عنوان الموضوع : أحسن وأحلى أنواع جبن للفطاير وجبن عكاوي...أفيدونا خواتي..!!
مقدم من طرف منتديات الضمير العربي

::مرحبا خواتي...:
ابي أعرف أحسن جبن عكاوي وجبن للفطاير...أنا جربت جبن البقرات الثلاث (الأخضر) مكتوب عليه للخبز والمعجنات.. طعمه لذيذ وأنا يعجبني المالح اشوي.. بس شو عيبه يطلع من الفطاير في الفرن ما يتم مكانه..:

بالنسبه لجبن العكاوي أبيه شرات المطاعم الي يسوون الفطاير والمناقيش...وايد لذيذ ويتمطط لما يكون ساخن...وعندي تاريخ حزين مع جبن الحلوم...أنا أحب أدش المطبخ وأتفنن بالفطاير...جربت واشتريت جبن الحلوم واستعملتها...الفطاير طلعت أشكالها نفس المخابز ..بس يوم ريلي تذوق من فطيرة الجبن..شافني وقال : ليش في طعم الهوش في الفطيرة...؟؟؟
أنا أعرف إن جبن الحلوم مكس من حليب البقر والماعز ...بس ما عرفت ان الطعم بيكون قوي لهالدرجة...كرهت جبن الحلوم...

فأبا منكم ياذوات أصحاب الخبرة يفيدوني....أنا من الفجيرة وين ممكن أحصل أحلى الأنواع ؟؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا اختي
انا استخدم جبن بوك المالح او المراعي المالح للفطاير
بس ذاك اليوم روحت كارفور طلبت منه جبن بيتزا مب مبشور حق البيتزا
قالي الريال هذا مايستخدمونه للبيتزا يستخدمونه حق الفطاير
بس انا ما جربته ولا مره وماعرف شلون يطلع طعمة
انتي جربيه وبعدين خبرينا شلون بيطلع
خخخخخخخخخخ

__________________________________________________ __________

>>>> الرد الثاني :

المشاركة الأصلية كتبت بواسطة بنوته درام
هلا اختي
انا استخدم جبن بوك المالح او المراعي المالح للفطاير
بس ذاك اليوم روحت كارفور طلبت منه جبن بيتزا مب مبشور حق البيتزا
قالي الريال هذا مايستخدمونه للبيتزا يستخدمونه حق الفطاير
بس انا ما جربته ولا مره وماعرف شلون يطلع طعمة
انتي جربيه وبعدين خبرينا شلون بيطلع
خخخخخخخخخخ




مشكووره حبوبة...أنا راح أجرب ...بس هالجبن ماركه معينة ولا بالكيلو؟؟؟؟؟؟

__________________________________________________ __________

>>>> الرد الثالث :
صراحة احسن نوع للفطاير جبن كيري وبس صدقيني

انا نفسج جربت البقرات الثلاث وماحلو لانه ريلي يقول مالح وايد

وتعرفين شو بتحصلين في المعارض الاجبان الجاهزة اللي نفس المكدوس ظني عرفتيه

خذيلج البيتزا وجبن بالزعتر روعه بالفطاير جربي وايد روعه بس شوي عيبه يطلع بس انتي حطي شوي بس الطعم اووووووووووووووووووووووف خبل عذاب

الكل يتخبل عليه

وانا خاطري اعرف احسن نوع جبن للهامبرجر للبيت

جربت المراعي ماحلو

سالت الكافتيريا وانا من الفجيرة قالي جبنه بيغن بيكن او بيغن المهم قالي بالساجدة

ودورة في بوظبي ماحصلت

عموما حبيت انفعج

__________________________________________________ __________

>>>> الرد الرابع :

المشاركة الأصلية كتبت بواسطة حورية الامارات
صراحة احسن نوع للفطاير جبن كيري وبس صدقيني

انا نفسج جربت البقرات الثلاث وماحلو لانه ريلي يقول مالح وايد

وتعرفين شو بتحصلين في المعارض الاجبان الجاهزة اللي نفس المكدوس ظني عرفتيه

خذيلج البيتزا وجبن بالزعتر روعه بالفطاير جربي وايد روعه بس شوي عيبه يطلع بس انتي حطي شوي بس الطعم اووووووووووووووووووووووف خبل عذاب

الكل يتخبل عليه

وانا خاطري اعرف احسن نوع جبن للهامبرجر للبيت

جربت المراعي ماحلو

سالت الكافتيريا وانا من الفجيرة قالي جبنه بيغن بيكن او بيغن المهم قالي بالساجدة

ودورة في بوظبي ماحصلت

عموما حبيت انفعج




ما قصرتي ...ويعطيج العافية غناتي...أنا أستعمل جبن الكيري في الفطاير ...أسوي خلطه
(جبن كيري +جبن البقرات الثلاث الأخضر للمعجنات + جبن مازوريلا من نفس الماركه)

جربي الخلطة حتى تنفع للسمبوسة....ممكن تحطين بعد جبن المثلثات (ابو الولد)...طعمه لذيذ ويمسك...بس أنا ف خاطري الجبن العكاوي....وعن سؤالج عن جبن السلايس...أنا أستعمل مرات (شيزديل) الي للسندويشات... بس مشكلته يي لونه أصفر...دوري في اللولو والأهلي هني بالفجيرة عن ماركات ثانيه يي لونها أفتح ...وجربي ...أكيد بتحصلين النوع الي بيعيبج...

__________________________________________________ __________

>>>> الرد الخامس :
بالنسبة للجبن العكاوي في نوعين في السوق نوع مالح واااايد ونوع ملحه خفيف
النوع الخفيف ناكله عادي اما المالح واااايد فهو للفطاير وهو نفسه اللي يستخدم للمناقيش والمعجنات في المطاعم واول ما ينحط في الفرن يذوب
وعلى فكرة النوع اللي ملحه خفيف ما يذوب في الفرن ويظل مكانه مكعبات ...والمالح اول ما ينحط في الفرن يذوب مثل الموزاريلا وينمط طبعا احلى من الموزاريلا بوايد
بالنسبة للعكاوي المالح تبشرينه باليد او بالمبشرة اليدوية وتودنينه في الماي خمس او عشر دقايق وبعدها تشخلينه وتستخدمينه عادي والسبب في خلطه بالماي لتخفيف الملوحة
وبتحصلين العكاوي المالح في كارفور سيتي سنتر في دبي ..انا حاولت اشتريه من جمعية الشارجة لكن طلع مغشوش قصدي ماكان مالح وايد ولهالسبب ماذابت في الفرن ..حاولي تشوفين اللون العكاوي العادي لونه مصفر شوية والمالح يكون لونه شديد البياض
وبالتوفيق