عنوان الموضوع : منوو ولدت في ميدكير؟؟؟؟؟؟؟؟ تغذية صحية
مقدم من طرف منتديات الضمير العربي

بنات خبرووني عن ميدكير ، اي دكتورة اوكي و كيف المعاملة ؟؟؟؟

جزاكم الله خير

خبروني أي معلومة ممكن اتفيدني

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
السلام عليكم ،،،

الغالية انا ولدت في ميدكير ،،، الصراحة عيبوني واااااااااااايد بس فس ناس تحط عليهم ...
خلال حملي كنت اراجع عند لوثرا وكانت وايد زينة بس شديدة ،، يعني ما عندها مجاملات وحبيبتي تعالي سوي جي وليش ما سويتي ،،، لا كل شي لازم يكون محسوب بالمسطرة ، تعطيج الحبوب تكملينها ، تقولج تعالي يوم كذا سوي سكان لا مفر ،، يعني تعامل اجانب ،،، بس تراها اخصائية تعرف شغلها عدل ...
في ولادتي هي دخلتني وجافتني وقالت لي وقت الولادة بيتصلون فيها ،، لكن أنا وقت الولادة قلت لهم خلاص ما في داعي لأنه الدكتورة الموجودة كانت واااااااايد زينة بعد وصبورة وهادية ،،، الصراحة ما اتذكر اسمها بس هي مو دكتورة تقدرين تراجعين عندها ،، هي دكتورة مولدة بس ...
وخذت عندهم ابرة الظهر والحمد لله ما جفت اي مضاعفات ،، ربيعتي في الدوام بعد اضطرت تاخذها عشان ولدت قيصرية ونفس الشي ،، احس احسن عن الوصل لاني من فترة سامعه وحدة صاير لها مضاعفات والسبه ابرة الظهر في مستشفى الوصل مو 100% عدلة ...
المهم المستشفى ترى مو كبير وايد وما عندهم جناح للخدج (يعني اذا كنتي بتولدين قبل موعدج ولا عندج توأم صغار سجلي في الوصل بعد احتياط عشان لا سمح الله احتجتي ينقلون اليهال للوصل يكون عندج ملف) ،،، وارد اقول بعد ترى عنايتهم كانت توب وخاصة الممرضات ما يتركونج ،، الصراحة وايد ارتحت عندهم بعد الولادة بس عيبهم الوحيد انه غرفهم صغار يعني اذا انتي من النوع اللي يزورونج وايد ناس بتحسين انه الغرفة ما تسدي ...

وبنات عمي يمدحون الدكتورة وفاء اللي عندهم ،،، يقولون طيبة وتعرف شغلها ...

ان شاء الله اقدر افيدج ،،، واذا جبيتي تسأليني اي سؤال تفضلي ،،،

ســـــارة

__________________________________________________ __________

>>>> الرد الثاني :
وايدين يمدحونه بس ماعرف الدكاترة الي فيها

__________________________________________________ __________

>>>> الرد الثالث :
هلا حبيبتي
انا اراجع في ميدكير عند الدكتوره وفاء سليمان هي عراقيه شوي حرمه عوده بس واااااااايد طيبه وتسالج اذا بغيتي شي او عندج استفسار..

وعن الولاده افكر في الوصل بس المراجعه في ميدكير ابصراحه تعاملهم حلوو و مواعيدهم زينه و مول ما يأخرونج و اذا سويتي فحوصات عندهم يتصلون فيج و يخبرونج بالنتايج يعني صدق ما عليهم كلام..

__________________________________________________ __________

>>>> الرد الرابع :
للرفع
انشالله البنات ما بيقصرون معاج

__________________________________________________ __________

>>>> الرد الخامس :
ســــارة مشكورة الغالية