عنوان الموضوع : يومياتي للوصول للوزن المثالي ،، ( بالصور ) للحم الصحي
مقدم من طرف منتديات الضمير العربي
السلام عليكم ،،
شخبااااركم ؟؟
حبيت اشاركم بيومياتي للوصول لهدفي ، ويكون وزني صحي ومثالي ( انشاللله )
رجيمي بيكون خلال شهر 6 ، بديت اليوم لين 30-6
وكان لي موضوع في المنتدى من سنه تقريباً ، بس ماكملت لان محد كان يشجعني بس هالمره انشالله بكمل ولا بوقف دايت او يومياتي
ادعولي بليز يصير وزني مثالي
الطول : 157
الوزن اليوم الاول : 67.2
( زايده 10 كيلو ، ويبين لاني مب طويله ، بس مبدايا وهدفي الاول اوصل لين 60 )
والدايت خذته من كتاب حق دكتور ، يعني صحي واخترته لان فيه كل المجموعات الغذائيه تقريباً
" خضار وفواكه ، نشويات ، بروتينات ، البان "
لان مابي ينزل وزني واعاني من مشاكل مع شعري او في بشرتي
السبت 5\6\2017
اول ماقمت وعلى الريق شربت كوب ماي دافي
الريوق : توست اسمر + بيضه بالماي خلطتها مع فلفل اسوود
بعد الريوق بنص ساعه تقريباً شربت زعتر
الغدا: 2 برجر لحم مشوي + سلطه خضرا ( خس وخيار بس )
سناك : بعد الغدى كلت يح " بطيخ " 5 حبات صغار
والعصر شربت شاي اخضر طبيعي
العشا :
توست اسمر مع جبه قريش + روب لوفات
exercises :
مشيت ساعه على الجهاز ، وبحاول امشي كل يوم ساعه خصوصاً اني ببدا امتحانات من بكره وتعرفون شلون طول اليوم فالبيت فلازم اتحرك
ومايرتب الجسم الا الرياضه
وانا مابي انزل 10 كيلو بدون مايبين على الملابس ، ابي اغير سايزي
اتمنى تعجبكم يومياتي ،، وبليييز ادعو لي الله يوفقني في امتحان بكره واكمل دايت واوصل للوزن المثالي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ما شاء الله عليج ^_^
يوووومج حلو و الحمدلله
يلا شدي حيلج لين توصلين لهدفج ^_^
__________________________________________________ __________
>>>> الرد الثاني :
لحظه لحظه انا ابا حد يشجعني لأنه زايده كم كيلو الا كم كيلوات هب الا كيلو تقريبا انا انتظم اسبوع وارد اخرب طول الايام وماهتم اخبص الاكل وامكس ع كيفي معني مااكل وايد بس يلست البيت تأثر وااااايد
رجيييييييمج وايد حلو عيبني وفيه كل شي ومايحرم الوحده انا بتبعه معاج ومن باجر باكل مثل ماكلتي اليوم
بس حبوبه كم ينزل في الاسبوع؟؟؟؟؟
وزني 64 طولي 166 هدفيه الاولي اشوف ال 59 وبعدين بحاول اوصل لل 55 ان شاء الله يااااااااااااااارب
شجعيني الله يخلييييييج مابا ازيد بيخترب جسمي وبستوي دبه
__________________________________________________ __________
>>>> الرد الثالث :
المشاركة الأصلية كتبت بواسطة دانة ذهبية
ما شاء الله عليج ^_^
يوووومج حلو و الحمدلله
يلا شدي حيلج لين توصلين لهدفج ^_^
مشكوره حبيبتي ،، من ذووقج :$
اتمنى والله اوصل هدفي
