عنوان الموضوع : جمن سؤال للخبيرات لصحتك
مقدم من طرف منتديات الضمير العربي

السلام عليكم
خواتي بما أنتي الحين أجهز للبيبي حبيتكن تساعدنني عندي جمن سؤال
ألحين البنوتة ويوم تشترون الها شو الألوان مال ثيابها غير الوردي لاني أحس اشتريت اللون الردي أكثر وجفت لون بني وبيج بس ماعرفت احس انني ضاعة ولاعارفة شو أخذ
انزين الياهل فالنهار شوتلبسونه بيجامة وللا شيء ثاني وفالليل


السؤال الثاني. هذا اللي يحطونه تحت الياهل يوم يبدلون له البامبرز نفس النايلون عسب لا يوسخ المكان شو تسمونه عسب يوم أسير السوق أسألهم بدل ماأحاوط وألف بروحي تعبانة مأقدر أوقف وايد


السؤال الثالث لحبايبي بنات راك أريد جلابيات خفاف حق المستشفى والأربعين يوم حد يزورني مَ‘ـَُِنٍّ وين أخذهم لو تخبروني اشوي أريد فيهن دانتيلات خفيفة.

اسمحولي عزيزاتي إذا طلت عليكن لانه أختكن بجر وماب عارفة شيء لو أخبركن البارحة سايرة أشتري للبيبي وتميت نص ساعة اطالع وموعارفة شو أحط فالعربة أحس ني مشوشة لوتساعدنني تكسبون فيني أجر

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
عن الألوان عادي حبوبه تأخذين بيج. بني. أصفر. بنفسجي. أحمر. أخضر فاتح فـي وأيد ألوان غير الوردي وعن الجلاليب بنات راك بيفيدونج ان شاءالله

__________________________________________________ __________

>>>> الرد الثاني :
ـ هلا اختي ,,, وايد الوان و بني مع وردي او بنفسجي..اصفر ابيض كل المدلات فيها الوان مختلفه للبنات
ـ و بالنسبه حق مال التبديل ,, اذا تطرين الفراش اللي تحطين عليه البيبي اسمه changing mat ممكن اي روحه و يكون بلاستك او ممكن تشترين ال changing table للي هي طاوله التبديل البلاستيك فوق و تحته رفوف

__________________________________________________ __________

>>>> الرد الثالث :
تقومين بالسلامه انتي و البيبي ان شاء الله

^_^

__________________________________________________ __________

>>>> الرد الرابع :
موفقة

__________________________________________________ __________

>>>> الرد الخامس :
الله يقومج بالسلامه يارب وتفرحين بضناج

1) الالوان
على حسب الديزاين لان في انواع تناسب الاولاد وفي خاص للبنات
طبعا بتعرفين من شكل الافرول والبدل اللي عليها فراشات دباديب بنوتيه ورود فيونكات يعني
هالديزاينات الخاصه بالبنات ( احمر , اخضر , اصفر , ابيض , كحلي , بنفسجي , فوشي , برتقالي )
اول 3 شهور افضل الافرول لين يثبت راس الياهل وتقدرين تلبسين بجايم وشورتات مرات يعني مب وايد
لاتكثرين خذي الافرولات اكثر شي

--

2) فرش التبديل
بتحصلينه فبيبي شوب صوب الفوط وتقدرين تشترين
من المحلات العاديه اللي فشارع كويتي وين يبيعون ملابس اليهال شوفي فمحل مترو
ان شاء الله تلقين عنده

--

3) الجلابيات
محل زووم فالواحه , محل عاصم شي فالواحه وشارع كويتي