عنوان الموضوع : قصة ولادتي لصحتك
مقدم من طرف منتديات الضمير العربي
السلام عليكم خواتي
الحمدلله ربيت بتاريخ ٢٠-٣
ويبت احلى بنوته
يالله راح اقولكم قصة ولادتي والحمدلله انها عدت على خير
كنت في الاسبوع ٣٩ ورايحه لمراجعه عاديه في الكورنيش
طبعا انا فيني سكر الحمل ونصحوني اسوي داييت وماسويت
والدكتوره سالتني اذا كنت مهتمه في اكلي وقلت لا
المهم الدكتوره قررت اتسويلي سونار وتشيك عالبيبي وعقب تخطيط
بعد ماسويت السونار طلع انه البيبي اوكي بس وزنها ٤ كيلو ٢٠٠ قرام
الدكتوره قالت انه يمكن اربي طبيعي وعشان السكر البيبي بيكبر وزنه وبتتصعب الولاده
عقب قالت لي انه بيسوولي طلق صناعي
وانا وفقت لان كنت خايفه من الولاده والمها واخاف اتعب وانا بعدني بكر
المهم ودوني العنبر وسوولي تحميلة الطلق الصناعي وبعد فتره بدا ييني الالم
وكانو مسويين تخطيط حقي وحق البيبي بعدفتره قصيره وفجزه بدا نبض البيبي يضعف وكان بيوقف فجأه النيرس لاحظت ويو اربع دكاتره عندي وانا خايفه وماعرف شو السالفه
واصيح وادعي يارب يرد النبض طبيعي
المهم قالو بودوني غرفة الولاده وبيراقبون النبض هناك ، وانا فيني الام الولاده وكانت وايد قويع يعني كل ثلاث دقايق
والالم يزيد وفجأه رجع نبض البيبي يضعف ويو خمس دكاتره عندي وبسرعه شيكت ولقت انه مفتوح بس سانتي والالم وااايد قوي
وانا اصيح من الام ودايخه وماعرف شو اسوي وحاطه الاكسجين فحلجي لانه شوي يخفف بس احس اني دايخه
المهم حطو داخل رحمي بيب وانا اصيح وماعرف شنو يسوون
واحس اني بموت و عقب حطولي مغذي ويابو اوراق خلوني اوقعها وقالولي عمليه
المهم دخلت غرفة العمليات وانا فيني الم الولاده
والدكتور حطلي البنج وبعد فتره كل لالام خاز وحسيت اني اطير ههههه
انا في سرير العمليات وكل همي انه البيبي يصير بخير
واحظنها ومو حاسه بشي ويالسه اسولف مع الدكتور وهم يفتحون بطني
وفجأه طلعوها وانا قلبي دق بسرعه
يالله هاللحظه حسيت اني احلم وشلوها عني بسرعه وتمو يفحصونها وانا لافه ويهي واطالع فيها ومااقدر انتظر واحس انه نفسي بيوقف من الحماس واختنقت وحطولي اكسجين
رووني اياها وشلوها بسرعه
وانا كل اشوي اسال الدكتور خلصنا وهو يقول لا
طلعوني من العمليات واشوف ريلي وياها وعيوني دمعت
ويابوها حطوها على صدري طول الوقت لين مادخلوني العنبر وانا موب حاسه بريولي ونص جسمي
وعقب فتره حسيت بالم بس شوفت البيبي سهل علي
اليوم الثاني وقفوني وساعدوني النيرسات وسبحوني وانا احس اني مقسومه نصين
صح اني تعبت بس كل شي هان الحمدلله
وخلوني خمس ايام في المستشفى وطلعوني
والحمدلله على النعمه اللي الله عطاني اياها
وكانت الخدمه والعنايه وايد اوكيه في مستشفى الكورنيش
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ونسيت اقول انه البيبي طلع وزنا ٣.٥٠٠ قرام
__________________________________________________ __________
>>>> الرد الثاني :
حمد لله على سلامتج غناتي ^_^
و مبروووووك مايااااج .. تتربى بعزكم البنووتة
__________________________________________________ __________
>>>> الرد الثالث :
ماشاءالله حمدلله على سلامتج ومبروك ما ياج ..
ربي يعينا واياكم على تربية ابناءنا التربية الصالحة ..
__________________________________________________ __________
>>>> الرد الرابع :
الحمد لله ع سلامتج
وتتربى بعزكم ان شالله
__________________________________________________ __________
>>>> الرد الخامس :
رد مع اقتباس
