عنوان الموضوع : الحمد لله ربيت بالسلامه ... ولكن ! من مطبخي
مقدم من طرف منتديات الضمير العربي
مرحبا الغاليات
حبيت انقل لكم بشرى ولادتي الحمدلله ربيت ويبت بنوته
بس عندي مشكله صابتني اثناء الولاده وكثير يعانن منها لكن انا حالتي صعبه
( البواسير) هالمره بصراحه وايد تورمن و التهبن علي والغلط مني انا سكت عن عمري وما تعالجت
اللي عانت مثلي او حتى اقل واللي تعالجت الله يرضى عليها اللي بتخبرني وين اتعالجت وكيف تجربتها مع العلاج واللي سوت عمليه وين واهم شي تكون دكتوره ما ابا دكتور
الله يخليكم ساعدوني لاني مضايقه وايد
ويزاكم الله خير والله يسهل على كل الحوامل يااااارب ويرزق المنتظرات والمتمنيات بالذريه الصالحه امين
دمتم*
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الف مبرووووك حبيبتي وتتربى فعزج وعز ابوهاا... واختي بخصوص موضوع البواسير لا تسكتين على نفسج وراجعي الدكتورة فاقرب وقت ممكن... وله علاج لا تحاتين...
__________________________________________________ __________
>>>> الرد الثاني :
الف مبروووك والحمدلله على سلامتج
والله يشافيج ما عندي فكره بس ان شاء الله البنات بيفيدونج
__________________________________________________ __________
>>>> الرد الثالث :
الله يشفيج يالغاليه ومبروك وربي يجعله من الذرية الصالحة
__________________________________________________ __________
>>>> الرد الرابع :
الف الف مبرووووك وتتربى في عزكم ان شاء الله
اما بالنسبه للبواسير اتمنى انج تتعالجين وتروحين المشفى اكيد في اطباء ممتازات
__________________________________________________ __________
>>>> الرد الخامس :
مرحبا غناتي مالح غير التين والله أني
أقولج بكل صدق وأمانه أنا مثلج تلعوزت وايد
من خبروني عن التين وكلته خفف من البواسير
وايد مفعول سحري سبحان الله
ومن غير اختي اشتريت من عند وحدة اصبع تحميل تحطينه في الشرج
مبرد للمنطقة فادني وايد والحمدلله
والله يخفف عنج معناتج يارب*
رد مع اقتباس
