عنوان الموضوع : ضايجوني مااعرف شو اسوي؟؟ لصحة الجسم
مقدم من طرف منتديات الضمير العربي

السـلام عليكم
شخـباركـم ؟؟؟

مابطول عليكم انا اليوم كان عندي موعد ف مستشفى حكومي اول موعد لي عندهم نقعوني 3 ساعات
عقب دخلت عالدكتوره بس دقايق سالتني كم سوال عقب قالتلي بجيك ع بطنج وصدرج عقب سالتها انا اي شهر؟؟ قالتلي الثالث بالضبط عقب يابتلي مثل مكرفون وسماعه جديييمه حطته ع بطني عسب تسمع نبض البيبي حطته وماسمعنا شي قالتلي لاتخافين عادي ؟؟؟؟
انا اول حمل لي مااعرف شو اسوي ؟؟انا الشهر الاول رحت عيادة خاصه شفت البيبي وشفت القلب الحمدالله ينبض كيف هي ماسمعت النبض وعطتني حق باجر تحاليل وماسوتلي سونار ؟؟؟؟

انا خاااايفه ليش ماسمعت النبض والله رديت البيت والدموع اربع اربع خايفه ريلي عصب قال خ يولون مايعرفون شي انا خايفه اسير مكان ؟؟؟؟

منو استوالها نفسي فيدوني الله يجزيكم خير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حياتي اككيد مابتسمع النبض انتي اتقولين يابت لج السماعه اللي يستخدمها كل دكتور
في سماع خشخشة الصدر حياتي هذا بيبي يعني ما بتسمعين صوت البيبي
الا عن طريق السونار حياتي لاتخافين ياقلبي وسيري عياده ثانيه احسن لج
وانشالله بتشوفين البيبي وبتسمعين صوت النبض

__________________________________________________ __________

>>>> الرد الثاني :
هلا حبوبة لاتحاتين ..

اصلن هالسماعه لازم مايحطونها على بطن الام الا من الشهر الخامس وما فوق .. لان البيبي صغير بعدة حتى لو في الثالث ..

بس لو سوت سونار ان شاء الله بيبين عندها النبض وكل شي ..

فأنا اقولج لا تحاتين لان صارلي نفسج وانا بالثالث ويلست احاتي لين خبرتني دكتورتي عن هالسماعات ومن عقبها شفت المستشفى الحكومي اللي قبل سولي جية ما يسونها الا اذا الحامل بأخر الخامس ..

__________________________________________________ __________

>>>> الرد الثالث :
3ady 7booba mo dom ybien.....3il ana swatly wma sma3t shai bss albaby al7mdellah yt7ark...la t7ateen ...

__________________________________________________ __________

>>>> الرد الرابع :
دخيييييييلج انتي أي مستشفى رحتي ؟؟

أولا لازم تسويلج سونار و لااااااازم تتطمن على نبض الجنين ؟؟

هاي مال أول قوم بو سماعات بعد خخخخخخ

ما عليج منها أكبر دليل انهم ****** و ما عندهم تطور جهاز الصوت !!
أحين منو يستخدم السماعات !! كل شي متطور أحين والسونار تطور فيه جهاز نبض الجنين !

نصيحه لا تراجعين في الحكومي الا لفتح الملف للولاده وفقط فقط فقط .. عن تجربه

خلج على الخاص ... الله يخلي العيادات متطورين أكثر من المستشفيات للأسف ☻

و تطمني الغاليه شرات ما قلتج هذيل نظامهم جديييييييم فلا تحاتين و روحي تطمني في أي عياده ..

الله يطمن قلبج ☺

__________________________________________________ __________

>>>> الرد الخامس :
هذا حال المستشفيات الحكومية يخوفون الواحد ويطلعون فيه
ألف عله وعله
روحي مستشفى خاص افضل لج,,