السلام عليكم ورحمة الله وبركاته
اليوم حبيت اكتب لكم قصة ولادتيه في ولدي سعادي
في تاريخ 26\6 يوم السبت
وانا سهرانه لين الفجر كالعاده من دخلت ال9 ما اييني الرقاد
احاتي الولاده
المهم
رقدت بعد صلاة الفجر وانا يوعاااااااانه رحت ارقد بس ماقدرت اكل لاني احس العشى مغفي على جبدي
عالساعه 9 و 45دقيقه الصبح وانا راقده
احس بخرس وكاني يالسه اسويها في مكانه
على طووول فزيييت من رقادي .. واقول ياربي شو اسوي الحينه ياربي
واعيت ريلي عن يخيس بعد خخخ قلت له قوم انجب الماي وماعرف شو اسوي
وحليله هو كان صايم الايام البيض ..
فز من رقاده وتلبس وجدم لي السياره وقالي يالله بوديج المستشفى .. قلتله بتصل حق دكتورتي
اتصلت لها وسالتني هالسؤال يوم قلتلها الماي انجب
قالت لي واااااايد والا شويه ؟ قلتلها وااااااايد لان المكان كله خاس
قالت خلاص توكلي وسيري المستشفى وانا بييج هناك ..
رحت الحمام عزكم الله وشفت دم هني خفت
المهم سرنا المستشفى
وشافو الماي وايد ينجب مع دم < لان اصلا كان الماي زايد في بطني
سالوني فيج ويع قلت لاااا
حطولي طلق وانا ماعرف وبعد عطوني ابرة الانسولين >< والله هالابره تعوووور وخلتني اصيييح واااااااااااااااه .. ويوم حطولي هالانسولين قامت دقات قلبي اتزيد وماقدر اتنفس وماشوف عدل .. مرتين حطولي هالانسولين .. المره ال2 حطولي اكسجين لاني ماقدرت اتنفس ..
صح
ولبسوني هذااااااااااااااااااك ههههه اللي مفتوح من وراا خخخخ
وانا مستحيه اخييييج .. ><
المهم قام اييني الويع شوي شوي جي عالساعه 11 الضحى..
بس ريلي ويايه ماخبرت امايه .. يلين ما انهزبت من عمتيه وتمت اتصيح عقب قلتلها خلاص خبري الوالده .. يوني خوات ريلي عالساعه 5 ونص وعقب ريلي ترخص وحليله تعب ..
عقب اشوف عمتيه يت وبعد وراها امايه و وراها خالتيه خخخ وانا من شفتهم يتني صيحه
والدكتوره جيكت عليه مب فاتحه النفس
وعقب قام اييني الويع كل 5 دقايق
استوت الساعه 7 جيكوو عليه وانا اصارخ خخخخ بس صوتي مب وايد عالي..وانصدمت النفس مافتحت الا سانتي وانا الويع فيني كل 3 دقايق وكنت صدق صدق تعبااانه ويوعانه بعد تخيلو مب مخليني اكل شي مووول
عاد خلاص هني ماقدر اتحمل اكثر من جي
بس وااااااااحد سانتي ><
قالتلي الدكتوره
هالبيبي مابتقدرين اتييبينه طبيعي
وانتي اول ما ييتي انا عارفه وحاطه 95% انج بتييبينه بالقيصريه
بس عطيتج فرصه
عشان ماتقولين اني استعيلت معاج ..
لان الرحم صغير
والبيبي اصلا مانزل فالرحم لاني كنت توني داشه ال9
وكان موعديه 14\ 7
ولان راس البيبي تحت بس هو يطالع على فوق ..
ولان دقات قلبه قامت تنزل حبيبي والله
وبعد تخيلو شو تقولي
لو تبين بخليج لين 12 عل وعسى تربين طبيعي .. وعشان ماتقولين اني استعيلت معاج
وانا عاااااااااااااااااااااد الحينه لو يقولولي بتربين طبيعي والله مابقدر اسوي بووووش
جان اقول خلاص اتوكولو على الله وخلوهم يسولي عمليه
اتصلو حق ريلي
يا و وقع وامايه اشوفها ساكته ماترمس قلبها يتقطع عليه << حبيبتي والله ..
::::::::::::::::::::::
و ودوني غرفة العمليات وامايه عيونها تدمع
وصلوني يلين الغرفه .. واحيد كان شي خط احمر ..
قالولهم خلاص استوب يلين هني وبس
ماتعدون هالخط الاحمر ..
كلهم وقفووو
وانا دخلوني الغرفه
وظربوني ابرة الظهر ><
سدحوني عالشبريه
واشوف واحد لابسن لبس الدكاتره وملتثم
هو يطالعني ..
وانا اشوفه ..
جرب صوبي ..
قالي لاتخافين ..
قلت له بيخلصوني بسرعه ..
ابي انسى انهم يسولي عمليه ..
قال ان شاءالله ..
حط ايده على راسي ويبهتي ..
وقام يمسحني ..
فديته والله ..
مابنسا هالحظه..
قالولي بتسمعين صوته ..
وانا اشوفهم شالينه ..
والله ودي احضنه ..
ياكم كنت اتمنى واتخيل..
اسهر يلين الفجر وانا افكر ..
انه يطلع من بطني ويكون في حضني..
سمعت ونينه ..
وانا دمعتي عالخد تنزل ..
مب مصدقه ..
هذا ولدي هذا القمر ..
قربوه لي وبسته
وهذاك اللي سالته ..
كان يصور ..
وبالاخير اكتشفت انه ..
قلبي وروحي والعمر ..
وسلامتكم ^^
شرف ولدي عالساعه 9 : 49 pm .. ^^
اتمنى ان قصتي عيبتكم
وانا احمد ربي واشكره
موقف
عقب ماضربوني ابرة التخدير
قاموا يمسسحون بطني بالقطن
جان اقوللهم
لاااااااااااااااااااا انا بعدني احس هههههه
قالولي لاتخافين مابنسوي شي يلين ما نتأكد انج ماتحسين بشي ..
الله يسهل على كل حامل
والله يرزق كل محرومه عاجلا غير اجل
والله يحفظ عيالنا من كل شر ..
رد مع اقتباس
