عنوان الموضوع : حليت مشكلتي مع التشنج المهبلي المطبخ اماراتي
مقدم من طرف منتديات الضمير العربي
بسم الله الرحمن الرحيم
الحمدلله حمدا كثيرا طيبا مباركا ، الحمدلله الحمدلله الحمدلله
بسم الله وماشاء الله وعليه نبدا
اعاني من التشنج المهبلي منذ زواجي لاكثر من عامين ،والتشنج المهبلي هو انقباض عضلات الرحم مما يودي الى صعوبة الايلاج .
المهم لا خليت طبيبه عراقيه - هنديه - مصريه- اماراتيه - امريكيه - سوريه
وكل وحده تقولي قصه
اللي نازعتني وحطمتني وقالت لي انتي دلوعه
واللي قالت لي كيف ريلج صابر عليج
تحطمت - يأست - وتعبت نفسيا وتعب زوجي مني
اتخيلوا سنتين بدون جماع طبيعي
واخيرا حصلت الحل :
اتمنى كل وحده تقرا موضوعي تدعيلي بظهر الغيب ، بان الله يرزقني الذريه الصالحه والسعاده في الدارين
ومسموح نقل الموضوع لاي منتدى لمساعدة الاخريات
=====
قرات في الانترنت وايد عن التشنج المهبلي وشفت بنات السعوديه عندهم طبيبات نساء يعالجن هذا الموضوع بس للاسف في الامارات ماحصلت حد يساعدني
رحت عند دكتوره وفضت لي غشاء البكاره ببنج كامل لكن ماانحلت مشكلتي والمشكله اساسا هي الخوف من الجماع ممايؤدي الى انقباض عضلات الرحم انقباضا شديدا مما يؤدي الى تعسر الجماع او لا يوجد في الاساس .
المهم سرت الصيدليه اشتريت رش بخاخ اسبري مخدر : غالبا يستخدم لتخدير الاسنان
وبعدين سرت مشيت لمدة 20 دقيقه وانا استغفر 1000 مره
وتميت ادعي يارب سهل اموري
لان الريال اذا صبر فتره مابيصبر العمر كله ولازم اساعد نفسي ماحد يقدر يساعدج الا انتي
وتميت اقول ان مع العسر يسرى اكررها كثير
وبعدين سرت البيت وجلست امام المرايا
وشفت المنطقه اللي عندي في المراه وعرفت الفتحه المطلوبه
وقعدت اتحكم في العضله كاني اسوي تمارين اشد واهد اشد واهد
التمارين كانه اذا كان عندكم امساك ولما الانسان يضغط عشان ينزل البراز اعزكم الله
وعرفت العضلات المتحكمه وبعدين ورشيت البخاخ على المنطقه خمس رشات
وسميت بالله وربكم يسر امري
حمدت الله حمدا كثيرا ان سهل لي اموري
وضعيتي كانت اني كنت على ظهري ورفعت ريولي للاعلي عشان تسهل العمليه
وافتكيت طبعا جربت هالموضع مره وحده
ولازم تكون في ممارسات عشان العضله تتعود
لاني اشعر حاليا بألم في المنطقه
وسلامتكم
كل اللي تقرا موضوعي اتمنى ان تدعيلي بالذريه الصالحه وتدعي لكل مبتليه
وشكرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ماانصح بهالطريقه لان احتمال ماتحل المشكله بل تزيدها
الله يرزقج الذريه الصالحه ...
__________________________________________________ __________
>>>> الرد الثاني :
حبيبتي والله وادعي ربج بالثلث الاخير وان شاء الله ربي يفرجها عليج يالغاليه,,
__________________________________________________ __________
>>>> الرد الثالث :
هالحل مؤقت لانج عالجتيه موضعيا
لكن شو عن التوتر والعامل النفسي؟؟ هل كل مره بتستعملين البنج
والمنطقه ممكن تتاثر على المدى الطويل
لازم تفكيرج ونفسيتج تتغير
__________________________________________________ __________
>>>> الرد الرابع :
يا حافظ عليج ،، والله صبرتي ونلتي وصدق نقله وتحول كبير صار فحياتج ، ربي يرزقج الذرية الصالحة
__________________________________________________ __________
>>>> الرد الخامس :
الاخوات العزيزات مشكورات على الردود
انزين عيل شو الحل الصح
كيف اتحكم في نفسي والعضلات نتحكم بها لا اراديا
اللي تعرف طبيبه ممكن تساعدني في الامارات تقولي
لاني جربت وايد وتعبت منهن .
الحين عندي حسنيه قرقاش ماسرت لها
شو الراي
رد مع اقتباس
