عنوان الموضوع : متوترة حييل ... أبي حل !؟! لحياة صحية
مقدم من طرف منتديات الضمير العربي

السلام عليكم ورحمه الله وبركاته ..
شحالكم سيدات ؟؟؟
إن شاء الله بخير وعافيه ..

أول شي بصراحه حبيت منتداكم وايد ..
وأحس انه المكان الوحيد الي ارتاح له ..
من طيبة قلوبكم يا سيدات الإمارات الله يخليكم والله ..
وهذا أول موضوع أنزله ..

أنا عمري 20 متزوجـة وحامل في أواخر الشهر الخامس ..
قبل كم من يوم رحت للدكتورة والحمدلله كل شي طلع طبيعي ..
لكن في مشكلة وايد وايد أربكتني ..
اتخيلو وزني زاد 10 كيلو ..
من عرفت وانا في كوابيس .. !
معقولة تكون هالزيادة طبيعية ..!؟
والي اخاف منه وزني يزيد اكثر وانا بعدني يعني
حتى بطني ماطلع هالكثر ..!!
شو اسوي ساعدوني طلعوني من الورطة الي انا فيها ..؟!

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
عادي الوزن يزيد


بس خل يحولونج ع اخصائية تغذية وهي بتخبرج كيف تنظمين اكلج بطريقة ما تضج لاانتي ولا البيبي

__________________________________________________ __________

>>>> الرد الثاني :
صحيح الوزن يزيد لكن في شهر بس .. !؟
لأني قست قبله وكان عادي وطبيعي ..

ان شاء الله برتب اموري مع اخصائية التغذية ..
يعطيج ربي العافيه ع الرد ..
ربي يوفقج .. ^^

__________________________________________________ __________

>>>> الرد الثالث :
الغالية يمكن شهيتج انفتحت زيادة في الاكل
ان حسيتي بهالشي..حاولي تعتدلين في اكلج وكثري الاكل الصحي اكثر من المقالي والفاست فود
لا يقصون عليج ويقولولج كلي دبل
والله يقومج بالسلامة

ان شاءالله اكون افدتج
وان شاءالله البنات يفيدنج

__________________________________________________ __________

>>>> الرد الرابع :
كلنه في الهوا سوا خخخخ الله يعين ريايلنه علينه

__________________________________________________ __________

>>>> الرد الخامس :
عاادي الغاليه انا اشوف هالشي عاادي خص انج حاامل
وكل الحوامل جي بس هالشي يختلف بين كل وحده والثانيه يعني يمكن تشوفين وحده منتفخه واايد والثانيه بس بطنهاا الي كبر ومانتفخت واايد..
وربي ايسر الولاده والبيبي يطلع مافيه شي هاا اهم شي والحمدالله ع كل حال..