عنوان الموضوع : وأخيرا الكروسان الفرنسي بالزبدة بالخطوات المصورة لأول مرة في المنتديات العربية من مطبخي
مقدم من طرف منتديات الضمير العربي

صباح الخير خواتي اليوم بقدملكم طريقة الكروسان الفرنسي الاصلي الي بالزبدة طبعا الطريقة صعبة شوي بس ممكن تسوينها على كذا يوم مثل ما انا سويت . يعني سويت العجينة وخليتها ترتاح يوم كامل وبديت أدمجها مع الزبدة وأكون طبقات مديت يوم ونص ونص اليوم الأخير خبزيتها بهذي الطريقة بتحسين أنها سهلة ومش طويلة ولا متعبة. والموضوع هذا اخذ مني 3 أيام اتمنى يحوز على رضاكم
باسم الله نبدأ
المقادير

طبعا من أكواب المعاير استخدمت 10 أكواب يعني في حدود الكيلو إلا ربع طحين أبيض فاخر لا تستغربون من الكمية بس في البيت كلها يتخبلون على الكروسان الي أسوية وكل مرة يضاربون إني الكمية ما كفت وراح تعرفون سر هذي اللهفة على الكروسان



نص كوب حليب بودرة



معلقة صغيرة ملح وملعقتين باكنج باودر



نص كوب زيت – وثلاث أرباع كوب سكر



ننخل المواد الجاف كلها .



نبدأ بعجن المواد ونضيف في كل مرة مقدار نص كوب ماء وراح أراويكم طريقة العجينة بالتفاصيل .



ونضيف كوب أخر من الماء ونعجن وراح نحصل على عجينة بدقة. ونستمر بالعجن.



بعدين نبدأ بإضافة الزيت ونعجن بقوة



وهذا شكلها بعد إضافة الزيت والعجن.



وراح تصير دبقة مرة ثانية ولكن نستمر بالعجن

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
وهذا شكلها بعد ما عجنا لين ما تكون متماسكة وغير دبقة.
[IMG][/IMG]



وهذا شكلها النهائي لاحظي كيف صارت ملساء .




لاحظي كيف تشد مثل اللبان .




بعدين نحطها في وعاء بس نتأكد إني الوعاء مفروش بالطحين من تحت.




بعدين نحتاج قالب زبدة وزنها 400 جرام ونقطعه شرائح بهذي الطريقة.


بعدين نصف شرائح الزبدة على قطعة من النايلون ونغطيها بقطعة أخرى من النايلون .




ونفردها بالنشابة بهذه الطريقة




بنحتاج سطح من خشب أو رخام أنا هني استخدمت طاولت الطعام الخشب.



وهني العجينة جاهزة وشريحة الزبدة باردة وجاهزة .




ونبدأ بفرد العجين لاحظوا كيف سهلة في الفرد لانها ارتاحت فترة طويلة.



[

__________________________________________________ __________

>>>> الرد الثاني :


ونفردها لحد ما تكون شبة رقيقة بس مش شفافة وايد مثل ما تلاحظوا في الصورة أسفله.



نحط شريحة الزبدة بالوسط.




ونبدأ نطويها كما هو مبين في الأربع صورة بالأسفل.













بعدين نقلبها على الناحية الثانية بهذه الصورة




وهذه شكلها بعد ما طوين عليها زبدة. عندنا الحين 3 طبقات لاحظوا في الصورة في الأسفل.




نبدأ نفرد هذي الثلاث طبقات وراح تنفرد بسهولة وياج لأني العجينة مرتاحة.



لاحظ قوامي العجينة كيف طرية .


 

__________________________________________________ __________

>>>> الرد الثالث :
ونفردها على قد ما نقدر




وهذا صورتها من قريب.




وبعد ما نفرد بأقصى طول نطبقها على ثلاث طويات




هذي ثاني طوية




وهذي عقب ما طوينها




لاحظوا حبيباتي حصلنا على 4 طبقات . لاحظوا من الجنب




نغلفها بالنايلون بطريقة محكمة




ونحطها في صينية ونحطها في الثلاجة.




وهذا شكلها خواتي بعد ما كررت عملية الفرد والطوي 4 مرات وخواتي كل ما كانت علمية الفرد الطوي أكثر كلما حصلنا على طبقات أكثر عند الخبز.

 

__________________________________________________ __________

>>>> الرد الرابع :
وهذا بعد ما فردتها لأخر مرة قبل التقطيع ، لاحظوا كيف شكلها من قريب في الصورة أدناه




لاحظوا الطول خواتي لاني العجينة كانت كمية كبيرة فبالتالي كانت بهذا الطول.




هذا بعد ما قصيت أطراف العجينة لاحظوا (layers) الطبقات وهي عبارة عن طبقات الزبدة والعجين. وهذي الطبقات هي سر الكروسان . يعني اذا قصيتي العجينة وطلعت طبقات واضحة بهذه الطريقة معناة انج نجحتي




نقطع المستطيل إلى مثلثات كما هو مبين في الصورة أدناه




وهذي صورة المثلثات من قريب.


لاحظوا خطواتي أطراف المثلثات كيف الطبقات واضحة .




لاحظوا خواتي كيف الطاولة فوضى ترى هذا هو الكروسان محتاج مكان واسع .

 

__________________________________________________ __________

>>>> الرد الخامس :
ومثل ما انتو عارفين لفة الكروسان وهذي خطوات اللفة للتاكيد في الصور أدناه












وهذا شكلهم بعد ما خلصنا كل الكمية




وهذي صورة من زاوية ثانية



 

وهي صورة أقرب للكروسان




وهذا شكلهم بعد ما رصيناهم في الصواني