عنوان الموضوع : ربيت ويبت بنت ... ولكن قدر الله وما شاء فعل ... تغذية صحية
مقدم من طرف منتديات الضمير العربي



مرحبا بكل ألي بيدخل موضوعي وبيدعي لي من قلبه .. مرحبا بكل ألي داخل عشان يقرا قصتي ...

الله يسلمكم انا كانت الدكتوره عاطتني تاريخ ولادتي 17 \1 وكنت اراجع فالمستشفى من دخلت شهري التاسع وانا كل اربعاء كنت اروح موعديه ومنتظمه على الفيتامينات والحديد ألي تكتبه لي الدكتوره ... وكان عندي موعد بتاريخ 14\1 ورحت الموعد وقبل هالموعد بليله كنت احس بحركت بنتي واتم حاطه ايدي على بطني واقول متى بشوفها عاد خاصةً انه عندي قبل بس ولد واحد وعمره سنتين ونص ف واايد استانست اني حامل وبييب بنوته حلوه حق اخوها ... المهم لين قبل ما ارقد وانا احس بحركتها حتى كان فيها بو شاق ( حازووقه ) ورقدت الحمدالله بخير ونشيت على الضحى وكان موعديه الظهر ورحت لهم بعد ما صليت الظهر ... وكنت اتريا موعديه ... مثل كل مره ... ودخلت وانا كل مره اكون عند دكتور بس هالمره حولني عند دكتوره لانه قال يباها تكشف لي من تحت يعني ... عشان تعرف متى الولاده ممكن تكون... وانا كنت ف آخر يوم من شهري التاسع ... المهم دخلت عندها و قالت لي بتصور تبى تشوف البيبي وحركته واذا الراس تحت وصورت وكانت الصـــــــــدمـــــــــــــــه ألي ما حسبت لها حساب انا خفت من نظرتها تمت كأنها مش مصدقه ألي تشوفه فالشاشه وتمت تزقر كذا نيرس فلبينيات وكل حد ايي ينصدم يوم يشوف الشاشه وكانو حتى ما يتكلمون انجليزي جلبو لغه ثانيه وانا تميت اصييييييييح لاني ما اعرف شو فيهم وتمو يركضون كل شوي يزقرون لي حد يديد قلت لهم فهموووني اررريد اعرف شو ألي صار لبنتي قالت لي اطمني اطمني ... كيف اطمن وانتو نظراتكم تخوف ... قالت لي والله انا آسفه لكن البيبي قلبها وقف ... وقف ... آآآآآآآآآآآآه يا قلبي كيف وقف وانا وابوها نترياها وكل يوم نختار لها اسم احلى عن الثاني كيف تروح عني ... وانا كل شي جهزته لها كل صغيره وكبيره اشتريتها لها ... حتى كنت اعلم اخوها كيف بيمسكها و وين بنرتب اغراضها فالكبت وانه بينفعني وبيسبحها وياي .. كيييييييف ماتت وانا اترياها والله اتم اقول فديتها ابا اشوفها ابا اشوف شكلها ... مررره كنت اخر ايامي مثل كل ام كيف تتوله تبى تشوف ضناها ... كان هالكلام يوم الاربعا وانا بروحي رايحه الموعد محد وياي وانصدم هالصدمه ... اتصلت ف أمي اخبرها وانه بيتنا جريب من المتشفى على طول يت وتمت تصيح وياي وتقولي انها طير من طيور الجنه وانها ما بتدخل الجنه ألا وهي ساحبه امها وابوها بأيدهم ... بس انا كنت مش مستوعبه هالشي وكلمت ريلي بس قلت له تعالي انا فالعياده ما قلت له شو السبب ويا على طوول و ما صدق وحضني ف غرفه الدكتوره وعيونه متروسات دمووع ويحاول يخبي عني ويقولي هذا اختيار الله ومحد يقدر يغيره ... وانا ارجع واقولهم صورو مره ثانيه بس ابداً ما في خيار ثاني خلاص البنت ماتت ... والله قلبي انحرق ... بس كنت اشكر الله واحمده على ألي اختاره لي ... بس سبحان الله وزنها كان 3 كيلو و كل شي فيها بخير و لا مشاكل فالمشيمه او الحبل السري بس سبحان الله قلبها وقف ... ورجعت هاك اليوم البيت وعطوني موعد بالباجر الساعه 9 الصبح وطبعاً انا ما رقدت كنت كله افكر كيف هي ف بطني الحين وهي ميته ... ولو غمضت عيني كله كوابيس تيني ... تميت اصلي وادعي ربي انه يهون علي هاك اليوم ... المهم رحت المستشفى وصورو عشان يتأكدون بعد مره ثانيه انه ما فيها نبض و خلاص تأكدو وحولوني على ثلاثه دكاتره يلست معاهم انا وامي وريلي ما طاع يدخل وياي لانه بسرعه قلبه يعوره من هالمواقف وما يستحمل يشوفني بس كان كله وياي فالتيلفون ... قالي الدكتور عندج خيارين يا انه تترقدين الحين و نبدا نعطيج