بسم الله الرحمن الرحيم
السلام عليكم و رحمة الله و بركاته
خواتي الحلوات عضوات منتدانا الغالي ^_^ اليوم حبيت انقللكم تجربتي مع كريم قررت اسميه الكريم السحري!
صارلي تقريباً 5 شهور استعمله و قلت دام اني استفدت اخبركم عنه
طبعاً الأغلبيه فينا عندهم خطوط الجسم (stretch marks) اللي تنتج من السمنه او الحمل
و بعد التجاعيد الخفيفه اللي حول العيون و الفم ^_^
هالكريم كنت ابي اشتريه كذا مره بس قررت بما اني وصلت السن اللي لازم احاتي فيه بشرتي زياده و طلعتلي تجاعيد خفيفه حول العيون و اللي يسمونهم خطوط الإبتسام (laugh lines)
ما اطول عليكم... هذا هو الكريم
اشتريته من Faces \ وجوه اللي في المارينا بحدود ال600 و شي (ما اذكر بالضبط لأنه من كم شهر) و النتيجه روووعه... جربته على ويهي و على الجسم و إن شاء الله باخذه مره ثانيه... بس مب من محلات البلاد لأني انصدمت انه لو طلبته من امريكا (مع الشحن) بيكون بـ 99$ .. يعني اقل عن ال370 درهم! و هذا السعر للحجم الكبير (عشان تعرفون انه اسواقنا مقصه! لوول)
و بعد خليت امايه تجربه.. طبعاً حرمه في الأربعينات بيكون التأثير اوضح عن العشرينات..
المهم جربته امايه و في اول شهر, ماشاء الله الخطوط خفت 80% حوالين الفم, و الخدود انترسن و صار الويه مليان (مافيه كورتيزون او اي شي من الخرابيط, مرخص طبياً بأنه ما يضر بإذن الله)...
و الخطوط اللي حول العين خفن يمكن 60-65%
و بعد اعرف وحده كانت عندها خطوط عميييقه في الجبهه (من النوع اللي كل تعابير وييها تبين في اليبهه).. جربته و بعد 3 شهور انصدمت لما شفتها :1 (6): (جربناه نفس الوقت بس خطوطها كانن اكثر عشان جي بين عدل فيها)...
بس الصراحه بنات لا تفوتون هالكريم .. !!
يالله ^_^ نقلت لكم احدى تجاربي و إن شاء الله اكتب عن التجارب الثانيه في المستقبل ^_^
السموحه على الإطاله
رد مع اقتباس
