحت او تاسف لج هو بعد او قالج شي عن الكلام المكتوب
لا تقولين ولاااااااااااااااااااااا شي الريال مايحب كثرة الكلام.
بس احضنيه او دلعيه بمساج عقب كراف الدوام .. وبس اذا بتقولين شي قولي " رضاك عندي بالدنيا "

واتمنى تستفيدين وماتكررين دعوتج عليه .. لان هالشي كبير بتخلين الريال يبعد عنج ويكرهج وبتخلينه يميل بأي وحده تحن عليه او تقوله كلام حلو

__________________________________________________ __________

>>>> الرد الثاني :
مشكوره اختي على الرد حبيت فكرتج وان شاءالله بطبقها ..... ^^

__________________________________________________ __________

>>>> الرد الثالث :
بالتوفيق ان شاء الله

__________________________________________________ __________

>>>> الرد الرابع :
فعلا الزوج او الزوجة اللي يدعون على بعض ما فيهم خير لبعض....

__________________________________________________ __________

>>>> الرد الخامس :
ربي يعينج اكيد انتي قلت هالشي مامن خاطرج بس لان عورتج ايدج فديتج والله هههههه ربي يصلح احوالـــــــــــــــــكم

هو بعد غلطان ليش يضربج ههههه