عنوان الموضوع : لجزء الثالث .......جارتي وضربها لعيالها
مقدم من طرف منتديات الضمير العربي
هلا خواتي ....
بعد ما أشتكيت عليها في حقوق الطفل صراحه بسرعه تجاوبو معايه
وحولوني على الشرطه المجتمعيه بعد ماقصرو خلال يومين
كانو عندي فالبيت
شرحت الي اشوفه والسمعه وبسرعه واجتمعو في ابو العيال الي ينضربون
المهم فعلا الابو اتجاوب معاهم وقال افضع من انا الي قلته
وقال انا ابا عيالي بس ماقادر اشلهم عنها
المهم لما بغو يقابلونها يو عندها فالبيت ماطاعت تفتح الباب بالساعات
قعدو يحاولون فيها محد قدر عليها
لمدة اسبوع وهم يحاولون المهم فالاخير
يوم فتحت الباب انصدمو من الي شافوه
انسانه مثل الشيطان محد قدر يتقرب منها من ريحتها
من وسخ البيت الله يعزكم درس الهوش ابرك من البيت
ربي رحمتك شوووووووه اقول بس
طلعت مثل الوحش تصارخ وتهدد وتتوعد
بس قامو يهددونها بالسجن وحرمان من عيالها
وقالولها نحنا يايين نساعدج مش نظرج
انصدمو منها طلعت الحرمه مريضه نفسيا ولازم تدخل مصحه للنفسيه
المهم اجتمعو مع العيال بعد شاب شعرهم ومن غير الي صاح من الي شافه
اثار ضرب وحرق وقلة عيشه وقلة نظافه بس اللحظه
(عتبي على المدرسه كانت تشوف حال العيال ومستواهم وضروفهم ليش ماتدخلت لييييين متى نسكت )
العيال خبرو على امهم بالاشياء الي تعذبهم فيها والحرمان من الاكل والشرب
قالو مانباها ولا نريد نعيش عندها
ياااااااالله رحمت
الحين الكل من صدم من الي شافه وسمعه وراح يستوي اجتماع في الموضوع
والحين ننتظر رد ديوان سيف بن زايد ونشوف شوه بيتخذون الاجراءات بحق العيال وامهم
احتمال الام تسفر
لا اله الا الله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
والله انج حرمه بنت ريال
ربي يجزيج خير عالي سويتيه
__________________________________________________ __________
>>>> الرد الثاني :
ما شاء الله عليج الله يكثر من امثالج اسمينج سويتي فيهم معروف دام لهدرجة وصلت السالفة
__________________________________________________ __________
>>>> الرد الثالث :
يا الله رحمتك
شي ما يتصدق ان شي أم بهالشكل واللي اغرب من هالشي مثل ما قلتي محد من المدرسة تكلم أو لاحظ على اليهال سوء حالتهم
حسبي الله ونعم الوكيل
__________________________________________________ __________
>>>> الرد الرابع :
لا حول ولا قوة إلا باللـــه ، ف ميزاان حسناااتج إن شاء الله ماقصرتي والله
__________________________________________________ __________
>>>> الرد الخامس :
رد مع اقتباس
