عنوان الموضوع : تعبت من خيانة ريلي لتربية الطفل
مقدم من طرف منتديات الضمير العربي
السلام عليكم ورحمة الله وبركاته
شحالكم ،، عساكم بخير وسهاله
كل منا يواجهه مشاكل ف حياته الزوجيه
بعضها يقدر يعلها والبعض تكوم مثل الازمه اللي تنغص بحياة الواحد
الله يسلمكم انا تعبت من خيانات ريلي ماعرفت شو اسووي معاه
وايد مواضيع ف هالقسم تتكلم عن الخيانه وتتكلم عن كيف تعاملين ريلج وقتها
انا ريلي من بداية حياتنا صارحني وقالي انه كان يحب وحده بس تركها ( ع قولته )
هالوحده (( واااصله ومن قبايل معروفه وفوق ها كله اهلها يدرون باللي تسويه بس مخلينها ع راحتها بما انها كبيره ( عمرها حول ال٢٤ )
المهم والاهم انه وايد اضاربت ويا ريلي بسبت هالسالفه وايوده يكلمها ويحلفلي انه مايخصه
قبل فتره عرفت وايد اشياء انه ارقام فوناته كلها منها ورقم سيارته منها
و وااااااااااااااااايد اشياء هدايااا منها
اضاربت وياه قبل ٣ شهور تقريبا والسبه زخيته وهو يكلمها بس حلف انه بس يبا يرد هداياها
ويبا يرد لها فلوس عسب لا تشتكي عليه ف المحكمه
وكل ماتكلمت يرد ويقولي ترضين عليه تيرني المحاكم وتشتكي عليه ويتم يقول كلام وايد
ف مايكون عندي رد وماعرف لها السوالف ف اسكت
بس خليته يوعدني عقب مايرد كل شي مايدر يكلمها ولا يتواصل وياها وان صار شي او سوت شي يخبرني
وتم يحلف انه مايخبي عليه شي
لانه هو يقول انه هي اللي تحشره وهي اللي كله ادق واطرش مسجات
المهم ثالث يوم عيد سرت ويا هلي العين وهو تم ف البيت بس ع الساعه ١٠ ف الليل دق عليه يقولي حد اتصل بج قلتله لا ليش قال فوني مسروق وماعرف منو ماخذنه بسس لو حد دق عليج لا تردين
عقب مابند دق رقم نفسسسسسس رقمممممه بضبببببببط اللهم اخر رقم غير
انا انصدمت منو اللي نفسس رقمه ،، بس لانه قالي لا تردين ما رديت ( غباااااء مني لاني صدقته )
بس عقب مافكرت قلت منو اللي بيسرق فون وبيتم يدق ع الارقام !!!
ف رديت كلمته وقلتله منو يسرق فون ويدق ع الارقام الموجوده
طبعا وقتهااااا خلاااص بدء يعلي صوته وانتي شو قصدج ومشكوره ع هالتفكير ومن هالكلام
انا مارتحت ودقيت ع الرقم مرتين عقب وصلني مسج سب وكل شويه يوصلني مسج سب وانا ساكته لان سب مب متعوده عليه ( وايد وايد منححححط ) وانا عمري ماخيست لساني بمثل هالسب
المهم كلمته وتم معصب وانتي وانتي وطلع كل الغلط علي انا ماتحملت ويلست اصيح وقلتله مابرد البيت لان والله تعبت منه
وفوق ها حامل ف الشهور الاولى و وايد تعبانه
قبل فتره وعدني قالي لو عاد دقت او طرشت شي بيخليني اكسر رقمه واشل فوناته
و ف الفتره اللي يلست بيت اهلي ( تقريبا ٣ ايام ) تم يحايلني ودخيلج ردي وانا احبج ومابا غيرج ومن هالكلام
بس انا خلاااص وصلت حدي ما اقدر يعني لدرجه اسلوبي وايد تغير وياه
المهم حايلني الين وافقت اني ارد البيت بس بشروط و وافق ع هالشروط
رديت وتمينا نتناقش شويه عقب صدمته بطلب
قلتله ابا فونك تم يقول انتي مشكلجيه وادورين المشاكل وتبين الزله علي وماتعرفين كيف تخليني وتفارقيني
طبعا انا ما ارد عليه لان كل مره نفس الكلام
قلتله لو ماعطيتني فونك انا برد بيت اهلي ومابيني وبينك شي
ماعرف شو يسوي واستسلم وعطاني الفون بس قالي اونه اوعدييني ماتزعلين لو شو شفتي قلتله ان شاء الله
فتحت الفون وليتني مافتحته لقيت وااااااااااااااااااااااااااااااااااااااااااااايد بلاوي
ع الواتسب يكلم وايد بناااات
ع البي بي ام كل كلامه ويا ربعه عن البنات والمصااخه
لقيت صووور تشيب الراس هو وبنات وخاصه هو وياها ( استغفرالله )
وقريت محادثتها وياه ،، كانت تسبني وتغلط علي وهو ساكت لدرجه توصل (للفراش )
انا وايد انصدمت ومن الصدمه يلست اصيح ماقدرت ايود عمري
وهو مععععصب ويسب وحسسني اني انا الغلطانه
ف نفس اليوم كنت اكلمه بكككككل برووووووود وكانه مافي شي
كنت متبلده
وثاني يوم قلتله خلاص انا ما اقدر اكمل وياك وايد تعبني ومايتادب
انا ماعرف شسوووي وياه
