عنوان الموضوع : ضايعه ومحتاره لتربية طفلك
مقدم من طرف منتديات الضمير العربي

السلام عليكم خواتي انا قبل كنت اكتب لكم مشاكلي والحين زادت مشكلتي باختصار انا متزوجه من 3سنوات وعندي بنت عمرها سنه ونص ومن تزوجت كل سنه زوجي ينسجن ولا مره عيد ويا بنته لازم كل سنه تستوي مشكله وينسجن صرت اشوفه بالشهور في السنه وهو طيب وايد وحنون ويحبني ويحب بنته بس مشكلته ربعه والحبوب كان مدمن وعالجته ادري رد لها وعاتبته وهديت البيت وردني ووعدني بس الشيطان راكب راسه وربعه السوء كم من ربعه توفا والسبه الحبوب المخدره انا تعبت والله واهله وايد طيبين وياي وعمتي كأنها امي الحمدالله مب مقصرين فيني وكل قضايا ريلي تافهه ضرابه او سياير جي يعني اخر مره تضارب واتكسر تم في المستشفي كم شهر تخيلوا اهله سجنوه ظلم هالمره اونه عشان يتادب ولبسوه قضايا مايخصه فيها وهو مب صاحي متكسر وهو طيب وايد والله بس مادري ليش يسوي جي وانا عانيت وايد جي حالتي يالسه بدون ريلي اذا تكلمت سكتوني قالولي هو مايستاهلج سوا كذا وكذا هو صح غلطان بس شو اسوي ابو بنتي واهلي مايدرون لو دروا بيقولون هذا اللي اخترتيه لاني خذته عن حب الحين انا محتاره شو اسوي انفصل عنه ولا لاني صغيره واجوف اللي حوالي والله اموت قهر كل وحده ويا زوجها وانا يالسه اتريا متي بيطلع وهل يوم بيطلع بيعتدل دوم يوعدني بيعتدل بس انا احبه شو اسوي شوروا علي ويوم قلت بدخل بطلعه خبروا عمي وقالي مايخصج شو اسوي بنات تعبت والله اسمحولي طولت عليكم واتمني تفهموني وتنصحوني '''

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اذا الريال زين تمي وياه ..


و اذا عالادمان في رقم توفرة الدولة و سري للي يبون يتعالجون من الحبوب و المخدرات ..


اذا حصلت الرقم بطرشلج اياه ..



الله يوفقكم ..

__________________________________________________ __________

>>>> الرد الثاني :

المشاركة الأصلية كتبت بواسطة بنت ريلي
السلام عليكم خواتي انا قبل كنت اكتب لكم مشاكلي والحين زادت مشكلتي باختصار انا متزوجه من 3سنوات وعندي بنت عمرها سنه ونص ومن تزوجت كل سنه زوجي ينسجن ولا مره عيد ويا بنته لازم كل سنه تستوي مشكله وينسجن صرت اشوفه بالشهور في السنه وهو طيب وايد وحنون ويحبني ويحب بنته بس مشكلته ربعه والحبوب كان مدمن وعالجته ادري رد لها وعاتبته وهديت البيت وردني ووعدني بس الشيطان راكب راسه وربعه السوء كم من ربعه توفا والسبه الحبوب المخدره انا تعبت والله واهله وايد طيبين وياي وعمتي كأنها امي الحمدالله مب مقصرين فيني وكل قضايا ريلي تافهه ضرابه او سياير جي يعني اخر مره تضارب واتكسر تم في المستشفي كم شهر تخيلوا اهله سجنوه ظلم هالمره اونه عشان يتادب ولبسوه قضايا مايخصه فيها وهو مب صاحي متكسر وهو طيب وايد والله بس مادري ليش يسوي جي وانا عانيت وايد جي حالتي يالسه بدون ريلي اذا تكلمت سكتوني قالولي هو مايستاهلج سوا كذا وكذا هو صح غلطان بس شو اسوي ابو بنتي واهلي مايدرون لو دروا بيقولون هذا اللي اخترتيه لاني خذته عن حب الحين انا محتاره شو اسوي انفصل عنه ولا لاني صغيره واجوف اللي حوالي والله اموت قهر كل وحده ويا زوجها وانا يالسه اتريا متي بيطلع وهل يوم بيطلع بيعتدل دوم يوعدني بيعتدل بس انا احبه شو اسوي شوروا علي ويوم قلت بدخل بطلعه خبروا عمي وقالي مايخصج شو اسوي بنات تعبت والله اسمحولي طولت عليكم واتمني تفهموني وتنصحوني '''





