عنوان الموضوع : ساعدوني اعاني اكتئاب ما بعد الولادة لصحة الجسم
مقدم من طرف منتديات الضمير العربي

خواتي ما لقيت الا انتم تساعدوني في هالمشكله

بديت من شهرين بعد ولادتي اعاني من تقلبات في المزاج ضيق وهم واحساس دائم بالوحدة

اذا طلعت مكان احس باختناق وما اقدر اطول وايد برع وصرت اخاف اموووت وولدي يتم برووحه من دون ام عندي خوف كثير من الموووت

راجعت دكتورة وقالتلي اني اعاني من اكتئاب ما بعد الولادة وقالتلي تغير في الهرموونات ونصحتني بقراية القران والاذكار واكل بعض الادوية تخفف الاكتئاب لكن خفت منهاا

خواتي حبيت تفيدوني اذا حد منكم مر بنفس حالتي وكيف تغلبتو على هالشي

ادعولي بان الله يفرج عني همي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اختي داومي اذكار الصباح والمساء والصلاة بوقتها

والله يشفيج يا رب

__________________________________________________ __________

>>>> الرد الثاني :
صارت لي فبجري والحمدلله عدت على خير ..
اكثري الاذكار والاستغفار واكثري من قراءة القراآن .. ولا تيلسين بروحج وايد .. طلعي وسولفي ولا تكتمين السالفة فصدرج ..خبري اي حد قريب منج عشان تقدرين تنفسين عن اللي فخاطرج وترتاحين ..
ربي يعافيج عزيزتي

__________________________________________________ __________

>>>> الرد الثالث :
أنا ما مريت بهالحاله لأني ما رزقت بعيال للحين ...

بس مريت بحالات اكتئاب وضيق وحزن ،، وجربت الكثير من الحلول ،، واحيانا كان يضيق صدري زياده ،، لين وصلت الى حل جذري ،، وصرت كل ما اضيق ارجع لهذا الحل ووااااااااااااااااااايد نافعني .........

أولهم: سوره البقره ،،، أسمعها ،، بس اذا قريتها ارتاح اضعاف الراحه اذا سمعتها ..

ثاني شي بعد القراءه ،، تنظيف البيت او تنظيف نفسي ،، يعني اسوي لي حمام مغربي ،، اغير شعري ،، اسوي بدكير منكير ،، البس احلى فساتيني ..

ثالثهم: ادعي ربي واصييييييييييييييح لين ارتاح ...

وطول الوقت اسبح او استغفر او اي شي ..........

الله يبعد عنج الهم والحزن والضيق ويبدلهم فرح وسرور ،، وبيت معمور ،،،، ولا تنسي تدعي لي بالذرية الصالحه..

__________________________________________________ __________

>>>> الرد الرابع :
للرفع

__________________________________________________ __________

>>>> الرد الخامس :
يا اختي سوي مثل ما قالن الاخوات وحاولي دوم تفضفضين وزين انه شي بسيط مجرد ضيق انا ربيعتي وصل عندها للحد اللي كرهت ولدها ولا كان فيها تبوسه ولا تحب تشله ومن دون نفس ترضعه وكرهانه نفسها واليوم اللي حملت وولدت فيه