عنوان الموضوع : الم اسفل البطن من اليسار لسلامتك
مقدم من طرف منتديات الضمير العربي
السلام عليكم ورحمة الله وبركاته
كل عام وانتو بخير كروشات عساكم من عواده حبيباتي
خواتي انا حامل ف اول 3 اسابيع وموعدي عند الدكتوره عقب اسبوعين عسب اكمل شهر واسبوعين
بس من 3 ايام تقريبا احس من صوب بطني ع اليسار الم خفيف مع نغزات ف كل بطني ومنتفخ بكره مع وفيني امساك
بس الدكتوره عطتني شراب قبل
بس طمنوني كروشات هل ها الشي طبيعي لانه يقولوون اذا شي الم من صوب واحد يكون حمل خارج الرحم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ماادري حبوبه بس روحي شوفي في السونر عسب ترتحي وتفيدج الدكتوره
__________________________________________________ __________
>>>> الرد الثاني :
أنا مرات ايني الم صوب اليسار وغازات هالشي عادي وبعدين كثري من الماي واهتمي بصحتج لو تم يعورج روحي راجعي لاتترين موعدج
__________________________________________________ __________
>>>> الرد الثالث :
يمكن غازات حبيبتي وماعليج من الي تسمعينه خارج الرحم وداخل الرحم عليج بالتوكل على الله وابدي من اليوم تتصدقين بنيه الله يثبت حملج ويرزقج بياهل بلا زياده ولا نقصان ... واذا زاد الالم سيري العياده... انا بكريه وما عندي خبره نفس البنات بس حبيت اقولج في واايد تغيرات يتحصل وبتحسين فيها بس لاتوسوسين والله يثبت لح حملج اختي
__________________________________________________ __________
>>>> الرد الرابع :
ما عليج شر عزيزتي هاي غازات و يمكن تقلصات لا غير
__________________________________________________ __________
>>>> الرد الخامس :
لا اتخافين حبيبتي..ماعليج شر ان شاء الله ..وشي طبيعي الالم في بداية الحمل لانه الرحم يتوسع عندج ويستوي عندج شد في العضلات.. بعدين الحمل خارج الرحم مايكون المه محتمل يكون الالم قوي ع حسب ما اسمع..وربي يتمم حملج وحملي ع خير
رد مع اقتباس
