عنوان الموضوع : ياليت حد يساعدني لصحتك
مقدم من طرف منتديات الضمير العربي
السلام عليكم ورحمة الله وبركاته
حبايبي بغيت مساعدتكم اذا وحده فيكم عندها خبره
انا عندي انسداد بالانابيب وماادري شو اسوي رحت المستشفى وكل مره اروح يعقدوني اكثر من قبل
والمشكله انا رمست دكتور سعودي وقال عادي بيسويلي العمليه وقال انها سهله وكلها عن طريج
الاشعه يعني عادي بنفس اليوم اقدر اطلع ,,, وطبعا وقتها كان الانسداد بنهاية الانبوب بس سبحان الله
قلت قبل مااروح ع السعوديه بروح اسوي الاشعه الزيتيه وشوفوا المصيبه صار الانسداد بالانبوب كله
باليمين واليسار ,, والله مضايجه حيل وماادري شو اسوي ...
واذا حد فيكم سمع عن مركز الصفا اللي بالعين تخبرني لاني قريت بالنت عنده وصفه حق الانسداد بس
خايفه اجربها ؟؟؟
ياليت حد يسااااااااااعدني
يعني اذا جربتوا وصفه ونفعت معااااااكم خبروني عنها ؟؟؟؟؟؟؟؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا سمعت انه عندهم وصفه بس مادري اذا حد جربها ولا لا
انزين سويتي الاشعه الصبغيه علشان تتاكدين من الانسداد؟؟
واذا ماعندج وقت روحي مركز الصفا وتوكلي على الله
وربي يسهل امورج يااارب ويرزقج الذريه ونحن معاج امين
__________________________________________________ __________
>>>> الرد الثاني :
سويتها هني وبتايلاند وخبروني الانسداد من بداية الانبوب ,,, وحاولو مرتين يضخون الدواء داخل
بس ماشي فايده مب راضي يفتح ...
تدرين خايفه اجرب الاعشاب لاني جربتها مرتين ومانفع ,,, ووحده من أهل ريلي دلتني على وحده باكستانيه
بعيمان قالت انها زينه واااايد وفي حريم راحو عندها والحمدلله الله رزقهم
انا رحت عندها وجربت الدواء تقريبا ع الشهر او الشهرين بس مشكلتي ما كملت عندها وهي كانت تقول حقي
الانانبيب بدت تفتح بس يوم رحت المستشفى وسويت الاشعه الصبغيه طلعت الحاله نفس الشي وما شي اي تغييير ,,
وشوفي من كثر ماافكر بالموضوع مب قادره ارقد ...
انا دايما ادعي بهالدعاء ,,,ربـي لا تـذرنـي فردا وانت خـــير الوارثـين
ياااااااااااارب ترزقني وترزق اللي ماعندهم عياااااال
__________________________________________________ __________
>>>> الرد الثالث :
الل يرزقنا كلنا ان شالله بس بغيت اعرف كيف اتعرفين اذا عندج انسداد عن طريق السونار وله ويارب لا تحرمنا يارب تحملين قبل رمضان يارب انك ترجمنا برحمتك الواسعه
__________________________________________________ __________
>>>> الرد الرابع :
الله يطمنج يارب
وكل شي له حل
سبحان الله وبحمده سبحان الله العظيم
__________________________________________________ __________
>>>> الرد الخامس :
اختي لاتعبين عمرج
اذا تبين تحملين الافضل تسوين اطفال انابيب ,,
ولاتسوين عمليات ولاشي ,,
لان الدكتورة قالت الواحد مايخاطر في فتح الانابيب لان العملية بعد الها مضاعفات ,.,
والله يرزقنا ويرزقج الذرية الصالحة
رد مع اقتباس
