عنوان الموضوع : أبي نصايحكم الغاليه ع قلبي المومة و الطفل
مقدم من طرف منتديات الضمير العربي

السلام عليكم حبيباتي

بنات أنا مخطوبه وخطيبي إنسان محترم ومصلي ،،، الموضوع إنه البارحه فتحنا موضوع البيت هو عنده شقه مفروشه بس الأثاث جديم

فكنت اقوله بغير الأثاث قالي مو كل شي مثلا الستاره غاليه ومكلفتني بس قلتله ديزاينها جديم وهني رده ما عيبني قالي هذا ستايل الطبقه الهاي كلاس ونتي ما بتعرفين له الا لمي نتزوج وتصيرين من طبقتنا !! هني انا إضايقت وعصبت قلتله انته جاد ؟ قالي مكتوب بالقران الناس طبقات " ترا نحن من نفس القبيله" وتقريبا بنفس المستوي بس إن أبوه كان ماسك منصب عالي وتقاعد ـ،،، هو مو أول مره يتكلم بموضوع الطبقات بس قبل حسبالي مزح طلعت السالفه جد ! طرشت مسج له اذا انا مو من طبقتك عيل جفلك وحده من طبقتك والله يوفقك ،،، وهو مارد علي.. عقب سرت صليت العصر سبحان الله حسيت بالراحه " أنا مصليه إستخاره قبل"

أبي رايكم لأن ألزم ما ع الإنسان كرامته ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ماعرف شاقولج، بس أنتي لازم توقفينه عند حده وتكونين صارمه معاه أنه هالشي إهانه لكرامتج وتأكديله أنج مب أقل منه مستوى!
ع الأقل الريال مب بمنصب أبوه الريال بأفعاله مب اللي يتخقق بأبوه!

خليج واصحه معاه من البداية مب عقب كل يوم والثاني ياب هالطاري ويغثج فيه

__________________________________________________ __________

>>>> الرد الثاني :
صدقج دانه ومشكوره ع الرد

__________________________________________________ __________

>>>> الرد الثالث :
خليج طبيعية وقوليله يزاك الله خير والإنسان ما يأخذ من ال دنيا الا اعماله خليج رزينه وعاقله وهو يمكن يمزح وصدقوني الملجه وأول الايام مشكلها سخيفه وبتذكرين بعد كم سنه
انتي مخطوبة والا مالجه
اذا مالجه ما أنصحج بالطلاق
واذا مخطوبة فكلامج وياه اصلا حرام اي صلاة استخارة انتي اتصليها الله يهديج

__________________________________________________ __________

>>>> الرد الرابع :
خليج طبيعية وقوليله يزاك الله خير والإنسان ما يأخذ من ال دنيا الا اعماله خليج رزينه وعاقله وهو يمكن يمزح وصدقوني الملجه وأول الايام مشكلها سخيفه وبتذكرين بعد كم سنه
انتي مخطوبة والا مالجه
اذا مالجه ما أنصحج بالطلاق
واذا مخطوبة فكلامج وياه اصلا حرام اي صلاة استخارة انتي اتصليها الله يهديج

__________________________________________________ __________

>>>> الرد الخامس :
ليش ما توقفون الناس عند حدهم من اول مره؟
ليش تخلونهم يتمادون ف الغلط وفجأه تبينولهم
ردة فعلكم من الموضوع!، يعني الطبقات ما فيها
مزح عشان اتطوفيله هالشي، خلاص انتي طرشتيله
مسج الحينه، واذا رد عليج واعتذر يلسي وياه ورمسيه
بكل صراحه انه هالموضوع ما تبينه يرمسج عنه وان
هو طبقته اعلى عن طبقتج ف من الله عن ييه يوم ويكون
اقل عنج!


الله يهديهم