عنوان الموضوع : السفر والحمل
مقدم من طرف منتديات الضمير العربي

مرحبـأأ خواتي
عندي سؤال

ان شاءلله بسافر فالعيد وبكون حامل في بدايه الثالث
المسافه بتكون 4 ساعات وبالنسبه للطياره حاجزين فيرست يعني بيكون مريح وماحس بتعب

هب هوو اوكي السفر ام خطر على الجنين والام؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يحفظك عزيزتي
ويتمم حملك

ماعندي خلفيه

__________________________________________________ __________

>>>> الرد الثاني :
انا سافرت هالحمل في الشهر الـ5

واموري اووكي .. حتى الطياره كانت 6 ساعات ..

بس اول سيري أي عياده وقوليلها تشيك لج على كل شي ..واذا قالتلج كل شي زين وتقدرين تسارين توكلي على الله

__________________________________________________ __________

>>>> الرد الثالث :
أنا سافرت يوم كنت فالسابع، والحمدلله تيسرت الأمور
لازم تكلمين دكتورتج وتاخذين شهادة معاج عسب يخلونج تركبين الطيارة
وخذي معاج مشدات حق الريل فالسفر لأن الصغط الجوي يأثر
وموفجه حبيبتي،،

__________________________________________________ __________

>>>> الرد الرابع :
الله يسهل امركم حبيبتي تأكدي من الدكتوره وصحيح البسي مشد للرجل عشان الضغط ااجوي وحاولي ترفعي رجولك وتمشي كل ساعه بالممر المهم تحركيهم.. بالسلامه ان شاء الله

__________________________________________________ __________

>>>> الرد الخامس :
انا إن شاء الله بسافر ثاني يوم من العيد وبسير اوروبا
انا حميتي سافرت وهي في السابع امريكا محد طلب منها لا شهادة ولاشي لمى ركبت الطياره وأختي سافرت بعد وكانت في الثامن محد قال لها شي في المطار الحمدلله الأمور طيبه كانت
أهم شي تاخذين ادويتج بانتظام واهم تتطمنين على وضعج في العياده قبل السفر
الله يسهل عليج ويسر امورج