عنوان الموضوع : بنتي صغيره واللي ياي ف الطريق !!!!!! لسلامتك
مقدم من طرف منتديات الضمير العربي

السلام عليكم خواتي

الله يسهل ع كل حامل ويقر عينها بشوفة ضناها

الله يسلمكن انا ادرس واتيي فترة اشتغل فيها لفترة مابين الشهر وال٣ شهور بس يكون دراسة وشغل
وعندي بنية عمرها احين ٧ شهور الله يخليها ويحميها لي وهي البكر

طبعا بما انني ادرس واشتغل ف اغلب وقتها عند امي ويايبه خدامه تساعد امي عليها لو امي عندها شي ولا مشوار تخليها مال ساعة ويا الخدامة

واوقات توصل انه بنتي ترقد ويا امي حتى ف الليل لان يكون دوامي الصبح ف انش ٦ ومايمديني اوصلها لبيت امي او اوقات يكونون راقدين ومافي حد يشلها عني

المشكله كلهاااا احين وين !!!!!

انه انا للحين مب متحملة مسؤولية بنتي بشكل كااااامل واغلب الوقت ويا امي
الله كتب وقدر اني احمل فوقها على طول
انا بروحي انصدمت وماقدرت اسوي شي يعني ها من ربي
وامي دووووووووم تحذرني تقولي لا تحملين احين الين تخلصين دراستج وتقدرين تتفرغين لعيالج عقب

وللحين امي ماتدري ولا خبرتها ومحد يعرف اني حامل غير ريلي وامه بس
والمشكله دشيت ف الشهر ال٥ ما شاء الله ومن يومين امي ملاحظه بطني كبر وكله تسالني وتقول لا يكون حامل
وانا انكرر هالشي

ماعرف كيف اقولها او افتح لها الموضوع لان حياتي كلها عند امي وهي اللي متحملة بنتي اكثر عني وعادي تعععصب علي وتسويلي حفله ):

شو الححححححححل ساعدوووني شو اقولها وكيف افتح الموضوع وياها

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حبيبتي لا تحاتين ان شالله ربي بيسهل عليج امورج بس انتي ادعي دووم ..
ليش بتعصب عليج الذنب مب ذنبج هاي إرادة رب العالمين ماتعرفين شو كاتبلج ..

__________________________________________________ __________

>>>> الرد الثاني :
اختي نور لازم تخبرينها لان مردها بتعرف وفهميها انه الله كاتب لج مب بيدج وهي بتفهمه أكيد
واذا ما خبرتها يمكن تعصب وتزعل فالاحسن يبينها على صوب واشرحيلها كل شيء
والله يسهل عليج ويكون في عونج حبيبتي

__________________________________________________ __________

>>>> الرد الثالث :
احسن لج تخبريها ﻻنها اذا عرفت من الغير بتزعل وانتي الحين بالخامس يعني كم من شهر وتعرف واهيه المسكينه كامت تنصحج ماتبا لج البهدله والتعب ﻻن الدراسه مهمه

__________________________________________________ __________

>>>> الرد الرابع :
حبيبتي اول شي امج صح كلامها ميه بالميه بس دام صار الحمل ماينفع الكلام الحين بس انتبهي للمره اليايه كلميها وقوليلها بتعصب عليج طبيعي لانها هي اللي تتعب وياج بس تحملي شو بتسوين بترضى وبتسكت عنج الله يعطيها العافيه

__________________________________________________ __________

>>>> الرد الخامس :
الله يعينك معليه لازم تكلميها وتحملي شوي في النهايه امك الا ما بتقدر ظرفك بس ممكن تأجلين الدراسه سنه بعدها من تربين لان المسئولية بتزيد على الوالده

وربي يسهل امرك