عنوان الموضوع : ميعاد الحمادي .. مطلوبة حالا..
مقدم من طرف منتديات الضمير العربي
السلام عليكم بنات
شحالكن
بغيت اخبركن اليوم عن خبيرة تجميل اسمها ميعاد الحمادي
طبعا البعض يعرفها لانها معانا في المنتدى
ما ادري اخبركم بالتفاصيل والا على طول اقول الي عندي
ما يصير لازم اقولكم عشان انتوا تحكمون
الموضوع الله يسلمكن
اني انا عندي هوس تجميع صور المكياج وخاصة لو الماكيرة مواطنة .. والي يعجبني وايد اخذ رقمها
سبحان الله تصير عندي مناسبة مفاجاه ما اتوهق.. عندي دفتر خاص للارقام
المهم كنت ماخذة رقم ميعاد من المنتدى
وربيعتي عندهم عرس وما خبرتني الا قبل العرس بيومين
وطبعا قالت لي ابي وحدة تكون في الخور .. عاد انا عندي كذا رقم .. عطيتها الارقام كلها الي عندي والخاصة بماكيرات خور فكان
بس قلت لها انا عندي صور لوحدة اسمها ميعاد الحمادي
طرشتها لها على الايميل .. عجبها واتصل لها وحجزت
وراحت لها وسوت المكياج العادي
بس تصدقون .. عجبني وايد.. روعة شوية عليه.. مع انه تصووير موبايل ..
مرتب والكريم اساس حلو .. وطريقة الرسمة ودمج الالوان حلوة
حتى تخبرني ربيعتي انه اختها ما عجبها المكياج عقب ما خلصت .. قالت لها ميعاد لو تبغين امسحه واغيره كله ما عندي مانع .. وتعدل لهم حتى اخر لحظة قبل لا يظهرون من عندها
ربيعتي طبعا قالت فيها قصايد من المدح ..
ولو اقدر اعرض لج صور ربيعتي اكيد ما بتردد .. انتي تستاهلين
بس المشكلة هي مصورة ويها كامل
ربي يوفقج الغالية ميعاد..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ربي يوفقهت ميعااااااااااااااااااااااد تستاهل كل خير فديتها ^_^
__________________________________________________ __________
>>>> الرد الثاني :
الله يوفقها ميعاد الحمادي وانا شفت مكياجها .. قمة الروعة والفن..
^_^
__________________________________________________ __________
>>>> الرد الثالث :
__________________________________________________ __________
>>>> الرد الرابع :
الله يوفقها الأخت ميعاد
والله تستاهل بنت البلاد ، قصايد المدح شوية عليها
__________________________________________________ __________
>>>> الرد الخامس :
وانا بعد افكر اتعدل عندها لأن مكياجها وااايد حلو الله يوفقها يارب
رد مع اقتباس
