عنوان الموضوع : باركولي ربيت...وهذه قصة ولادتي تغذية صحية
مقدم من طرف منتديات الضمير العربي
وأخيرا وبعد المعاناة .. والحمد لله ربيت ويبت محمد...
موعدي كان 14-7 وانا ربيت يوم الجمعة 4-7 الساعة 1:36
من الساعة 3 الفير لين الساعة وحدة
الويع بدأ فيني من الفلي بس خفيف، ةبدأ يشتد من الساعة 7 ونص الصبح
من 7 ونص لين الساعة 3 حاولت وصبرت عمري تميت امشي طول الليل وأقرا سورة الزلزلة وآية الكرسي والمعوذات
الساعة 3 خلاص ما قدرت
سرت المستشفى
وقالوا لي النفس فاتحة 3 سم
الساعة 5 وشيء قالوا فتحت 6 سم
وانا اتويع واتحرقص
لين الساعة 11
قالت لي الدكتورة راسه على فوق وما فتحت النفس اكثر... لازم طلق صناعي
وان ما نفع ساعتها قيصرية
خلوني اوقع
وتميت عى الطلق الصناعي، واتقول لي لا تضغطين ، ومن اتحسين بتقلص حطي الاوكسجين
وصلت مرحلة هلوسة.. تخدر جسمي وما اعرف شو كنت اقول
ظهري وواااااايد كان يعورني
حليلها النيرس (القبالة) من الفير لين ما ربيت وهي تهمز لي ظهري
ما وقفت دقيقة
ياسوني على ركبي، ورفعوا السرير، وخلوني احضنه
ودخلوني الحمام الله يكرمكم وهناك خلتني اسوي تمرينات
بس علشان ينزل الراس
فديته ما نزل راسه
لين الساعة 12 تقريبا او 12 ونص تقريبا قالت فتحت النفس 10 ونص
ساعتها بديت اضغط وادفع لين لساعة 1 ونص
ما اعرف كيف بس كنت اغفي وارد اتويع واصيح
أمايا قابضتني وحاضنتني
وأنا أدعي واستغفر
" يا رب سامحني ..يا رب اغفر لي..يا رب سهل علي"
أقول حق امي، خليها هي اتطلعه انا ما اروم خلاص
قوليلها اتسوي شيء، بس تقول لي شدي و تمت لي push and push
قلتلها خلاص i am tired, I can't push
بس من اتزيد التقلصات ، كنت اقول لها I want to push
I will push
ما اعرف كيف وبعد الضغط والدفع والشد ومع الاكسجين
ربيت 1 و 36
قالت لي خلاص، سمعت صوته وهو يصيح، حطوه على طول على صدري
ما صدقت ان المعاناة انتهت
من شفت نسيت كل شيء
وما فكرت لحظتها إلا بريلي.....قلت حق امي ( وانا مدوخة) اتصلي فيه خليه يسمع صوته
فديته مسافر وما اعرف متى بيرد (صار له شهر ونص وجريب بيكمل شهرين)
الله يرده لنا بالسلامة يا رب
الحمد لله انهم ما سولوا لي قيصرية، بس اضطروا يشقون ويخيطون ( والحين الخياطة متعبتني ) بس الحمد لله
ادعي لخواتي جميعا.. الله يسهل عليكن الولادة واتقومون بالسلامة يا رب
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ماشاءالله عليج
مبروك ماياااااااااااااااج والحمدلله ع السلامه
الله يجعله ابن بااااااااااااااار وصالح
ان شاءالله
__________________________________________________ __________
>>>> الرد الثاني :
الف مبروووووك اختيه
ويتربى فعزكم ان شاءالله
الولاده معاناه..الله يرزقني ويرزق كل محرومه
__________________________________________________ __________
>>>> الرد الثالث :
فدييييتج الحمدلله على سلامتج ويتربى في عزكم ان شاء الله ذكرتيني بولادتي ااااااااااااااااااااااه
__________________________________________________ __________
>>>> الرد الرابع :
مبروك .. الله يجعله من الذرية الصالحة ,, آآآآآآآمين
من قلتي آلام في ظهرج عرفت انج بتقولين يبتي ولد..
ذكرتيني بأول ولادة .. حسيت ظهري بينكسر من النص من كثر الالم..
لاااااااااااااااااا مابا اتذكر ..خخخخخخخخخخخخ
عالعموم حمدلله على سلامتج
الحمدلله
الحمدلله
الحمدلله
__________________________________________________ __________
>>>> الرد الخامس :
مبرووك الغاليه .. وعقباالنا ان شااء الله..
رد مع اقتباس
