بحثت في النت ونقلت لكم هذا الموضوع
يتحدث عن كل خرافات التحاميل والاعشاب اللي قاعدين يروجوا لها في كل المنتديات
لكن قبل كل شي بقول لكم شي:
اول شي ياليت ماينطق على المراة كلمة خربانه
لانها ارقى من ذلك
لانها انسان
لاتوصفوها بذا الشي
وثانيا روحي للدكتورة وقوليلها عندي ارتخاء بعضلات المهبل بعد الولادة وسببت لي خروج هواء وصوت
وقوليلها عندي مويات .. ترى المويات مرض طبي يسمونه : التهاب
بتقول لك شدي عضلات المهبل بتمارين كيجل واستخدمي مضاد حيوي عشان الالتهاب اللي سبب لك المويات
وسلامتك
ولو تحبي تستغني عن المضاد الحيوي باكلات طبيعية اوكيه ماعليه
كلي صحي واستخدمي بعض الاعشاب باعتدال مو ترجعي بقالة اعشاب كل شي يدخل معدتك المسكينة
والبيبي يشرب حليب فيه مكونات الله اعلم فيها
ترى يا اختي لا تستهوني بالاعشاب ولله بعض الاعشاب يصنعو منها السموم
واشربي عسل لانه مضاد حيوي من رب العالمين
واحب اقول لك شي
مازاد عن حده انقلب ضده
كثرة الاعشاب تضر
وتسبب سرطانات للرحم وتخثرات للدم
واذا ربي سلمك وماصابك شي .. خذيها درس واعتدلي بشربها
انا ما انكر ان الحبة السوداء والعسل وصى بها الرسول
والحلبة تدر الحليب
بس وش كل هذي الامور اللي تربكوا فيها البكريةالمسكينة اللي تقرا كلامكم وتطبقه رغم انها ماقد سمعت ان امها وجدتها يشربوا كل ذي الامور
مانعرف عن جداتنا الا انهم يقولوا كلو الاكل الصحي المفيد زي البر وغيره والعسل ولازم يكون حار ولاتمشو حافيات وخلاااااااااص
ويالغلا لازم حليبك يكون فيه من كل المكونات الصحية المفيدة لولدك
زي الخضار والفواكه والعصاير الحارة وليس الباردة عشان الكرش
واشربي مويا كثير لانك تعطشي مع الرضاعة ولازم تعوضي السوائل
وبس
مافي داعي لبرنامج: الساعة 6 مدري وشو والساعة 7 مدري وشو
والساعة 8 بخري مهبلك دخلي له دخان وكربون ومدري وشو كمان
سامحوني ع كلامي
بس كيف تقولوا ممنوع البخور في غرفة الام وتروحي تتبخري بخور كمان مكون من كربون بحجة انه كبو
واسمعوا كلام جابر القحطاني عن الكبو ذا
أما وصفة بخور النساء فهي أردأ من وصفة النفساء وهي إن لم تكن مثلها فهي أردأ
وبعدين اللي تقول هاذا نظام جدتي وجدة جدتي ومدري لمين كمان تنسبه !!!
يا ناس جداتنا بالعافية كانوا يلاقوا الاكل زمان
وماكان في علم ينشر وصفات واسماء اعشاب معينة
يعني كان علم جداتنا محدود في الحلبةوالقرفة والرشاد والماش والمرة والحبة السوداء والعسل
ويمكن بعض الاموركمان
مايعرفوا الوصفات هذي كلها اللي في نظام فيافي وغيره اللي يجو البنات يقولوا هذا نظام امي وجدتي
بالله عليكي هل جداتنا يعرفوا هذا الاعشاب المذكورة في وصفة من الوصفات :
عود الحلبة-قرنفل - خرنوب - عود القسط - خولجان - فوه - عنزروت - لويه - فلفل ابيض - فلفل اسود - حبة سوداء - حلبة القصيم - مغات - يانسون - كراوية - كمون - حلوة - شمر - هيل هندي - جوزة الطيب - نقض ابيض - نقض اسود - نقض نهار - ورق جرجير، شذاب - - فلفل هواء - عود هواء - لبان كندر - كزبرة - خشكبير - مرة - عنزروت -قرفة
ولله لو تسألي امك وجدتك عن المكونات اللي فوق حتلاقيها يمكن تعرف بالعافية ثلاثة او اربعة بس
معليش لاتزعلو من كلامي
بس يالغوالي انا امي كمان ما قالت لي غير كلي اكل حار من البيت زي البر وغيره
وحطي عليها عسل اصلي ولا تشربي بارد
واشربي قهوة قشر مع زنجبيل وقرفة
واجلسي في مويا حارة مع ملح
او مويا مع عسل اصلي
ماقالت لي ع الخرابيط الثانية
وهنا كلام الدكتور جابر القحطاني:
