عنوان الموضوع : انا في حالة يأس ساعدني يزاكن الله خير لصحة الجسم
مقدم من طرف منتديات الضمير العربي

السلام عليكم ورحمة الله وبركاته
خواتي انا قبل كنت منزلة موضوع عن مشكلتي في تاخر الدورة وكنت اظن انه في حمل واقترحن علي الخوات اني اروح اسوي فحص دم ورحت الحمدلله رب العالمين ما ظهر شي يعني كانت النتيجة اني مب حامل
الحمدلله ع كل حال والله يعوضني عوض خير
المهم خواتي انا ما اعرف الدورة صاير عليها متاخره علي 22 يوم وما ادري اروح عند دكتوره انزلها ولاا لا خصوصاً امي ما مخلتني اروح وقالت لي ما ارضى عليج
ياعدني شو الحل وشو اسوي
خصوصاً اني احس بلوعه واحس بالم الدورة صار لي الحينه ثلاثة اسابيع يعني من قبل موعدها بسبوع
ومرات اقول بصبر بس ما اعرف احس بضيق وايد
امي تقول لي انه احيانا ما يبين حتى بتحليل الدم وما تريدني اروح انزلها بحبوب او حتى باعشاب ما اعرف ليش
المهم فيدني يزاكن الله خير

صح بنات انا مسوية فحص هرمونات قبل وهرموناتي طبيعيه الحمدلله وسويت تلفزيون عشان المبايض الحمدلله ما عندي لاا تكيس ولاا شي
كل شي طبيعي الحمدلله امي تقول لي اتريي لحد موعدها الياي وبيبين كل شي والله كريم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انزين ليش الوالده معارضه ؟؟؟ اكيد هي مب واثقة في الدكاتره او خايفه من تجربة سابقة او شي جي صح ؟؟

سيري عند دكتورة شاطره و مضمونه ان شاء الله البنات بيفيدونج .. و لا تاخذين سوالف اعشاب و خلطات و غيره ها شي له خص بالهرمونات و لازم تتعالجين منه ..

__________________________________________________ __________

>>>> الرد الثاني :
الله بيرزقج عاجلا غير آجل

سيري الغاليه عند دكتورة وسوي فحص الدم وان شاء الله خير

ويمكن فيج تكيسات لا سمح الله

__________________________________________________ __________

>>>> الرد الثالث :
سوي تحليل حمل مره ثانيه .. يمكن يكون حمل متأخر مابين من البدايه..شيكي وشوفي الغاليه..الله يفرح قلوبكم يارب ..

__________________________________________________ __________

>>>> الرد الرابع :

المشاركة الأصلية كتبت بواسطة Miss Cavalli
انزين ليش الوالده معارضه ؟؟؟ اكيد هي مب واثقة في الدكاتره او خايفه من تجربة سابقة او شي جي صح ؟؟

سيري عند دكتورة شاطره و مضمونه ان شاء الله البنات بيفيدونج .. و لا تاخذين سوالف اعشاب و خلطات و غيره ها شي له خص بالهرمونات و لازم تتعالجين منه ..



هي الله يحفظها تقول مب زينين يمكن تنزل غزيرة وبتتعبين وبتتبهدلين وما تباني اروح فتقول احسن طبيعي

ومشكورة اختيا يزاج الله خير

__________________________________________________ __________

>>>> الرد الخامس :

المشاركة الأصلية كتبت بواسطة زوجة المرشدي
الله بيرزقج عاجلا غير آجل

سيري الغاليه عند دكتورة وسوي فحص الدم وان شاء الله خير

ويمكن فيج تكيسات لا سمح الله



اللهم آمين يا رب العالمين
يزاج الله خير