عنوان الموضوع : بنتي ما تحبي لين الحين لصحتك
مقدم من طرف منتديات الضمير العربي

السلام عليكم...
بنتي كملت 11 شهر ولين الحين ما تحبي ولا توقف ولا تزحف....
وايد احاتيها....
ما اعرف شو اسوي معاها؟؟

وديتها المستشفى الدكتور قالي متاخرة وفحصها وشاف انه يبالها تمارين تقوية الحوض...

قال لي حاولي توقفينها ... ولا اتحطينها في المشاية......الخ

يا ليت اللي عندها خبرة ف هالموضوع اطمني

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
عادي حبيبتي لا تحاتين ، انتي حاولي تسوين لها رياضة عن طريق تحريك رجليها ، وحطيها في وضعية الحبو وارفعي بطنها أو حطي تحت بطنها مخدة
أنا ولدي كان عمره سنة ووديته الدكتور وسوا له أشعة وقال فيه كساح اتخيلي كساح وما اهتميت بكلامه والحين ولدي عمره 8 سنوات ما شاء الله حركي ومول ما يقعد، في يهال ينمون بسرعة وفي يهال يقعدون فترة لين ما يحبون ويمشون ، عادي تشوفين بنتج فجأة تحبي وعادي تمشي بدون ما تحبي انتي ما عليج غير إنج تتوكلين على رب العالمين وتفوضين أمرج له.

__________________________________________________ __________

>>>> الرد الثاني :
ما عليها شر بتج ان شاء الله

اخت ريلي بنتها كانت جييه

قريب السنة ولا كانت اتحبي

وعقب حبت شهرين وبعدها ما شاء الله بدأت تمشي

مثل ما قالت الأخت (انا وحبيبي) ،، سويلها تمارين

وحاولي ترفعين بطنها وان شاء الله شوي شوي بتتعلم


^^

__________________________________________________ __________

>>>> الرد الثالث :
انتي مسكيها من ايدها وحاولي تمشينها .. وﻻ تحطينها فالمشاية حطيها ع طرف الكنبة وﻻ الكرفاية عسب تحاول توقف ﻷنه بعضهم ما يحبون يمشون على طول .. أنا الدكتور قال لي أحط بنتي ساعتين فاليوم ماكسمام .. بس بنتي تأخرت ﻷنه كان عندها نقص فيتامين D سويلها فحص بعد عسب تطمنين ..
هي سننت وﻻ بعدها ؟
اذا سننت معناته الفيتامين ان شاء الله اوكي .. والمشي عادي وايد يهال يتأخرون لين سنه و3 شهور عادي وعلى حسب الياهل يمكن بعضهم يطولون .. ودام الدكتور قال لج سويلها تمارين اتبعي نصيحته .. والله يحفظها ويبارك فيها .. ﻻ تستعيلين بتمشي ان شاء الله وبتخبل فيج

__________________________________________________ __________

>>>> الرد الرابع :

المشاركة الأصلية كتبت بواسطة الغــــــلا
انتي مسكيها من ايدها وحاولي تمشينها .. وﻻ تحطينها فالمشاية حطيها ع طرف الكنبة وﻻ الكرفاية عسب تحاول توقف ﻷنه بعضهم ما يحبون يمشون على طول .. أنا الدكتور قال لي أحط بنتي ساعتين فاليوم ماكسمام .. بس بنتي تأخرت ﻷنه كان عندها نقص فيتامين D سويلها فحص بعد عسب تطمنين ..



اختي صح كلامج لين الحين بنتي ما سننت ....
بس انا كنت اعطيها فيتامين د عن طريق القطرات واحيانا اتعايز....

بس اتعور قلبي وايد...اخاف عليها...واجلس احاتيها...
هي سننت وﻻ بعدها ؟
اذا سننت معناته الفيتامين ان شاء الله اوكي .. والمشي عادي وايد يهال يتأخرون لين سنه و3 شهور عادي وعلى حسب الياهل يمكن بعضهم يطولون .. ودام الدكتور قال لج سويلها تمارين اتبعي نصيحته .. والله يحفظها ويبارك فيها .. ﻻ تستعيلين بتمشي ان شاء الله وبتخبل فيج




__________________________________________________ __________

>>>> الرد الخامس :
خواتي (انا وحبيبي) و(ساااندي) و (الغلا)

مشكورات وايد ريحتوني

وجزاكم الله الف خير.....