هو يحلف انه يحبني ومايبا غيري وانه هي اللي ماذيته
ماعرف شسوي المشكله انا وايد احبه و وايد اسامحه وسامحته واااااااايد
بس احينه ما اتحمل ،، من الصبح ماكلمته بس ف اشياء مهمه وما اتعمق وياه
انصحووووووووووني شو اسووووي لان والله اني تععععبت منه ما اتحمل اكثرررررر
وسوري لو كان كلامي مب مفهوووم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
لاحول ولا قوة الا بالله
مافيه شي يكسر الحرمه غير الخيانه والله العظيم
ياختي والله مادري شقولج بس ريلج غلطان
احينه بتعرف نقطة ضعفه وهيه عاطتنه هدايا ودامنها من عايله معروفه وهاي هاي فاسمحيلي اقولج اياها ريلج مستحيل يفج منها
وبعدين حبيبتي لو هو مايبااها والله العظيم لو كانت من عايلة منو يقدر يشتكي عليها ويقول هيه مأذتني وايود عليها ادله وبجيه بيتخذون الشرطه الاجراءات اللازمه
لكن سامحيني ريلج عاطنها ويه واايد وشكله مايبا يودرها
ودام عنده بنات غيرها فمعناااته لو ودرها اصلا بيروح لغيرهاا جي ولا جي
الغلط والعيب من ريلج هووو الي متمادي وعايبنه الوضع ولا مابيسكت
بنصحج بنصيحه يالغلا ويارب تنفع وياج
ردي بيت اهلج واقطعي ريلج ولاتردين ع مكالماته احقرييييييه مال 3 ايام لاتردين على ولا شي لامسجات ولا مكالمات ولا توافقين انه ايي يشوفج اختفي من حياته هاليومين خليه يحس بجيمتج خليه يتادب ادب
لنه انتي طيبه ومسكينه ويدري انج بتسكتين وبتسامحينه مثل كلل مرره
عقب ماتحسين انه اتادب صدق اشرطي عليه شرووط رقم سيارته يردلها اياه او يبيعه - ارقامه يقطعهم كلهم ويطلع ارقام وفونات يديده وكل تلفوناته وممتلكاته تكون بيدج تشوفينها متى ماتبيين
خيريه بينج وبينهم وان ماطاع ووافق على شرط من هالشروط فقوليله اسمحلي مابرد وياك
هدديه انج بتخبرين اهله عليه وبتنشرين موضوعه بين اخوانج واخوانه وكل اهلكم وبتخلينه مايسوى فلس عشان مايرد يكرر هالحركاات مره ثانيه
بنات انا ردي بيكون قووي بس هاللي اشوفه مناسب لمشكلتها
سامحيني الغلا ماودي اخرب بيتج لكن ان حسيتي ماترومين تسوين هالشي لاتسويينه
بس هالحل المناسب احس عشان يتادب
شافج ساكته فيقول بتسكت دووومم وعادي برد اكرر حركاتي وبتسامحني
خليه يحس انه صدق خسرج
__________________________________________________ __________
>>>> الرد الثاني :
الله يهديه
اختي
ريلج مايعرف ربه لو يعرف ربه جان خاف الله فيج وانتي بين روحين مثل مايقولون
ولو يصلي جان صلاته بتنهيه عن الفحشاء
اختي انا بجاوب لو كان هالريال ريلي
كنت بطلب الطلاق
ليش؟
مايصلي > كافر يعتبر
يزني> امراض و اكبرها ايدز
مدمن بنات
و هدايا وخرابيط
عيل ليش معرس ؟
جان تم عزوبي
انتو ماسألتو عنه قبل؟
عن صلاته ودينه؟
الله يهديه بس نصيحتي دخلي حد من كبار العايله من طرفج و طرفه
__________________________________________________ __________
>>>> الرد الثالث :
الله يعينج الصراحة
اول شي هو مب ياهل عشان تي وحده ع قولته ماتذتنه ومب قادر يحطلها حد هو ريال بالغ وباجر بيصير اب
خليه وطنشيه لابعد حد لان اللي يسويه يغضب الله مب عبده بس
وقوليله الزاني يزنى باهل بيته ولو بعد حين
اللي يظايق من هالنوع من الرجال يوم انته ماشبعت نزوات ليش تبلش بنت الناس وياك
اهم شي صحتج وصلي وادعي مالج غير ربج
__________________________________________________ __________
>>>> الرد الرابع :
شو أقول بس ؟؟؟
الله يعينج حبيبتي انا دقت من هاذا الكاس المر قبلج وإنجلبت حياتي جحيم
__________________________________________________ __________
>>>> الرد الخامس :
استشيري اختي اخصائية بالمشاكل الزوجيه لانه حقيقتا هالامور لو تركت للزوجه لحلها ما يتحملها القلب والعقل
ونهايتها خراب البيت امام مهزله اغلب الرجال تبع هالايام والبركه بالوااتس والانستغرام والبي بي ما يقصرون كلهم
ما اقول غير ربي يصلح حالكم و الافضل تستشيري اخصائيه ثقه
وربي يصلح امركم
رد مع اقتباس
