عنوان الموضوع : تكيس المبايض للصحة
مقدم من طرف منتديات الضمير العربي
السلااام عليكم
اشلونكم سيدااات و أنساااات ؟؟؟
بغيت اسألكم في أحد يتعالج عن تكيس المبايض المزمن ؟؟؟
و هل العلاج مختلف قبل الزواج و بعده ؟؟؟
لان من سنتين اتعالجت سنة منه و ما فادني ,, و كنت آخذ جلوكوفاج و ديان35 ,, و اثر علي انه سوا لي حصوات في المرارة و اضطريت اشيلها بمنظار .. و الحين عمري 19 ..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هلا الغاليه ،،
انا اتعالج حاليا من 4 شهور ،، ومن شهر تقريبا الدكتورة وصفتلي حبوب Diane 35
وكنت اعاني ان الدورة ما تنزل علي 4 شهور وعقب انزلها بحبوب ،، ووزني كان وايد يزيد ،، والشعر كان في ويهي وجسمي بشكل عام وااااايد واسود ،، وانا مليت من هاي الحاله فقلت ابتدي اتعالج احسنلي ،،
والحمدلله من بديت وزني بدا ينزل والشعر يالس يخف تدريجيا ،،
الحمدلله احس في تحسن ،،
بس نصيحه استمري عالعلاج ولا تهملين عمرج ،، وابتدي العلاج من الحين احسن قبل لاتعرسين ،،
__________________________________________________ __________
>>>> الرد الثاني :
مرحبا اختي
انا صارلي 5 سنوات اتعالج من التكيس وكان وزني 90 كيلو وعندي تكيس مزمن والدورة كل اربع شهور تجي وطلعلي شعر كثيف بجسمي ,, وبديت اتعالج وحاليا الحمدلله راحت التكيسات ,, واراجع طبيب اسمة حارث في عيادة الشفاء في بو ظبي الي فالنادي السياحي ,, ويعطيني حاليا ديان 35 ومعاها اندروكور خاص للتكيس ,, وبالنسبة للكلوكوفاج ترى مامنة فايده كلش والدكتورة قالي اتركة ,, وطبعا لازم تنزلين وزنج ,, انا نزلت لل62 ,, وتمين ع هالعلاج لين الزواج لان بعد صعب علاج التكيسات مع موضوع الحمل ,, لذلك من الحين تعالجي عشان بعد الزواج تحملين بسهولة واي سؤال اسأليني اختي لان صرت خبرة بهالموضوع ^^
__________________________________________________ __________
>>>> الرد الثالث :
ما عندي علم بس حبيت أرفع لج موضوعج ^^
__________________________________________________ __________
>>>> الرد الرابع :
أهم شي لعلاج التكيسات تنزيل الوزن وعمل دايت
-------------
غزالة بغداد
ليش الجلوكوفاج مب زين؟؟
__________________________________________________ __________
>>>> الرد الخامس :
ما عندي فكرة عنه بس حبيت أرفع لج الموضوع
رد مع اقتباس