لحظه لحظه انا ابا حد يشجعني لأنه زايده كم كيلو الا كم كيلوات هب الا كيلو تقريبا انا انتظم اسبوع وارد اخرب طول الايام وماهتم اخبص الاكل وامكس ع كيفي معني مااكل وايد بس يلست البيت تأثر وااااايد
رجيييييييمج وايد حلو عيبني وفيه كل شي ومايحرم الوحده انا بتبعه معاج ومن باجر باكل مثل ماكلتي اليوم
بس حبوبه كم ينزل في الاسبوع؟؟؟؟؟
وزني 64 طولي 166 هدفيه الاولي اشوف ال 59 وبعدين بحاول اوصل لل 55 ان شاء الله يااااااااااااااارب
شجعيني الله يخلييييييج مابا ازيد بيخترب جسمي وبستوي دبه
هلا وغلااااا
تابعي معاااي في الموضوع وكتبي يومياتج وانشالله بننزل وبنشوف الخمسين على الميزان
وانشالله بنشجع بعض ، لان لييييييين متى ! لازم نسوي رجيم ونصير بيرفكت
وانا قبل نفسج بس قلت خلاص هالمره بلتزم ^^
والله مادري كم ينزل بالاسبوع ، تعرفين بعد يختلف من جسم لين جسم ، وبكتب لج الدايت
بس بليييز لو تبين يبين ان وزنج نزل صج ، سوي رياضه وحاولي تمشين معاي ساعه باليوم ^^
الدايت مكتوب عليه
برنامج خاص بمنطقه البطن ( الكرش)
اختاري واحد منهم لكل وجبه
الريوق :
* قطعه جبن قريش + ربع رغيف او توست
* بيضه مسلوقه + ربع رغيف او توست
* 3 ملاعق فول او حمص + 2 ملعقه لبنه + ربع رغيف
الغدا:
*سلطه + طبق خضار + ربع دجاجه + حبه فاكهه
*سلطه + 2 ملعقه فول+ ربع رغيف + حبه فاكهه
*سلطه + 2 سمك مشوي + 3 ملاعق ارز مسلوق + حبه فاكهه
( انا ماكل سمج ، واحب اللحم اكثر من الدياي ، فقلت بخلي نفس الكميه لحم مشوي كباب او كفته او ستيك او برجر بس شوي يعني مب وايد ودورت بالنت ممكن يكون بديل )
" انا الفاكهه بخليها العصر مب مع الغدا ، بس اليوم عشان بطيخ "
العشا :
* بيضه مسلوقه + قطعه جبن قريش + ربع رغيف او توست
* روب + بيضه مسلوقه + ربع رغيف
* روب + قطعه جبن قريش + ربع رغيف او توست
((( مسموح شاي وقهوه طول اليوم ، بدون سكر او سكر سويت ان لو او مع حليب قليل الدسم )))
وحاولي تنوعين لو كلتي الصبح بيض لاتاكلين فليل اختاري شي ثاني
وبالتوووفيق ، انشالله يعجبج الدايت ، اتذكر سويته من سنين ونزلت وبين علي وايد بس يمكن من 4 سنين وماتذكر كم كان وزني وشكثر نزلت
__________________________________________________ __________
>>>> الرد الرابع :
الله يوفقكم خواتي
__________________________________________________ __________
>>>> الرد الخامس :
اهم شي البطن هو الي اباه يخف لأنه شكله غلط تعجبيني لووووووووول
خلاص انا باجر هاي يومياتي ان شاء الله
بيضه مسلوقه + ربع رغيف او توست (أنا باكل خبز البيت لأنه ماشريت توست)
الغدا
سلطه + 2 سمك مشوي + 3 ملاعق ارز مسلوق + حبه فاكهه( ببدل السمج وبحط بداله دياي مشواي او اي شي مشواي) والفاكهه نفسج بخليها عالعصر هذا اذا كلتها لأني مااحب الفواكه خخخخخخخخخ
العشا
روب + قطعه جبن قريش + ربع رغيف او توست الا بتخبرج شو جبن قريش وطعمه حلو ولا لا؟؟؟
رد مع اقتباس
