عنوان الموضوع : بنات الفجيرة ممكن تدخلون لحياة صحية
مقدم من طرف منتديات الضمير العربي

خواتي عندي استفسار بسيط عن الدكتورة فتحية دكتورة نساء شو رايكم فيها ومنو بعد احسن دكتورة نساء

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الدكتورة فتحية زينة بس للاسف ما عندها وقت كافي للمريضة يعني تحسينها اتطعج بسرعة عشان ادخل غيرج
في مركز السلام الطبي دكتورة ايمان وايد حبوبة وممكن تيلس معاج بالساعات عشان تفهمج كل شيء وتطلعين من عنها خبيرة نساء وعلاجها بعد ممتاز وايدها خفيفه وتهتم بمرضاها وتحترمهم. واسعارها رخيصة

__________________________________________________ __________

>>>> الرد الثاني :
وعندج بعد الدكتورة اميرة .. بس ما انصحج فيها .. اسعارها وايد كل جلسه ماتكمل 10 دقايق 200 درهم ..

بس زينه بخصوص امراض النساء .. بس لو عن الحمل وتاخره ما انصحج تعالجين عندها ..

__________________________________________________ __________

>>>> الرد الثالث :
فتحيه وااااااايد زينه وتعطيج العلاج الصح بس انا ويا جلام الاخت من زود الزحمه ماتقعد وياج وايد يعني شغل سرعه شرعه بس حبوبه ،،

اميره يوم كنت حامل جانت وايد تزيغني وتحولني على المستشفيات اونه لازم ارقد وجيه ويوم ترمسج جنها تتنازع خخخخخ ،،

مركز العائله او عيادة العائله احس الدكتوره ماتفهم وااايد ،،

بعد فيه دكتوره يطرونها وااااااايد زينه اسمها طوماس او توماس ماعرف وين مكانها بالظبط بس واايد زينه ،،

هذا اللي اعرفه بس اذا جنتي حامل انصحج لا تربين بمستشفى الدوله عذااااااب

__________________________________________________ __________

>>>> الرد الرابع :
السموحة منج ما اعرف

__________________________________________________ __________

>>>> الرد الخامس :
فتحية وايد زينة وطيوووبة بعد..

أنا تعالجت عندها من 5 شهور والحمد الله حملت بأول حمل..


انصحج داومي عالعلاج عندها بس.. لا تجربين شهرين وتقولين ما نفع وتغيري .. حاولي تستمري عندها فترة ...