السلام عليكم
شحالكم بنيات وحريم؟
أول شي ها نك أختيه الصغيرونة لانه المنتدى لين يفعلون العضويات اليداد المشكله بتنحل وبتخلص ههههههه
ولو تدري إني شليته والله بتزغدني
المهم بغيت استشيركم فشي ومب عارفة شوه أسوي .....
انا عمريه فاول العشرينات
مالجة من 4 سنوات والعرس لين احينة ماتحدد لظروف خارجة عن ارادتنااا
الريّال من نفس قبيلتي ومن الأهل لكن من أبعيييد يعني يدتيه تستوي بنت خال يده وجذه
المهم الريل المصون هالفترة متغير عليّه ومن 5 ايام اوني اكابر ومب طايعه ارمسة عدل وانا دوم اصلا مايمر يوم الا ومكلمتنه ومستحيييل ماسأله وين سرت ووين يت وامنوه شفت هوه معودنيه على جذه وماكلمه ولا اسال عنه لنه جد وايد ذليت عمري علية وهوه مب مسولي سالفة ولاعت جبدي من كثر ماراضيه وهوووه طاافف !
بقولكم شغله وهيه خلاصة الموضوع
الريّل الله يطول بعمره وايحفظه مايحب المولات ، مايحب يسير دبي ، مايحب يطلع واايد، مب راعي بنات ولا يحب يشوفهن ومايدانيهن وفيه اشيا ماحب اذكرها بعد بس اعطيكم المهم فالموضوع
اليوم اوني اوني أدلع عليه وقلت يالله براضية مايهون عليه اول مره جذيه اطول لين اكلمه بالعاده يوم بالكثير وماصبر أردله
وانا اكلمه الحبيب انصدمت انه سااير دبي !! ومولات دبي !!
ها وهوه اونه مايحبهم !!!
لا وقالي كنا انشوف البنات ، وعلقنا عليييهم
وباجر ان شاالله الغدا فمول مابذكره المهم فدبي !!
انا انصدمت وايد وقلبيه عورنيه ومت من الغيره بس صخيت سويت عمريه مب مهتمه
رقد الغالي عنّي
ولهيت ويا اخوانيه ومن ساروا عنيه لمعت فراسيه فكره وانا ادري والله انه الي سويته غلط بس شسوي عسب مايسير مااحببب اغاااااار
بما انه انا وهوه ماعندنا بيبي ولا ايفون ف منزلين برنامج مثل الوتس أب بس مافيه غيري انا وهوه موجود فماركت الجلاكسي
قلتله فيه موضوع صااااير مهههم ومب عارفه شو اسوي والحق علييه وضروووري تترياني بااجر لاتسير امكاان برمسك فهالموضووع
وانا ادريبه بيزيغ
بس خايفه ماتنجح الخطه ويسير
وانا ماعندي شي اصلا بس ابا اخوفه عسب يضربه حفوز يعرف الموضوع ومايسير
ومب عارفه لو نش بشو اواجهه ولا شووو اقوله مستههمه
ادري انيه غلطت والله بس والله هالشي الوحيد الي بيخليه مايسير اهناك وكل وحده تخاف على ريلها وانتوا ادرى بنات
احينه لو نش شو اقوله ؟؟
لا انا مسويه تمثيليه عدّله بعد ههههههههه
الله يخليك وحاله ومترجيّه ترجي !! وكيد الحريم وانتوا ادرى فيه
وقلت مابصارحه لين فليل ولا بكلمه لين هاك الوقت برقد بشغل عمري باي شي المهم مارد عليه هههههههههه
بس خايفه ايي البيت ولا يدق حق حد من هليه
المهم مايسير مايسير
بنات شو اسوي عسب مايسير احسبه مب طايقني لني ماكلمته من 5 ايام
وشو اقوله شو هالموضوع المهم المعورلي قلبي والي مادري شو مسوبي هههه
اعطوني شي خطير اقوله اياه ولا والله بيجلبب عليه وبيخليني انسى امن يابتني هههههههههههه
بليز مابا حد يلومني الي فيني مكفني
المشاركة الأصلية كتبت بواسطة Ahlami101
رد مع اقتباس
