عنوان الموضوع : انا بكرية و دشيت التاسع تعالوا انصحوني الله يخليكن للصحة
مقدم من طرف منتديات الضمير العربي

السلام عليكم ..

بنات انا هذا اول حمل لي .. و صارلي اسبوعين من دشيت التاسع .. الحمدلله كل شي سليم
و الراس تحت .. بس ما احس بأي آلام .. انا اصلا ماعرف شو نوع الالم اللي بحسه !!!!

بس الناس توترني .. كل اشوي يسئلوني ما بديتي تحسين بشي !! و انا ما احس بشي غير
اني ساعاااات احس بنغزاات خفيفه تحت .. يعني احسها مب اسفل البطن لاااا احسها تحت تحت
همممم بس ماروم اشرح اكثر .. فهل هالشي من علامات قرب الولادة و الا شو !!

ماعرف شو ممكن اسوي و هل ابدا اشرب سوالف و جيه .. انا سمعت واايد عن البقدونس بس
في ناس تخوف .. يقولون هالسوالف صح انها توسع عنق الرحم بس ممكن يستوي توسع بدون
طلق !!!!

اففففففف الحين ماعرف شو اسوي اتريا لين احس بالويع و اشرب و اكل من هالاشياء !! احس
مستحيل بتفيج حزّتها ...

اترياا من خبراتكم بس بدون تخويييف بلييييز

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ان شاء الله البنات يفيدوونج غاليتي

__________________________________________________ __________

>>>> الرد الثاني :
حبيبتي أنا شراتج إمشي واااااااااااااااايد وإذا حسيت بالويع إشربي كل الي بخاطرج

__________________________________________________ __________

>>>> الرد الثالث :
up up up up up

__________________________________________________ __________

>>>> الرد الرابع :
أذا حسيتي بتقلصات تروح و تي كل عشر دقايق يعني قربتي فروحي للمستشفى فاذا لقو عندج النفس فاتحه يعني بتولدين و بعد ما تفتح النفس عشره ساتني بتزيد الاوجاع و كل ما تحسين بوجع دفعي كانك تخرجين (البراز)و عند خروج الراس بتحسين بوجع شديد فبدل ما تصارخين دفعي اقوى شي عندج و ان شاء الله يسهل عليج

__________________________________________________ __________

>>>> الرد الخامس :
هلا الغاليه .. بقولج عن الشي الي انا حسيت فيه وانا بكريه ..

_______________

بالأول انا حسيت بالعوار آخر اسبوع فالتاسع يعني 4 ايام واكمل التاسع وياني العوار فاليوم المحدد لي فالولاده ..

المهم ،، قبل الولاده بكم ساعه قبل لا احس بالعوار ما كنت مرتاحه لا برقادي ولا يوم اتسطح على غير العاده يعني مب نفس عدم الراحه الي تحسينها يوم ادشين التاسع .. حتها ان شاء الله بتحسين ان في شي مختلف خاصه لو قرب من الموعد الي ماعطينه لج

يعني ما حسيت براحه غريبه وعقبها بدت عندي التقلصات وطبعا عرفت انهاتقلصات ولاده وخبرت ريلي عشانيكون فالصورة ومنها سرت وزهبت عمري للولاده من حيث النظافه وغيره يعني بدا عندي العوار 5 الفجر ، وعالساعه 10 اشتد عليه !! اتصلت لريلي وسرت المستشفى بس قالو ليبدت عندج الولاده بس لو تسيرين البيت احسن لج واريح لج ومنها الاهل يساعدونج ..

بتحسين التقلصات تزيد عليج شوي شوي .. انا امي شربتني سعتر الظهر وزاد عليه العوار مره يعني خلاص خلاص الساعه 12 فاللليل وربيت عالساعه 6 الفجر بالضبط

آلام الولاده تفرق عن اي آلام يعني انا ابدا ما رمت ايلي ولا رمت اتمدد والتقلصات عندي كانت كل دقيقتين والحمدلله ربج سهل ..

_______________

بقولج شي عن الولاده اول ما حسيت بالعوار ما فكرت بشي غير ان اغراضي جاهزة انا جاهزة وكل جاهز الحمدلله .. الباقي ربج يهونه ..

سبحاااااااااااااااااااااان الله كيف ربج يسهل الولاده بس من كلمة يا رب ، يالله شو ريحتني هالكلمه وسهلت علي ..

ربي يسهل عليج الغاليه والله يقومج بالسلامه ..

بالاخير انتي ادرى وحده فجسمج وانتي الي بتنهين المشوار ونصيحتي ابدا ابدا لا تخافين لنه ربج فوق ويسهل عليج

واتمنى اني فدتج و اتمنى طمنينا عليج اختي .. وبالنسبه للعوار الي تحسينه تحت انا حسيته قريب الولاده بكمن يوم يعني من 5 ايام لأسبوع وعقب ربيت

^^