عنوان الموضوع : تكيس المبايض لصحة الجسم
مقدم من طرف منتديات الضمير العربي
مرحبااا
اشحالكم
بنات اليوم سرت اسوي فحص شامل طلع عندي تكيس في مبيض واحد وقالتلي الدكتوره لازم يوم اتيني تشربين وايد مااي عسب اتأكد مره ثانيه وانا الحين واايد خيفانه وانا مش متزوجه وعمري 24
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
عادي اختي طبيعي هذا وهاي تأثر على انتظام الدورة الشهرية واحيانا تمنع الحمل اذا تزوجتي ،بس لاتحاتين الها علاج عن طريق الادوية او العملية الجراحيةو
وعلى فكرة حافظي على اكلج ولاتكثرين من اكل الدياي ترى الها تأثير بها الشي.
وتستاهلين السلامة
__________________________________________________ __________
>>>> الرد الثاني :
تسلمين شوق الامل عالمروور
رحت الدكتوره توني وعطتني حبوب قالتلي خذيها بس وقت الدوره
وقالتلي لاتاكلين برجر وبيبسي وبطاطا
__________________________________________________ __________
>>>> الرد الثالث :
اختي لاتخافين هذا التكيس صاير منتشر فيكل مكان في البنات والمتزوجات انااعاني التكيس من فترة اراجع عند الدكتورةعلشان الحمل والحمد لله اكرمني الله بالحمل بعدالتوقف عن العلاج تصدقي حامل وفي كيس فوق المبيض ادعوالي الله يثبتة ويشفي كل مريض قولو امين تحياتي
__________________________________________________ __________
>>>> الرد الرابع :
لا تخافين, عادي
بس انتي حاولي تمشين كل يوم ساعة
وتنزلين وزنج
__________________________________________________ __________
>>>> الرد الخامس :
حبيباتي انا اذكر مره دكتوري فالجامعه قال ان هالتكيسات تيي عن طريق الخس الي مب مغسول زين
انا التكيس ياني فترة الحمل ... صح كنت دايما احس بويع ... بس الي صبرني ان الدكتوره قالة انه بيطيح مع الولاده ... و الحمد لله ربيت الحين ...و اتريى المراجع الثانيه عسب اشوف اذا راح التكيس او لاء ....
بس اختي عليج بالماي ... شربي وايد ماي ... و الله يقومج بالسلامه
رد مع اقتباس
