عنوان الموضوع : الأكل المضر بالمرضعه؟؟!!
مقدم من طرف منتديات الضمير العربي



اشحالكن؟

لوسمحتو انا الحمدلله ارضع بنتي ومن كمن يوم بطنها وااايد عورها كله مغص استمرت عنها 3 ايام

امي قالت لي من البيبسي والغازات ال تشربينها واربيعتي بعد قالت لي من الموز والمانجو بس انا قلت لها ما اضن يخصه الموز والمانجو

انتو شو الفواكه او الخضراوات بشكل عام الاكل ال اتجنبه وانا ارضع بنتي عشان ما ياثر فيها خصوصا ان احس انه الحليب شويه واخاف ما اكمل فترة رضاعتها بسبب قله الحليب

وال ما تعرف ياليت ترفع الموضوع
السموحه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :


الله يعينج ويقويج على الرضاعه انا بعد ارضع بنتي ومن يومين بعد يالها مغص وتصيح وايد كنت ماكله (لبوب) سوالها مغص ويوم آكل المانجا يصيبها اسهال.

يقولون البقدونس يزيد الحليب والحلبه بعد بس انا ما جربت وعندج العصاير كثري منهن وايد زين ويزيد الحليب والسوائل عموما.

تحياتي ،،،


__________________________________________________ __________

>>>> الرد الثاني :
اتوقع من الموز لانه روحه يسوي غازات يوم الواحد ياكله..حاولي تتجنبينه واي شي
تشوفين ان يسوي غازات ..يمكن باقي الخوات يفيدونا ..للرفع

__________________________________________________ __________

>>>> الرد الثالث :
حبوبه لزيادة الحليب و عن تجربتي اشربي يانسون و شمر،و كلي الخبز و البسكوت الأسمر(زي دجستيف)،وعلشان تخففي الغازات عندها اشربي نعناع و زعتر،و بخصوص العصاير ينصح عدم الإكثار منها لأنها تسبب حموضه في المعده للبيبي،أو انك تخففيها بماء،الرز يسبب نفاخ و مغص..
ان شا الله أكون أفدتك و ان تذكرت كمان شي برجع أكتبه

__________________________________________________ __________

>>>> الرد الرابع :
صح الموز اختى وهم البقوليات نفس الفول والعدس,,,,,,,,,,الخ

__________________________________________________ __________

>>>> الرد الخامس :
للرفع.......