عنوان الموضوع : تصويت بخصوص مستشفى العين كرومويل (بنات العين تعالن) لصحتك
مقدم من طرف منتديات الضمير العربي

كيف الحال يا أخواتي


أنا حامل في الشهر السابع ،، واتابع في كرومويل ، وفاتحة ملف في توام بعد

أريد كل وحده تقول عن تجربتها أو تجربة أي وحده من قريباتها أو صديقاتها في
مستشفى كرومويل
الصراحة أنا كنت ناويه أربي عندهم ،، بس وااايد ناس خوفوني منهم ، قالوا صارت
عندهم حالات خلع للبيبي ،، واللي سوولها عمليات قيصريه كلها خطأ
وبالمقابل ، في ناس يمدحون المستشفى
والله احترت ،، لأن خواتي قالولي ياويلج إن ربيتي فيه،،، وأنا الصراحه للحين مرتاحتلهم
وبنفس الوقت خايفة

الله يخليكم ، تفاعلوا مع الموضوع

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
شوفي المكان اللي ترتاحين له..

انا كنت فاتحه فالتوام وف الواحه..

وسبحان الله ارتحت للواحه اكثر وربيت عندهم..
والحين مرتاحه للتوام وبربي عندهم بأذن الله..هههه

__________________________________________________ __________

>>>> الرد الثاني :
انا براجع حاليا بمستشفى الإمارات ومرتاحه جدا فيه
قلت بجرب مستشفى الكرومويل,ورحت مره وحده فقط بس ما اترحت صراحة للدكتوره,هذا غير الكلام الكثير الي سمعته عن هالمستشفى
فقررت اني ألد باذن الله بمستشفى الإمارات
خليكي بالمكان الي ارتحتيله

__________________________________________________ __________

>>>> الرد الثالث :
المشكله أني مرتاحه لكرومويل
لكني بنفس الوقت خاااااايفه من كلام الأهل

__________________________________________________ __________

>>>> الرد الرابع :
فديتج المستشفى مب مجهز للحالات الطائه او المستعصيه و ع ابسط شي بيحولنج مستشفى حكومي

انت شو ضمنج لحظة الولادة شو يستوي كل شي بايد الله ليش تجازفين

وايد صارت حالات عندهم

الاحسن ما تتسرعين

__________________________________________________ __________

>>>> الرد الخامس :
صلي استخارة اختي.. في ناس يمدحونه وفي ناس يذمونه..اختي ربت فيه لان بيبيها الثالث ..بس لو كان بيبيها الاول مستحيل نخليها.. من ناحية الرعاية والنظافة من الالف للياء ماعليه كلام والحمدلله ماواجهت اي مشكلة لدرجة طلعة وهي ودها تربي فيه مره ثانيه..بس ارجع واقولج ترا على الحظ عشان جي صلي استخارة والله يكتب لج الي فيه الخير ويسهل عليج..