عنوان الموضوع : كيف بيمر علي ال 40 ... اكرهههه للصحة
مقدم من طرف منتديات الضمير العربي

هلا بنات
ها ثاني بيبي حقي ... ربيت من اسبوع .. عانيت واااايد ...
انا في بنتي واااااايد كرهت ال40 ... و دوووم اخاف من طاريه ..
طول فتره الحمل كنت احاتي ال 40 مو الولاده ...

اول يومين كنت فالمستشفى كنت مرتاحه و كنت احس بنشاط لان كنت مخدره ..
بس رديت البيت كل العوار طلع ..
شد الرحم وقت الرضاعه ..
الخياطه بديت احس فيها ... هي زغيرونا بس احس فيها ..

ماعرف شو اسوي ... عندي بنت عمرها سنتين و ماذتني كلللله تصيح ...
انا في بيت ماما صح ... بس احس بروحي ...
فليل انام بروحي ويا الصغارية
خواتي ما يساعدون وايد ... و البشكاره تمسك بنتي الصبح ...
ماعرف احس ملخبطه ...
و كارههه الشهر الي ببمر ...
ماعرف كيف اتاقلم ويا وضعي ...
شو اسوي بنات ...
مافي شي جدامي غير اني اجوف التلفزيون او الانستقرام ...

لين الحينا احس بالام في رحمي من الشد ... اووووف جنه عوار طلق ...
مللل واااااااااااايد
ومن كثر اليلسه فخوذي متيبسه
امشي ع خفيف فالصاله ... بس ماما تعصب تقول مو زين ...


شو اسوي ... كيف اتاقلم مع وضعي ... خاصه اني قبل لا اربي من النوع الي اطلع ... الصبح دوام و عقب المغرب اطلع اغير جو ...
و الويك اند نروح بيت اهل ريلي في المنطقه الشرقيه .. بعد مشوار و اغير جو ...


احينا 40 يوم محكوووووووووورااااااااا فالبيت امبيه بموووووت واللله ...

وانا مالي هوس ارضع موليه ...
بابا جابريني و يعصب اذا بعطي مرضعه ...

احس مخنوقه والله ...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اختي لازم اول الايام الوحدة تكون تعبانة وماعتدها طاقة تسوي شي تعب ٩ شهور يطلع عقب الربى عيل ليش سموه ال ٤٠ لان وقت نفاس المرأة ترتاح وتتنفس فيه وما تطلع لان الرحم يكون بعدة مب مهيأ لاي شي
انا طلعت اول اسبوع من ولادتي على طول ياتني حمى النفاس والحين توبة يوم بربي بالسلامة ما بطلع لمدة شهر الا للضرورة القصوى
الله يعينج اختي ويهون عليج تعب السهر والتربية اصعب شي اول سنه

__________________________________________________ __________

>>>> الرد الثاني :
هيه والله 9 شهور ماعرف كيف مرت ... احس بتعب فزييييييع ... ماكنت اتوقع جي ... يمكن لاني نسيت ..

__________________________________________________ __________

>>>> الرد الثالث :
الحين شو اهم. بنتج ولا الطلعة. ويوم مالج خلق عيل ليش حملتي من الأساس.

تتحرين السالفة لعبة ولا شو. الله يهديج

__________________________________________________ __________

>>>> الرد الرابع :
اعرف هالاحساس الخايس هههه
ماعليه اذكري الله ... وحاولي تكونين ذكريات حلوة ويا البيبي
وتركزين عليه وعلى اخته
ولا تضايجين.. شغلي قرآن
يلسي ويا اهلج لا تيلسين بروحج

فتره قصيره وتعدي ان شاء الله
احتسبي الاجررر

__________________________________________________ __________

>>>> الرد الخامس :
كلنا مانحب الاربعين ،،، بس تحملي حبيبتي ،،، عشان البيبي ،،،، وحاولي تيلسين ويا خ اتج وتسولفون وتلتمون ،،،،

او اذا ترومين ارجعي بيتج مع ريلج بيساعدج انا صراحه مارحت بيت اهلي تميت فبيتي وريلي ساعدني خصوصا فليل كنت ارضع وارقد خخخخخ وهو يصحصني ،، لين تاقلمت ،،، ومنها يكون يمبج دام خواتج مايساعدونج ،،، شوفي شو الاريح وشويه او تمي اسبوعين ويا هلج وسبوعين فبيتج قضي وقتج مع بنتوتج وان شاءالله بيروح عنج كله