عنوان الموضوع : تنصحوني بمستشفى الفجيره؟؟!! للصحة
مقدم من طرف منتديات الضمير العربي

السلااااااااااام عليكم ورحمة الله وبركاته
مبرووك عليكم الشهر الفضيل

خواتي الغاليات الي ربن في مستشفى الفجيره تنصحوني فيه والا لا؟؟؟ الصرااحه زيغانه منه ومب حابتنه ومب مرتاحه له خير شر في ولادتي الاولى ربيت بمستشفى الوصل والحمدالله ارتحت لهم وااااايد بس ها المره ما فتحت لي ملف وما سرت اراجع عندهم وانا الحين بالشهر الثامن وما برضون يفتحون لي ملف الا اذا بواسطه يمكن او اني اسير الحوادث وقت الولاده !! فديتكم شورن عليه الي مجربه مستشفى الفجيره لاني امس سرت الحوادث وكانت فيني الام وماحد عبرني خير شر وعصبت منهم وظهرت من عندهم من غير ما يسووون لي شئ

اذا اوكيه المستشفى منو الي اتولد من الدكاتره زينه؟؟ وشو الخياطه (الجراحه ) اوكيه يسونها والا لا ؟؟ ويسون خياطة تجميلية؟؟؟

لا تبخلووون عليه بالرد لاني صج محتاره

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
للرفع

__________________________________________________ __________

>>>> الرد الثاني :
الحمد لله انا ولدت عندهم بس بعملية وكانوا وايد زينين معاي

__________________________________________________ __________

>>>> الرد الثالث :
بصراحة أنا سمعت انهم وااااايد زينين
أما أنا ربيت فالمستشفى كلبا اليديدة
بصرااااااااحة معاملتهم وااااايد روعة
يهتموا فيج طاقم الطبي وايد راااقي
بس أنا ربيت قيصرية كنت محولة من مستشفى خورفكااان
توكلي ع الله سيري مستشفى الفجيرهـ

__________________________________________________ __________

>>>> الرد الرابع :
انا بعد ابي اعرف عنهم ..
فيدونا...

__________________________________________________ __________

>>>> الرد الخامس :
أنا ربيت بولدي الأول بقيصريه بمستشفى الفجيره واللي سوت لي العمليه الدكتوره جروسروب اعتقد جي أسمها والحمدلله كل شي كان على ما يرام ..بس أضاربت مع ممرضه هناك لأني كنت محتاجه لمساعدتها وهي مطنشه وقاصده أطنشني وكانت غير لبقه بالكلام ابدا ..وخبرت بو العيال وأشتكى عليها بالإداره ..

وولدي الثاني بقيصريه في مستشفى كلباء الجديد واللي سوت لي العمليه دكتوره ندى والحمدلله كل شي على ما يرام.

ولادتي الثالثه بقيصريه بعد وقريبه أحتمال هالأسبوعين بعد بتكون في مستشفى كلباء ومع الدكتوره ندى .

والحمدلله على كل حال ..