عنوان الموضوع : عدد الاجنه بالترجيع .. *_* سلامة الحمل
مقدم من طرف منتديات الضمير العربي

السلام عليكم ورحمه الله وبركاته


بنوتات اشحالكن عساكن بخير يارب .... ان شاء الله ع شهر 1 عندي حقن مجهري اول مره اسويها ...

ف حابه اعرف شو عدد الاجنه اللي يفضل ارجاعها ... وكل وحده كم ارجعت ...

لانه اخر التقارير تقول انه جنينين يثبتون اكثر عن ثلاث ... وانا احس انه ثلاث افضل

ع الاقل واحد ان شاء الله يشبك من الثلاث بس اثنين ... مدري الصراحه ... يعني ثلاث احسن ع اثنين

حتى الدكتور نصحني بس باثنين لاني بعدني صغيره بس افكر اقوله اني اباه يرجع ثلاث اجنه واللي كاتبه ربنا بيصير ان شاء الله


ف شو رايكن خواتي ... وشو الافضل والله يرزقنا يارب ويرزق كل محرومه ويفرحها بضناها ان شاء الله يارب

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا فديتج
انا ماعرف بهااسوالف لاني بعد ابا اسوي بس ابا اعرف انتي ف وين ب تسوينها وكم التكلفه

الله يرزقنا يارب

__________________________________________________ __________

>>>> الرد الثاني :

المشاركة الأصلية كتبت بواسطة الحب الاول
هلا فديتج
انا ماعرف بهااسوالف لاني بعد ابا اسوي بس ابا اعرف انتي ف وين ب تسوينها وكم التكلفه

الله يرزقنا يارب




هلا حبوبه .. مي 2 اول مره اسويها عسب جي استفسر الله يرزقج يارب بالذريه الصالحه

وتفرحين بضناج طبيعي بدون عمليه ان شاء الله..

بسويها ان شاء الله عند الدكتور ديفيد .. بمستشفى بورن هول بدبي ... بتكلف حول ال 32 الف بدون ادويه 37 شامله الادويه

والله يجدم اللي فيه يارب ... ويرزق كل محرمه ان شاء الله

__________________________________________________ __________

>>>> الرد الثالث :
فديتتتج أنا سويتها 3 مرات اول مرتين رجعت 2 وما ثبتو والحمد لله المره الثالثة رجعت 3 والحين الحمد لله حامل دعي لي الله يثبت حملي بس نجاح العمليه مب بعدد الاجنه المرجعه اول شي احسني الظن بالله حطي فبالج ان الله م بيضيع تعبي وأني بكون حامل و صدقيني الله بيستجب لج وبيرزقج واستغفري ولا تنسي قيام الليل ف ثلث الأخير من الليل وصلاة الضحى والله يتمم عليج ويوووفقج ويرزق كل محروووومه

__________________________________________________ __________

>>>> الرد الرابع :
الاغلب يرجعون 3 اجنه المهم يكونون من الدرجه الاولى لانهم اضمن للحمل من بعد رب العالمين .. و احتمال تلقيح يستوي لـ 1 او 2 او 3 الله العالم .. و الله يتمملج على خير و تبشرينا بحملج ..

__________________________________________________ __________

>>>> الرد الخامس :
اناعملتها مرتين اول مرة رجعت اتنين والمرة التانيه من شهر ورجعت 3 وجمدت 5 بس الحمدلله ماثبت شى واهم حاجه المعمل يكون كويس ودرجه الاجنه درجه اولى بس النجاح اولا واخيرا بيد الله سبحانه اعلم وفى ناس بترجع واحدبس وبيثبت الله رايد الله يكتبلك الخير ويوفقك....