عنوان الموضوع : لحقوا علي................. زوجي طلع فيه السكري والكلسترول المطبخ اماراتي
مقدم من طرف منتديات الضمير العربي

زوجي طلع فيه السكري والكلسترول ......طبعا مب أنا السبب........بس شو إلأكلات أو إلأطعمة إلي تخفضهم ؟ إلي عندها خبرة بليييييييييييييييييييييز إساعدني

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يا ذي الكوليسترول والسكري منو ما عنده يااختي

لا تخافين انا ريلي من طلع عنده السكري استوت في البيت عندنا حالة رعببب
وام ريلي كل يوم تتصل فينا وتسأل شو اكل وشو شرب
وكل لقمة ياكلها ريلي يتدخل كلها العالم ويتصحونه زين مب زين

لين ما الرجال تعقد .. استوي يشتهي الاكل الممنوع عليه اكثر من قبل
بالنسبة لزوجي الله يحفظه الدكتور قال له حاليا ما تحتاج ادوية حاول تنزل وزنك وتسوي رياضة

وفعلا بعد الريجيم نزل لكوليسترول ... ما عليك من الاعلانات لي تقول لك خالي ولا يخفف لكليسترول في بعض الاغذية لي تنباع في المحلات .. كلام فاضي

البقوليات معرف انها تنزل الكوليسترول ... شرات الفول والعدس والفصوليا والحمص ... وهو بعد مفيد لمرض السكري ( ابوي عنده سكري )

عندج بعد

طبعا لازم تخففون من الاكل الدسم والدهون والربيان واللحم ... وكثروا من الاغذية لي تكثر فيها الالياف

يجب عدم إهمال دور النشاط الحركي (الرياضة) وخاصة رياضة المشي فهي مهمة جدا في الحد من مشكلات ارتفاع الكوليسترول حيث ان للرياضة دورا في زيادة الكوليسترول الجيد والذي يحمي القلب ويحمي الشرايين.

__________________________________________________ __________

>>>> الرد الثاني :
مشكورة يالغالية على الرد...........وباتبع نصيحتج

__________________________________________________ __________

>>>> الرد الثالث :
ربي يعافيه

وانا بعد ريلي طلع فيه السكر والكليسترول وكم مره حس بانه صدره جهة اليمين مع ايده وخذت التحاليل وعرضتهم على الدكتور وخوفني وقالي على طول اول ما يحس بالاعراض يسير المستشفى فورا ويوقف التدخين

لانه هذي اعراض الذبحه الصدريه

مع انه ريلي مب متين وماياكل الاكلات الدسمه

بس ما نقول الا ربي يشافيهم ويعافيهم

__________________________________________________ __________

>>>> الرد الرابع :
الله يشفي و يشفي جميع المرضى ان شاء الله


الغالية ام ربيعتي عندها سكري و تقول انها خفضت منه بالرياضة اللي هي المشي


و فيه شي ثاني بعد تاخد نوع من الخضار اسمه الفجل لونه احمر و تقطع صغير وايد و تحطه فغرشة و تصب عليه غرشة بيريي perier الخضرا و تسكر عليهم و طول اليوم تشرب منه خاشوقة

او تحط حلبة هب مطحونة و تصب عليها بيرييه و تشرب منهم طول الوقت

__________________________________________________ __________

>>>> الرد الخامس :
اولا..المفروض يعرف السكر اللي عنده من اي نوع لأن السكر نوعين نوع اول ونوع ثاني وهل هو وراثي ولا؟ويستشير دكتور مختص عن حالته وكيف يتعامل مع حالته..وهو بيعطيه جدول بكمية الاكل ونوعه اللي لازم ياخذه.وهل يحتاج الى ادوية او انسولين؟وانتي بعد لازم تعرفين هالاشياء عشان تقدرين تهتمين فيه وكيف تتعاملين مع حالته
ومثل ما قالوا الخوات..لازم يحافظ وينتبه على اكله يعني ياكل الاطعمة المفيدة مثل الخضروات وبعض الفواكه حسب مايقوله الدكتور لأنه اعتقد انه المفروض ياكل بعض انواع الفواكه مش كلها لأنه بعضها فيه نسبة سكر عالية ولأنه فيه اطعمه وحتى ادويه ممنوعة عن مرضى السكر حسب معلوماتي..لازم ويخفف الدسم في الاكل والسكريات وحتى الملح..ويمارس الرياضة واهم شي المشي...

ولازم يكون عنده دكتور معين او مستشفى او عيادة يتابع فيها حالته كل شهر تقريبا..وان شاء الله تكون حالته من النوع البسيط..والله يشفيه ويشفي جميع مرضى المسلمين