عنوان الموضوع : الــــــــــــــــــــــــــولادة و الوزن ،، اقربن لحياة صحية
مقدم من طرف منتديات الضمير العربي


السلام عليكم



يا ريت خواتنا المربيات يخبرونا كيف يهتمون بجسمهم من ناحية الوزن


اقصد متى بديتوا تسوون رياضة و رجيم و تسون ال بي جي و ها السوالف

و شو اللي نفع وياكم خاصة فترة الحمل الوحدة ممكن تزيد من 10 لين 20 كيلوو

و متى نزل وزنكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مايستوي تسوين ريجيم لنج بترضعين

الرضاعه بروحه بتضعف

__________________________________________________ __________

>>>> الرد الثاني :

1- اول شي في الاربعين لازم تحطين حصا حارة ع بطنج بس مب تحرقين عمرج انتبهي و بعد المطارة الحارة و تشربين اشياء دافية و هاي الاشياء بتخلي بطنج يرد شرات قبل

2- تستخدمين مشد او شيلة تلفينها ع بطنج يوميا و قبل ما تحطينها حطي كريم شد او كريم للسوليت

3- تقدرين تسوين رجيم عادي ( الرجيم يعني اكلي صحي مب تحرمين عمرج من الاكل)
مثلا:
الريوق يكون : حليب طازج و كروونفلكس مال الرجيم تصدقين لو كلتي جي الحليب وااايد بيزيد ف صدرج
الغداء: بدل عيش و صالونة بدليه ب خبز اسمر و صالونة و سلطة عصير فرش
ع المغرب : اكلي تفاح اخضر و موز \ لو كنتي يوعانه سوي لج شوربة مو مشكلة
قبل ما تنامين ب 3 ساعات : توست اسمر مع جبن لاين و طماط و خيار او مع دياي و شوربة و عصير فرش و ممكن سلطة)
4- يوم تحسين ان الخياطة اوكي و خلصتي ال 40 يوم اشتركي ف جم بس اجهزة ( لان ممنوع تشيلين شي ثجيل او تنقزين و تتنططين)
5- من تكملين 3 شهور ابدي في الايروبيك و الزومبا
6- بعد ما تحسين ان وزنج نزل و يمكن يكون مترهل من نزول الوزن مع ان لو سويتي ايروبيك ما بيترهل
هني يمكن تحتاجين ل اجهزة الشد و العيادات عندها اشياء وااايد من ها السوالف)


انا جربت ها الطريقة و الحمد الله مرتاحة و اسوي رجيم وانا ارضع بس بحدود مب تحرمين عمرج لا لا
تاكلين اكل صحي و مرات تخربطين بس بحدود

__________________________________________________ __________

>>>> الرد الثالث :
والله انا عملت ريجيم من الشهر السادس بعد الولادة بس كان قاسي وزوجي وحماتي زعلو مني وكان ابني كثير يصيح قالولي حرام مابيوصلو الغداء

وفعلا لما وقفت الرجيم ابني صار يرضع وينام ماشاء الله تحسي انو ششبعان مو مثل اول اصبري اختي لما تكبر بنتك او ابنك وبعدها اعملي رجيم

__________________________________________________ __________

>>>> الرد الرابع :
السلام عليكم ورحمة الله وبركاته


أختي حطيتي إيدك على الجرح ... والله بصيح ....................

لازم فوووووراً تبدين ريجيم متوازن صحي، ومعاه تاخذين فيتامينات الأمومة !!! .. تضمنين عدم نقص شي للرضيع.
ولااااااااااازم رياضة ... منقول عالخفيف من ثاني أسبوع .. وتشدي تشدي بعد شهر لو ولادتك طبيعية، لو قيصرية لما بتحسين حالك خفيتي من الجرح.

بعد أول ولادة نزلت 25 كيلو يلي كسبتهم خلال 6 أشهر يمكن.
لكن بعد ثاني ولادة ............................ بصيييييييييييييييييييييييييح ...........
جسم المرأة بيتغير مع الولادات، ما أريد أحبطك، لكن هالشي اكتشفته على نفسي تماماً، ما كنت أصدق، ولما أشوف عماتي وهن مثل العووود قبل الزواج، بعد الزواج والإنجاب يصبحن سماااااااااان، كنت أستغرب وأقول ليش جي ؟! ... لكن هالشي انتقلي بالوراثة تماماً، بعد الولادة الثانية الوزن ينزل بصعوووبة والجسم يقاوم النزول تماما.
مالنا بتجربتي عسب ما أحبطج

موفقة بالنزول، ابدي أول ما تقدرين، لأن بعدين بتنشغلين بالبيبي، الوقت ما بيعود لك.


والسلام عليكم ورحمة الله

__________________________________________________ __________

>>>> الرد الخامس :
الأكل الصحي براي هو اهم شي ،، لانج ما بتقدرين اتسوين رياضة الا عقب شهر

عن نفسي كنت آكل من 5 - 6 وجبات فاليوم ،، اما الرياضة بديت فيها من عقب الشهرين

اهم شي الوحده يكون عندها ارادة وتستمر على هذا الشي


^_^