السلام عليكم ورحمة الله وبركاته
هاي بنات
اليوم بحط لكم صورة السكراب (Apricot Scrub) اللي استخدمه لبشتري
طبعاي هاي لجميع انواع البشره
بحيث انها تشيل الخلايه الميته في البشره والتنظيف العميق
عن تجربه انا حبيتها واااايد لانها اتنظف بشرتي اوكييه
ما في صابون ما استخدمته وانا عن نفسي ما اتم ع شي واااحد لانه نوع بشرتي حساسه وااايد
وكل اهمال يزيد الحبوب في ويهي ... وفترة الصيف اسمر وااايد كاني محترقه من الشمس خخخخ
بس هالسكراب يخلي لون بشرتج طبيعيه .... وصرت اقول باي باي للحبوب
ما بقول ما تظهر لي حبوب ... تظهر بس في الشهرين مره واتكون صغيره يعني حبه ولا ثنتين
ودوووم احس انه ويهي نظيييييف.... نسيت اقول لكم نوع بشرتي دهنيه وانا كنت اعاني منها واااايد لاني باي مناسبه يوم كنت اتمكيج ... ويهي كان يلق ويلمع من الدهون
رغم اني كنت انضفه دوووم.....هالدهون كانت اتسبب لي الاحراج هع
الصراحه الحين موووووووووووووووول ماشي دهون وانا مرتاحه والحمدلله.... الدهون مختفيه للابد
بخليكم مع الصوره
انا قلت لكم عن تجربتي ما ادري اذا هالشي بيناسب الكل ولا لا
جربوا وما بتندموووون
والسموحه لاني طولت
هييه نسيت اقول لكم عن سعر السكراب ....طبعا ما بتحصلونه بالجمعيات لاني دورت في كم من جمعيه ما حصلتها
متوفره في الصيدليات بكثره
قبل كنت اشتريها 40 درهم
اما الحين سعرها بــ 23 درهم
والسموحه ع الاطاله
المشاركة الأصلية كتبت بواسطة يابس رقيص
رد مع اقتباس
