عنوان الموضوع : الــزوآج من ريــآل متــزوج . .
مقدم من طرف منتديات الضمير العربي

السلآم عليكم بنيّآت وحريم ..

مآ بطول برمستي ..
مشكلتي إني تقدم لي ريآل متزوج من حرمتين ..
وأنآ يبآني الثآلثه ..

وأنآ بعدني صغيرة للعلم ..

طبعاً أنآ رآفضة رفض قآآآآطع وابداً مآريده ..
لكن حصلت ضغوطآت من اهلي ووآيد حنوآ علي وبصرآحه يتني حيرة ..

أنآ مآريد اتزوج ريآل مزوآآج ( حسب مآ اشوف يعني ) ،
وحدي متضآيقة من هالموضوع !!

هالكلام من كم يوم وكآنوآ يبوني اظهر عشآن يشوفني لكني مآ رضييت ابداً ،
أنآ هآي اول مره بحيآتي بظهر جدآم ريآل كـ نـظرة شرعية ،
فـ رآح بدون مآ يشوفني .. !!

تخيلوآ تقريباً 4 مرآت يو ينآدوني لكني مآ طعت ،
انا جداً رآفضه الفكره !!

المهم ومن عقبهآ تم يدق وآآآيد ع اهلي يبآ جوآبي ،
ومصر وآيد إنه يشوفني ..

بنآت أنآ صرآحه تعبت ..
فـ آخر شي بس عشآن افك نفسي من الصدعة ..
رحت قلت لأمي الاسبوع اليآي خلوه ايي ويجوفني ..


والله مليييييت من هالضغط أنآ مآ اتخيل حيآتي ويآ ريآل متزوج ثنيتن
هب وحده !! رغم إنه ريآل مقتدر لكن مستحيل اقبل ع نفسي ..

قولولي شو اسوي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ماحد يقدر يضغظ عليج تسوين شى ما تبينه

اهم شى لازم تصلى استخاره

وادعى ربي يرزقج ريال احسن منه

__________________________________________________ __________

>>>> الرد الثاني :
استخيري
وحطي في بالج ان مافي زواج غصب
لازم رضا الطرفين

__________________________________________________ __________

>>>> الرد الثالث :
حبيبتي الله يعينج الزواج قسمة ونصيب
بس انتي صغيرة شو الي جابرنج ع صدعة راس من ريال معرس
واثنين بعد و ما تعرفين شو نوع حريمه يعني راضيات او لا واذا لا يمكن يكيدون لج
و جدامج فرص وايدة عالعموم استخيري والله بصرفه عنج ويبدلج احسن عنه

__________________________________________________ __________

>>>> الرد الرابع :
ما اقدر اقول غير الله يهدي اهلج بخصوص اللي يقولون ماحد يقدر يجبرج.
امبلا كل اهل غير عن اهل الثانييين ..

__________________________________________________ __________

>>>> الرد الخامس :
استخيري أختي وفكري عدل
ومثل ما قالوا الخوات محد يقدر يجبرج على شي ماتبيينه