عنوان الموضوع : التشقير ولا الحلاوه ؟ هنا الحل
مقدم من طرف منتديات الضمير العربي

السلام عليكم ورحمه الله وبركاته ..


مساكم // وصباحكم معطر بذكر ومغفره الرحمن ..~

شحالكم بنات وحريم ؟؟


صراحه عندي سؤال ... واتمنى كل وحده جربت تخبرنا عشان كلنا نستفيد...



ساعات افكر اني اشقر جسمي كامل ..! بس اتردد وللعلم ولا مره شقرت >> اخاف من سالفه مواد كيميائيه وجيه ؟؟ + اني احس اني يوم بشقر بيتم مبين ! خاصه اني حنطاويه البشره ..

وساعات افكر اني اسوي حلاوه مصريه>> وايد احبها خاصه انها اتم فتره لين يطلع الشعر مره 2..


فمن خلال تجاربكن شو تنصحني اشقر ولا اسوي الحلاوه!!
واذا الحلاوه اي نوع ؟ الفروتي ولا المصريه ؟


واذا التشقير شو اسمع المنتج اللي تستخدمونه للتشقير؟ ومن وين تاخذونه ...


ومشكورات يالغوالي على وقتكن ...~ وبانتظاركم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
على حسب المكان عللي بتحفينه او بتشقرينه 

__________________________________________________ __________

>>>> الرد الثاني :
هلا ساره ..

انا افكر احف جسمي كامل ...~

يعني الايد والظهر والريل ...~

فبشو تنصحوني

ومشكوره يالغلا

__________________________________________________ __________

>>>> الرد الثالث :
انا انصحج اتحفين بالحلاوة الايد والريل
ولكن الظهر والبطن تشقير صراحه
لان الحلاوة طبعا بتعورج ويمكن جسمج يطلع حبوب فما تظمنين
وبكون شكل جسمج ولا بد

__________________________________________________ __________

>>>> الرد الرابع :
اليد والرجل والابط ...حلاوه طبعا
باقي الجسم اذا كان في لزوم استخدمي التشقير واذا مافي لزوم لاتسوين احسن
بس انتبهي من التشقير في نقطتين .1 انه ممكن يحرق الظهر والصدر يعني لو بشرتج رقيقه وحساسه بيخليها حمرا وتحسينها تحرقج .2 وايد بنات قالوا انه خلى الشعر الصغير يطول (لان يوم تستخدمينه ويبدا تفاعله على البشره من زود الحراره اللي تتولد منه يفتح منابت الشعر عشان جيه اتطول الشعره)

__________________________________________________ __________

>>>> الرد الخامس :
hala dear

back , chest w tummy shagrreeh

else wax it or laser it better