اليوم سويت معكرونة على العشاء هذي احلى معكرونه عند :1 (40): يحبها وايد ويقول عنها لذيييييييييييييييييييييييييييييييييييييييييييذه وهي بالفعل لذيذه ودسمه ( اللي مسويه ريجيم تطلع من الحيييين )
وهذي صورة المعكرونه عقب ما طلعتها من الفرن
وهذي صورة ثانية
وهذي القطعة لاول وحدة ترد (بنشوف عاد من بيفوز فيها )
المقادير ( لصينيه بهالحجم ):
2 كيس معكرونه
3 فلفل اخضر بارد (يقطع قطع صغيرة )
صدور دجاج ( يقطع قطع صغيرة )
4 حبات بصل
فصين ثوم مهروسين
زيتون اسود ( كثر ما تحبين )
2 علبة صلصل
ماجي وملح وفلفل اسود
جبن مبشور
صلصة البشاميل
الطريقة :
اول شي نحمس البصل والثوم في شوية زيت وعقب نضيف قطع الدجاج ومكعبين ماجي
نخلط الدجاج زين الى ان يذوب الماجي ونضيف شوية ملح ورشة فلفل( زيدي ولا نقصي على ذوقج )
نضيف الفلفل الاخضر ونقلب الدجاج الى ان يذبل الفلفل وبعده نضيف نص كمية الزيتون والصلصل ونخليه على النار عشر دقايق مع التقليب المستمر وبهالشكل خلصت الحشوة .
المعكرونه:
نسلق المعكرونه في ماي مغلي مضاف له 4 مكعبات ماجي وشوية زيت وكركم .
بعد ما تخلص المعكرونه نشخلها ونضيف لها جبن مبشور ونخلطها زين الى ان يذوب الجبن .
ناخذ الحشوة ونضيفها الى المعكرونه ونضيفلها بعد نص كمية البشاميل ونخلطها زين ونحطها في صينيه تدخل الفرن ونرش على الوجه باقي الزيتون ونغطيها بباقي البشاميل والجبن المبشور
وندخلها الفرن نشغل الغاز من تحت شوي وعقب نحمرها من فوق وبسسسسسسسسسسس
صحتين وعافيه:22 (21):
رد مع اقتباس
