عنوان الموضوع : ساعدوني ارجوكم لصحة الجسم
مقدم من طرف منتديات الضمير العربي

اناحاملبالشهر سابع توني بداياته و واااايد قام اييني اسهال و الم و مغص ف بطني
و راسي يعورني و شوية لوعة
انا اول حمل لي هذا وبعد اسبوع بسافر العمرة ليومين
لما رحنا المستشفى قالوا فيني جفاف بس ما يعرفون شو سبب هالاسهال و عطوني ابرة و مغذي
ساعدوني اخاف الام طلق و انا ما ادري
و اكلي صحي وما اخربط لان فيني سكر حمل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ان شاء الله مافيج الا العافيه بس احسن تراجعين مستشفى ثاني تطمنين اكثر

__________________________________________________ __________

>>>> الرد الثاني :
استشيري الطبيبه افضل
الله يتمملج على خير ان شاءالله

__________________________________________________ __________

>>>> الرد الثالث :
راجعي دكتورتج او سيري الحوادث

__________________________________________________ __________

>>>> الرد الرابع :
لاحقه عالطلق اختي ..

الاسهال يمكن من حركه البيبي ووزنه قام يزيد .. فيضغط القاعده عندج وتحسين ان اسهال ... ان شاء الله مافيج الا العافيه

بس راجعي المستشفى متى ما تقدرين ولا تحاتين بعدج فالسابع ... والله يحفظ لج جنينج ...

__________________________________________________ __________

>>>> الرد الخامس :
نصيحة لا تهملين الاسهال وترا الجفاف مب زين لج ابدا يعني لا تستهينين به
لازم تراجعين عند دكتوره ثقه حبوبه
وانا اذكر في حملي الاول كان ايني صداع ومغص ..للصداع نصحتني الدكتوره اخفف الملح في الاكل واشرب ماي وايد .. وللمغص نصيحه من مجربه كلي المره اذا تعرفينها اشتريها من محل الاعشاب خذي كبر حبة الهيل او القهوه( او اصغر شوي ) وبلعيها مع ماي ..انا وايد وايد نفعتني للمغص الحمد لله ربي يجزيها خير الي نصحتني بالمره وترا المره ماده طبيعية يعني لا تخافين منها ابدا وسلامتج