سائلة تقول ان هناك أعشابا مكونة من خلطة تستخدمها المرأة بعد النفاس
وتتكون من حلبة وحبة سوداء ورشاد وكمون ويانسون وماش وكرزنة + عشبة الحواثج الموجودة لدى العطارين،
حيث تخلط هذه المواد بمقادير متساوية ماعدا الرشاد فيكون اقل ويضاف لها سكر نبات وتطحن
وتوضع على المرق بعد نضجه وعلى الاكل عامة مثل المرقوق
ويؤخذ ايضاً منها ملعقة على كأس حليب كل صباح وقبل النوم،
كما تقول هناك عند العطار اعشاب خاصة للنفاس تدعى «الحوائج الحلالة وهذه الخلطة مكونة من عدة اعشاب
والسؤال هل تقرون هذه الخلطة وهل لها أضرار جانبية واذا كنتم لا تقرونها فما هو الشيء المفيد بعد الولادة؟
الجواب
الاخت السائلة المواد التي ذكرتيها اعلاه تكمن خطورتها على الطفل الذي سترضعينه من حليبك،
حيث إن هذه المواد سوف تفرز مع الحليب ويتعاطاها الطفل الرضيع،
وهنا يكمن الخطر ولذا انصح بعدم استخدامها اطلاقاً،
اما ما يخص الخلطات التي تسمى المردود او الحواثج الحلالة والتي تباع لدى العطارين فهي من أخطر الاشياء على المرأة بعد الولادة وخطيرة على الرضيع،
ولذا يجب عدم استخدامها.
والشيء المفيد بعد الولادة التغذية الجيدة والاكثار من التمر وشرب قشر القهوة وكذلك الحلبة والتمر ولا أنصح بغير ذلك.
فالحلبة وقشر القهوة يدران الحليب للطفل والشمر طارد للغازات.
و لقيت رد في هذا المنتدى كتبته دكتورة dr.wewe
هنا ملفها الشخصي
https://forum.**********.com/member.php?u=578308
وهنا كلامها :
من وجهة نظري اشوفها خرابيط
أنا أدرس طب 6 سنين مامر عليا لا في كتاب و لا على لسان دكتور مصطلح خراب و شمم
ما عرفتهم إلا من هنا
و المصيبه إنها مو شرب اعشاب مخلوطه و بس.. لا المصيبه يحطو أشياء من تحت
و الله إنكم ما تدروا عن شي
ماراح تتوبو إلين وحده يصيرلها شي
نشوف بلاوي في المستشفيات
كله من تحت الخرابيط اللي يسووها
حتى أهلي ما ياكلو دي الخرابيط
و الحمدلله ما عمره عندنا أحد في العيله اشتكى
حدهم يشربو أشياء دافيه و أكل صحي و صلى الله وبارك
أما اللي ما تستحمى و لا تتعطر أسميها وسخه
أول مره ادري العطر ينزل للجرح تحت
أمي لمن كانت نفاس ماشاء الله ريحتها و ريحت جسمها عطور
و البيت كل يوم مبخرينه
رحت عند زميلتي نفاس ماشاء الله نظافه و ريحة تفتح النفس
العلم نور من جد
وهنا موضوع اخر وجدته اثناء بحثي في قوقل
-بعد ما عرفنا ان هناك فعلا خراب للارحام وعرفنا الاسباب راح ابدي اقولكم البرنامج الطبي للنفاس الروعه وهو :
- اهم نقطة انج تعرفين الممنوعات
( الماء البارد والعصائر البارده والايس كريم
لانها بارده وانتي نفاس تصابين بالمغص فيزيد وكذلك حتى لا يحبس الدم داخل الرحم
فكلنا يعرف ان الماء يتمدد بالحراره وينكمش بالبروده
والدم بالرحم ما نبيه يتجلط ويقعد نبي نتخلص منه
( ولذللك ينصح بعمل كمادات دافيه توضع على البطن مرتان يوميا لمده عشر ايام)
- المردود ( خطر خطر)
وقد قام الدكتور جابر القحطاني بفحص اعشاب المردود
فوجدها لا قيمة لها وانها تضر
وكذلك قام بف***ا دكتور مصري في اكبر معامل القاهره
واثبت سميته على المدى البعيد وانه يقدم الشيخوخه
لان الاعشاب اللي فيه تتفاعل مع بعضها فتساعد على قتل الخلايا وعدم تجددها
( عشان جذي اشوف احنا نعجز قبل هالاجانب)
( ترى الاعشاب مثل ما تنفع تضر وخطأ مقولة ان الاعشاب اذا ما نفعتك ما ضرتك)
- ابتعدي عن البيبسي وانواعه لانه بطنج وقت النفاس فارغ والرحم لا زال متوسع واذا شربتي غازيات بيتجمع الغاز والهواء ويطلع لج اصوات ونغمات اثناء الجماع وكذلك يكبر وينتفخ كرشج.