طلق صناعي او تروحين البيت لين اييج الويع بروحه .. وممكن ايي خلال 10 ايام قلت مستحيل ارجع البيت انا يوم واحد ما استحملت انها تكون ف بطني... المهم ترقدت وعطوني طلق صناعي الساعه 1 الظهر ... و ما ياب نتيجة ورجعو عقب 6 ساعات الساعه 7 المغرب وعطتني تحميله ثانيه وهنيه من حطتها حسيت بضربة الظهر ... خلاص بدا فيني الويع و سوت مساج للرحم تقول بس حسيت بالموووت وهي تقيس النفس ... وتمت تقنعني ب أبرة الظهر .. اني آخذها بس انا ما وافقت ولا ريلي طاع اني اخذها .. وبدا فيني الطلق من سبع المغرب لين ست الصبح ربيت وطبعا ً عطوني مييع الابر وكانت في ابره ادووخ تخليني اشوف الناس ملونيين كنت اشوف ويه امي ازرق .. و اشوف السقف يمشي والاشياء تروح يمين يسار ورقدتني ساعه وبعدين عالساعه ست يوم ربيتوشفت بنتي والله انها جميله فيها جماااال سبحان الله شكلها غير و ويها ابيض وثمها وردي وردي وشعرها كثيف ياي ونازل على ويها بس مسكت ايدها وقلت فديتهاااا ويت النيرس وقالت لي ألوي عليها وتميت اصييييح اكثر كيف ألوي عليها وانا بس بالشوف تعلقتها ... آآآآآآه اباها والله ... وكنت اصيح اكثر يوم اسمع ألي عدالي فالغرفالثانيه يربن ويسمعن صيااااااح عيالهن .وخلوني ف غرفة الولاده ارقد ساعتين لانه نفسيتي كانت تعبانه مع انه بالعاده ألي يربن ساعه ويطلعونهن غرفهن خلاص وكانت معاملة النيرسات وياي غير ويحنن عليه اني صغيره وبنتي ميته ... بس الحمدالله...و يا ريلي وابويه وتمو يقرون عليه وكان هذا صباح الجمعه وراح ريلي طلع حق بنته شهادة ميلاد وبعدها على طول راح وطلع لها شهادة وفاة وسماها بالاسم ألي كنا متفقين عليه ... وكان هو كله يصيح ويا ابويه وشل بنتي وراحو عشان يدفنونها ...وابويه يقول نحن ما شفناها ولا عاشت من بينا لكنها غلت عندي وما انسى ام ريلي ((عمتيه)) ما قصرت وياي كله كانت تقرا عليه وتهمزني وتعبت واايد يوم شافتني ... ف ما قدرت تشوفني بهالحال وروحت ويدتي الله يعطيها العافيه يت وتمت تصلي وتدعيلي ف الولاده انه الله يسهل علي ولادتي وخالتي هي ألي كانت ماسكتني طول الولاده... وهاذي ولادتي الثانيه بس واايد صارن لي تمزقات وخيطوني وااايد وها روحه معاناه بس ارجع و اقول انه الله له حكمه فهالـشي .. و الحمد الله على كل حال .. وابوالشباب كان مخطط انه نييب درزن عيال بس الحين يقول يوم شفتج هاك اليوم غيرت نظرتيه عن العيال ويقولي لو اييب 3 خلاص يكفون والله يعطي امهم العافيه... والحمدالله على حال اللهم لك الحمد والشكر ... صح انه الله خذ عني بنتي لكن ما انسى انه الله رزقني زوج زين ويخاف الله فيني ويداري بيته و انه الله رزقني بولد حلوو وعاقل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يهون عليج يا رب.........

وان شاء الله اتكون طير من طيور الجنه واتكون سبب في دخولج الجنه يا رب...............

والله ايعوضج يا رب.......

__________________________________________________ __________

>>>> الرد الثاني :
والله خليتني اصيييييييييييييح

يالله لحمد لله ع كل حال
خليت نفسي مكاانج
ما اعرف شو اقولج بس صدق اتأثرت
الله يعوضج خيرها ان شاء الله
ويخليلج ولدج وابو ولدج ان شاء الله
ويجعل لبنوته شفيعه لكم ان شاء الله

__________________________________________________ __________

>>>> الرد الثالث :
آآآآآآآآآآآمين الله يسمع منج يا رب

__________________________________________________ __________

>>>> الرد الرابع :
سبحان الله

الله يصبرج ويعوض فبنوته غيرها..

وهي اكيد طير من طيور الجنه

__________________________________________________ __________

>>>> الرد الخامس :
الله يرحمها
وان شاء الله تشفع لج ولابوها

الله يعوضج خير