عنوان الموضوع : خوفوني و قالوا يمكن متلازمة داون (منغولي)
مقدم من طرف منتديات الضمير العربي

السلام عليكم و رحمة الله و بركاته.

في البداية كانت المفاجأة و لله الحمد إني حامل بتوأم، سبحانه الكريم إللي انعم علي بعد خمس سنوات ....الله يرزق كل محرومة.

في الاسبوع العاشر سويت الالتراساوند، و قالولي إن قياس خلف منطقة الرقبة لواحد من ألأجنة 1.4 و هو طبيعي لكن الجنين الثاني القياس كان 2.59, و إذا تعدى 2.معناته إن الجنين مصاب بمتلازمة داون أو أمراض خطيرة أخرى. المستشفى عطوني موعد ثاني بعد أسبوع عشان يسوولي صورة تفصيلية، مع أنهم أكدولي إن تشخيصهم الاولي صح......

أنا ألحين ماعرف شسوي إلا إني أدعي ربي. و راضية بقضاءه سبحانه.

دخلت مواقع أجنبية و بعض النساء كاتبين إن القياس تجاوز 3.00 و رزقن بأطفال أصحاء.
خواتي حد منكم عنده أي معلومة يفيدني و جزاكم الله ألف خير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يحفظ الاجنه وان شاء الله ما عليه شر....آلزمي الاستغفار والصدقه صدقيني مفعولهم مثل السحر...وبتشوفين الدكاتره كيف مصدومين ان تحاليلهم غلطت...اتصدقي لو بشي بسيط الحين الهلال الاحمر متوزعين في كل مكان طرشي اي حد ياخذلج كوبونات من عندهم...اقري سورة البقره وادعي ربج من خاطرج وبتشوفين النتيجه...

الله يفرحج فيهم واتشوفينهم بخير وعافيه...ولزيادة في التآكيد شوفي دكتوره ثانيه...

__________________________________________________ __________

>>>> الرد الثاني :
ماعندي فكره الغاليه

ان شاءالله يكونون بخير ومعافين وماعليج من كلامهم

وترا الطفل المنغولي يعتبر طفل طبيعي وحده من اهلنا ولدها طلع منغولي والحمدلله عايش حياته طبيعي جدااا


لا توسوسين وماعليهم شر ان شاءالله

وربي يتمم لج حملج على خير ياااارب وتفرحين بشوفتهم ^_^

__________________________________________________ __________

>>>> الرد الثالث :
ان شاء الله الجنين ما يكون فيه شي

و ان شاء الله تفرحين بعيالج فحضنج

__________________________________________________ __________

>>>> الرد الرابع :
ماعليهم شر ان شاء الله

ولاتفكرين واايد ادعي ربج

وربي يتمم لج حملج على خير ياااارب وتفرحين بشوفتهم

__________________________________________________ __________

>>>> الرد الخامس :
معليش حبيبتي لااااااااااااااتصدقينهم لان متلازمة داون مستحييييييييييييل يعرفون اذا الطفل مصاب قبل الولاده .. مايبان الا بعد الولاده فقط ... وان شاء الله مافيه الا العافيه يارب .. والله يهون عليك وتولدي بالسلامه وتجيبين احلى قمرين يارب .... وفوضي أمرك لرب العباد وكل شي بأيده وحكمته لازعلت ولاتفكيرك بيقدم او يأخر شي ..
الله يسعدك يارب