- لا تقعدين باي مغطس كان ولا تقعدين بالبانيو
ولا تبخرين المنطقة باي اعشاب ( الكبو)
( الكبو خطر
ولا تسوي تحاميل مرة ابدآ.. لانه كثرتها ( واقول كثرتها) اثبت علميا داخل انها ضاره
وتسبب قرحة الرحم
وكذلك حذر منها المعالج بو احمد دكتور بالطب البديل والاعشاب وهو كويتي في مجلة الصحه والناس..
وكذلك الكبو او البخور دخان الكبو يسبب رطوبه
( اليك تجربه من دكتوره نساء وولاده تقول:
الرحم خفيف وبسرعه يتاثر وهو نشبهه بالقطنه لانه كل شي يمتصه وانتي اخذي القطنه وحطيها على المبخر وخلي البخور يتصاعد شنو راح تشوفين , راح تشوفين القطنه رطبه ولو عصرتيها بينزل الماء
وتجمع فيها الكربون وهو خطر
وصارت سوداء
وفوق هذا الريحه خايسه
بالله عليكم من يتبخر الحين بقشر بصل هاهاهااي
وينصك ويرد الرحم مكانه على هالرطوبه فيصير الخراب.
** انا اعرف شكثر بنات ما عجبهم هالكلام او ما يوافقوني الراي لانهم تربو على هالشغلات واللي يكبر وهو متمسك بعادات صعب تقدرين تغيرينه
واللي يقهرج انهم حريم مثقفات ويقرون ويسمعون هالخرابيط
- انا سالت دكتوره عن فوائد بعض الاعشاب وقت النفاس:
فردت تضحك وتقول :
بصراحه ما يضحكني الا القصص اللي ينشرونها العجايز
( ان في وحده سافرت برا وولدت
ولما خلصت نفاسها راحت مراجعه
بعدها انصدمت الدكتوره من رحمها وشلون صار عجيييييب
وقامت الدكتوره الانجليزيه تترجاها تعرف شنو سر الخلطه)
والقصص كثيره وتموت ضحك
يبا انا دكتوره وانا اولد الحريم
وانا اشوف الكويتيه والسعوديه والسودانيه والاجنبيه والمصريه
اكثر اللي جوني بفترة النفاس عشان اشيك عالخياط( واكون عارفه انهم يهتمون بالاعشاب ) واسعين وريحت الرحم تلوع الجبد وواسعين ورطبين.
والله الاجانب ارحامهم نظيفه ومشدوده وما يسوون هالخرابيط ( اسفه)
وفي حريم كبار اذا قلتي لها ماراح اكل هالاعشاب تقوم تصارخ تقولج بتخربين ولما تلتزم فيها الوحده بحذافيرها وخرابيطها وتنصدم انها خربانه..
وعقدونا لا تجوعين ولا تنبشمين يعني عندهم عذر
الحين اذا ما كليتي ادويه واعشاب وخربتي يقولون عشان ما خذيتي الاعشاب
واذا مشيتي على اعشابهم وجداولهم وادويتهم وخربتي قامو يرقعون بقولتهم السبب ان اعشاب فلان مو شي واعشاب فلانه هم موشي ...
يطلعون نفسهم يطلعون....
وانا اقولكم اكلو مثل ما تبون بشي معقول
عموما
1- التزمي بقائمة الممنوعات فقط التي ذكرت سابقا
وكلي كل اللي نفسج فيه خضروات وباميا ورقي ومانجا
وكل الفواكه انتي وحده نفاس فقدتي كميات كبيره من الدم لاوم تعوضينها
وفاقدة فيتامينات
وفوق هذا قاعده ترضعين طفلج
وخلي بشرتج وشعرج يرجعون لنضارتهم
وخلي الدسوم واكل النفاس اللي يكبر الكرش ويمتن
اخذي الفوائد من الفواكه والخضروات جميعها
واكلي اللي تشتهينه
ولا تلزمين نفسج باكلات معينه كانج بسجن ابو زعبل
والله والله ثم والله عمرها الخضروات والفواكه تخرب
لكل وحده فايدتها
وكذلك اشربي ماي بس يكون فاتر مو بارد
وذكرنا الاسباب وكثري منه لان جسمج فقد سوائل وانتي ترضعين البيبي
وياخذ الحليب كل الماي
واذا قللتي شرب الماء راح يقل حليبج
او ما ينزل منج حليب
لا تخافون ماراح يتجمع بالرحم
صيرو عقلانين
كلنا نعرف الجهاز الهضمي راح ينزل الماء طوالي من المرئ للمعده لل... وتبولينه
ما راح يدخل الرحم
بس احنا ما نبيه بارد لانه اذا شربتيه ونزل وهو بارد بيبرد معدتج ويصير البطن بارد والرحم ينكمش ويتجلط الدم اللي فيه وما ينزل الدم.
