عنوان الموضوع : اللي جربت التلقيح الصناعي تدخل .. لصحتك
مقدم من طرف منتديات الضمير العربي

السلام عليكم

شحالكم اخواتي : الموضوع باين من عنوانه انا من اربع سنوات شلت اللولب وللحين مافي حمل جربت كل شي سويت اشعة الصبغة اخذت الكلوميد وضربت الابرة التفجيرية وماصار حمل والحمدلله على كل حال
قبل ايام شفت طبيبتي وقالت لي ليش ماتعملي تلقيح صناعي عند الدكتورة اوراس لان المختبر الي عندها جيد بهالامور والتلقيح نجاحه يعتمد على المختبر الجيد .و زوجي ماصدك خبر هو بعد متحمس ويقول خلينا نعمل تلقيح صناعي والسبب انو العمر يمشي ولازم نستغل الوقت .

رجاءا منو عندها معلومة او جربت التلقيح الصناعي وعند اي مركز اوطبيبة وجزاكم الله خير

اعذروني ترى انتو بس متنفسي الوحيد ماعندي حد في هالغربة ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اتصلي بأوراس شوفي الموضوع أظن هالعمليات تكون في عيادات خاصة. تكون فيها فحوصات لك و لزوجك ربي يسهل عليج

__________________________________________________ __________

>>>> الرد الثاني :
انا ما جربت بس اعرف وايد حريم جربو والحمدلله عندهم عيال،،،

اتوكلي على الله حبيبتي

__________________________________________________ __________

>>>> الرد الثالث :
أختي سيري مركز دبي للاخصاب وايد يمدحونه انا ناوية اسويه عندهم بإذن الله بس تكبر بنوتي الصغيرونة شوية

__________________________________________________ __________

>>>> الرد الرابع :
مشكورات اخواتي خليجية وام شواقي وام اية ربي ييسر اموركم

بس اكثر من 100 مشاهدة ولا رد حتى دعوة حلوة افا ليش هالبخل ..

__________________________________________________ __________

>>>> الرد الخامس :
حبيبتي الله يرزقج ان شاء الله بالذرية الصالحة عاجلا غير اجل

انا حبيت اول شئ أوضح لج موضوع مهم في فرق بين التلقيح الصناعي وأطفال الأنابيب و الحقن المجهري

حاولي تدخلين على النت وتعريفن عدل الفرق وهو باختصار ان التلقيح الصناعي يتم بدون عملية يعني بس يأخذون السائل من الزوج و يغسلونه و يحطونه للحرمة عن طريق أنبوب طويل و بس ( يعني إذا الزوج عنده ضعف في الحركة ينفع التلقيح )

أما اطفال الأنابيب و الحقن المجهري وايد مكلف إذا التامين ما بيد فعلكم وتتعرض الحرمة لعملية تحت بنج كامل وتسحب بويضاتها و تلقح في الخارج بعدين يعيدون الحقن داخل الرحم ،،،،


المهم انا جربت التلقيح الصناعي مرة وحدة بس ما نفع معاي وعقب حملت بدون علاج الحمد لله ،،، أستخيري وان شاء الله ربج يكتبلج الأحسن ،،، وبعد خذي رأي اكثر من دكتورة عشان كل حاله في شئ يناسبها ،،،،


ادعيلي بالتوفيق