عنوان الموضوع : مستشفى الكورنيش لصحة الجسم
مقدم من طرف منتديات الضمير العربي
بسم الله الرحمن الرحيم
انا طبعا كتبت هالرساله وكلي امل حد من ادارة مستشفى الكورنيش او حتى من الوزارةه يقرونها
تعقيبا على الاخت اللي كاتبه مشكلتها
انا عندي اافه بصراحه هيه عندها حق اذا الواحد مابيحصل الرعايه والاهتمام فبلاده وين بيلقاها وعقب فيه طريقه للتواصل مع المريض ولازم هالممرضه تكون ملمه فيها وكيف تتصرف مع الجمهور وغير هذا كله وين حق المريض والحرمه ماغلطت حقها وتطالب فيه يعني حاجزه غرفه VIPومتعنيه وعقب تحصل هالمعامله
وبصراحه انا من سكان المنطقه الشرقيه وكنت سايره مؤتمر بوظبي قبل اسبوع وعندي اربيعتي حامل فالشهر السابع وكل ولاداتها قيصريه وهذا الحمل الرابع الها المسكينه من اليلسه لفتره طويله حست بالام طلق وقمت ووديتها مستشفى الكورنيش الطوارئ (اي طوارئ اي بطيخ )تحريت عمري يالسه فالعياده اتريا الدور ويلسو ربيعتي ساعه الين ماخذوا لها الوظائف الحيويه وعقبعا ساعه يالسه عالكرسي وهي بتموت من الالم ويوم سالت الممرضه ماعندكم سرير تريح عليه الين ماتشوفها الدكتوره قالت لي لا استغربت وتمينا يالسين نتريا الا وحده في الشهر الثامن يايتنهم عشان يعطونها ابره وقالت لي انها البارحه يالسه عندهم من الساعه 2 الين8 وماعطوها الابره وقالو لها تعالي باجر ويوم يات مارضو يعطونها الابره اونه سيري العياده وخلي الدكتور يكتب لج الابره من يديد وتعالي اخذيها وتريي دورج فالمسكينه نشت وسارت بدون ماتاخذ الابره وماكان حد هناك بالمره والدكاتره كل وحده فيهن سايره راده وماعرف شيسون وقلت فخاطري اذا هاي الطوارئ جذه الله يعين العياده عيل شجى بتكون
وبصراحه الله يعين حريم بوظبي على هالمستشفى وخدماته اللي ماترتقي للصحه باي سمه
سؤال اخير وين الرقابه عن هالمستششفيات ولين متى بيتم المواطن يعاني ؟
وبعد يلومون الخلق يوم يسافرون برع يتعالجون شوه تبونهم يسووون يوم هالاشكال ماعليها حسيب ورقيب
الله المستعان على مايصنعون
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
__________________________________________________ __________
>>>> الرد الثالث :
الله يعينا شو نسوي ..المستشفى قبل وايد اوك ..بس الحينه ..تغير النظام ....وستوى مسخرة
__________________________________________________ __________
>>>> الرد الرابع :
الغالية بعد اضيف شي المشكلة مب بس في الدكاترة والممرضات بعد في الادرايات اللي تعامل المريضه بطريقة مب اوكي خاصة اللي حاطينهم في vip للأسف فيه قوانيين يديدة يعني ما تقدر الوحدة تراجع في vip الا اذا كان ريلها مدير عام او منصب اعلى واذا عسكري من رتبة عقيد وفوق !!!!!!!!!!!!!!!!!!!!!!!!!!!!! اذا ما بنحصل المعاملة الخاصة في بلادنا وين بنحصلها .... بغيت آخذ موعد في vip قالتلي اللي تحجز المواعيد هناك عفوا عطيني شي يثبت انج من كبار الشخصيات قلتها كيف قالت يعني انت شيخة ...مثلا ... ما اقول غير حسبي الله ونعم الوكيل انامب قصدي شي والله بس القصد ان الاسلوب وحسن التعامل يلعب دور
__________________________________________________ __________
>>>> الرد الخامس :
هيه والله الله يعينا على مستشفى الكورنيش وين اول وين الحين لاعناية ولارعاية
انا وحده عانيت منه في حملي قالولي المشيمة نازله ولازم اتنامين عدنا لانه خطر اذا نزل دم لو قطره لازم اتكونين عدنا عشان طوالي اندخلج غرفة العمليات .. قلت يالله مدام فيها صحتي وصحت البيبي طبعا ماشي غرف غير مشترك والله ايعينا على الغرف المشتركة .. المفروض عن العملية اسبوعين لكن انا تميت يومين في المستشفى ونزفت من الساعة 7 لين 10 ونص مع الام شديده لان عندهم ظغط في غرفة العمليات (ياسلام ) المهم بعد استعجال زوجي يركض شرق وغرب دخلت غرفة العمليات ومن كثر النزيف ضعف الاكسجين عند البيبي وحطوه في الحضانه ونقص عنده الدم وعطوه دم .. هذا طبعا كله عشان تأخرهم علي ..
وعلى فكره وحده ولدت على سرير الغرفة من كثر ماادق على السستر عشان اتخبرهم ومايوها
لا ووحده يت المستشفى وقالولها بعدج 2 سانتي فاتح عندج ردي البيت ماشي غرف والحرمة وحليلها ربت في بيتهم ويت المستشفى باسعاف ...
حتى متى يا مستشفى الكورنيش ؟؟؟؟؟
رد مع اقتباس