اذا فقد الجسم الماء صار فيه جفاف يعني شعرج راح يخرب ويتقصف
وبشرتج بتولي وتخرب
وتصيبج الشيخوخه مبكر
تدرين ليش لان الماء من مكوناته الاكسجين والخلايا بالجسم محتاجه هالاكسجين
واذا فقدته الخلية تموت واذا ماتت الخليه ما تتجدد اذا انتي فوف الثلاثين فتبدا التجاعيد...
كثرو من الماي نفاس وغير نفاس عشان تطلعين من نفاسج تهبلين ووجهج وشعرج نضر وصحي مو كانج طالعه من التعذيب.
2-نامي وقعدي ومتى ما تريقتي تريقي وشربي سوائل دافيه
ومتى ما تشتهين اكلي ولا تقيدين نفسج بجدول وروتين
ويقعدونج هالعجايز من صباح الله خير وانتي تقومين عيونج تعورج سهرانه مع البيبي
خلو الوحده تشبع نوم وترتاح ومتى ما قعدت كلت ما هو طاير الاكل ( النوم نص العافية مثل ما قال المثل)
3- اتسبحي من يوم تطلعين من الولاده
لا تقولين راح يدخلني هواء
لا حبيبتي اتسبحي من دم الولاده وشعرج كله عرق من الولاده
اتسبحي ونظفي نفسج
واذا خايفه من الهواء حطي المجفف بالحمام
وجففي شعرج وجسمج ولا تطلعين الا ناشفه
ولبسي دلاغج قبل تطلعين
( بس في شرط اذا بغيتي تتسبحين لازم تتسبحين وانتي واقفة بالدش ( فقط الدش)
او قاعده على كرسي اذا تعبانه.
بس لا تتسبحين ببانيو ليما تطلعين من النفاس عشان الماي ما يدخل الرحم
4-حبوب الحلبة ( فيتولات)-مرتين يوميا- لانها تدر الحليب وتعوضج عن الحلبة العادية وطعمها وريحتها فتاخذين فايدتها لحليبج وزيادة ادراره وعشان يقوي جسمج وعظامج.
بالنسبه لبرنامج الاعشاب:
( الاعشاب المطلوبه فقط واثبتت فاعليتها هي :
1- الحبة السوداء المجروشه فقط لان ليس لها فائده اذا اخذت بدون جرش
لانها مغلفه بغلاف من رب العالمين يحفظ فوائدها بالداخل واذا كسرت ظهرت الفائده .
ويطلق عليها حبة البركه تنظف الجسم من السموم بما فيها الارحام وتنزل الدم المتجلط بالرحم ولذلك تسبب الاجهاض وتمنع اثناء الحمل وتساعد بنزول الدوره الشهريه اذا تاخرت وتزيد الطاقه وارغبه الجنسيه.
2- الدارسين:مطهر للبطن والرحم ويمنع عن الحامل ويسبب اجهاض ونزوال الدوره المتاخره ولذلك فهو ينظف الرحم تماما
3- الرشاد يعفس مع التمر مفيد جدا لان االرشاد يضيق المنطقه ويشد الرحم و ينزل كذلك الاوساخ وبقايا المشيمه والتمر غني عن التعريف لن نستطيع سرد جميع فوائده.
4- الحلبه وهي من اهم الاعشاب ولكننا استعضنا عنها بحبوب الفيتولات اكثر تركيز وانظف من حلبة الحواج وما تحط ريحه بالجسم الا اذا ما تسبحتي يومين . يعني ما تنفع اللي تتبع برنامج العجايز للنفاس.
-قبل طلعة نفاسج بخمسة ايام حطي تحميلة بيتادين مرتين يوميا لمدة خمس ايام. عشان تنظفج من الماي والوصخ.
بصراحه انا تحسفت اني ما مشيت على هالبرنامج وريحت عمري,,
وسمعت كلام العجايز ونظام فيافي بس تعذيب
وبالاخر ما كو فايده طلع بلاوي
بس خواتي اللي التزمو في هالبرنامج ماشالله 6 عيال وسبعه وما تغيرو)
منقول للفائدة
رد مع اقتباس