عليج بالاستخاره والدعاء والاستغفار
ماعليج من احد عليج انتي شو تبين .. تبينه او لا ...؟؟ لازم تقررين


واذا الله احب عبده ابتلاه .. عليج بالصبر وهذا صبرج لج فيه الاجر باذن الله

والله يفرج همج ويرجعلج ويهديه ويصلح باله

__________________________________________________ __________

>>>> الرد الثالث :
اختي شانيل وديته وعالجته وهو حاليا ماياخذ لانه مسجون بس يوم يطلع يرد لربعه يعطونه واتفنش من الدوام اختي غاويه ادري بس والله مليت من حالتي يالسه في بيت اهل ريلي احس وبعدين الين متي متي بيطلع وبعيش حياتي ويا بنتي حتي بنته يمكن تم وياها 4 شهور وبس انا اللي كبرتها وربيتها ويوم اقوله يقولي كفوا عليج انا فكرت اروح اكلم المسوولين يمكن يطلعونه كفاله واللي فيها فيها

__________________________________________________ __________

>>>> الرد الرابع :
الله يهديه ريلج كم عمره؟؟ عشان يتصرف هالتصرفات جنه مراهق.. والله انا اعرف مراهقين دخلو السجن مرة وحدة ومن اللي شافوه تابو واصطلبو.. المشكلة اللي يدخل السجن له حلين: يا انه يتوب ويصطلح حاله لانه ما يبا يرد لهالمكان مرة ثانية.. او انه يزيد اكثر عن قبل لانه كل مرة يدش السجن يرابع ربع أسوأ عن اللي قبلهم ومن حبوب بسيطة لمخدرات وهيروين وسرقة وضرابة وبلاوي.. وعلى فكرة ترا ريلج بمجرد ما يودر الحبوب المخدرة بيستوي انسان ثاني.. ليش؟؟ لانه هاي الحبوب تخليه بدون حاسية وحساس ويضارب اي حد ويكسر ويسوي بلاوي..

ريلج من النوع الثاني يعني السجن ما فاده ولا صلبه ولا بعده عن الحبوب... معناته حلج الوحيد هو انه يتعالج من الحبوب..

https://www.nrc.ae/ar/main/about.nrc.aspx هذا موقع مركز علاج الادمان.. لازم تقنعين ريلج يبدا العلاج عندهم.. وهم باذن لله بيساعدونه .. حتى لو اضطر انه يسكن عندهم فترة.. بس المهم النتيجة والارادة والاقتناع وحاولي توقفين وياه.. ويا ريت توقفين الانجاب لين تعرفين وضعج.. والله يهديه يا رب

__________________________________________________ __________

>>>> الرد الخامس :

المشاركة الأصلية كتبت بواسطة بنت ريلي
اختي شانيل وديته وعالجته وهو حاليا ماياخذ لانه مسجون بس يوم يطلع يرد لربعه يعطونه واتفنش من الدوام اختي غاويه ادري بس والله مليت من حالتي يالسه في بيت اهل ريلي احس وبعدين الين متي متي بيطلع وبعيش حياتي ويا بنتي حتي بنته يمكن تم وياها 4 شهور وبس انا اللي كبرتها وربيتها ويوم اقوله يقولي كفوا عليج انا فكرت اروح اكلم المسوولين يمكن يطلعونه كفاله واللي فيها فيها




هذا ريلج ولازم توقفين وياه في الحلوة والمرة وماله اي حد خص فيج ...روحي كلمي واسعي والله يوفقج ...