عنوان الموضوع : نداء للماكييرات لشعر ناعم
مقدم من طرف منتديات الضمير العربي
السلام عليكم اشحالكم الغاليات بس عندي موظوع يهمكن مع اني اعرف مابيعجبكن بس بغيت اقولكن خافين الله في اسعاركن شو هالغلاء شو هاليور حشى عنبوه اللي طالبه 5000 واللي طالبه4000 واللي 3000 واللي 2017 لا والبعض واصل فيهن الطمع وطالبالت مبالغ خياليه العقل مايقبلها ليش عشان عروس تستغليهن هالاستغلال تراها مجبوره تدفع لانها عروس
الاسلام نهى عن استغلال حاجات الناس فحرام عليكن خافين الله على مكياج ساعتين او ثلاث تاخذين آلاف حطي نفسج مكان الناس هل بتدفعين هالمبالغ الخياليه عسب شوية الوان تنحط عالويه وعقب ساعات تنغسل
في البعض يحب يتفاخر انه سوى عند فلانه وكان سعرها بالشيء الفلاني اللي من هالنوع اقولها خافي ربج تراج بتحاسبين (ومالك في ماأنفقته) وبتظرين غيرج لان في ناس على قدهم ومايرومون يدفعون
و البعض يسوي وهو مجبور بس والله اني اسمعهن يدعين عاللي مكيجتها من الخاطر وتقول عساها ماتتهنى باللي دفعت لها لاني مجبوره وماحصلت غيرها .
انا اكتب ها من قهري من اسبوعين ونحن نلف ع الماكييرات وكل وحده سعرها اخس عن اللي قبلها
اتمنى اللي ترد من الماكييرات يكون ردها لائق واللي بتتكلم كلام مايليق احسن لها ماترد
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
معك حق اسعارهم ناااار ما عرف على شو !!!
يعني صارت العروس تفضل انها ما تقول عروس عشان ما تدفع مبلغ خيالي متل اللى بيطلبوه لمى
يعرفوا انها عروس ...... حرام والله
__________________________________________________ __________
>>>> الرد الثاني :
__________________________________________________ __________
>>>> الرد الثالث :
في ماكيرات اسعارهن وايد رخيص وشغلهن يوازي الماكيرات المشهورات بس البنات الله يسلمهن يحبن يتفاخرن عند منو تسوي!!!!!!
__________________________________________________ __________
>>>> الرد الرابع :
المكياج العادي استوى ب 600 عند المواطنات والاسبشل طبعاً اغلى....غير التسريحة..
__________________________________________________ __________
>>>> الرد الخامس :
بعدها ام الفين اهوووووووووووون بووووايد عن غيرها يعني تعتبر ااااااارخص ووووحده بس البنات الله يهديهم ما يعجبهم يحسبون ميكبها مب شي ام عشره او عشرين هي الرررررررررررررررررروعه حتى لو كان دفاشه بس بنظرهم انها الاحسن لانها الاغلى هذا الحااااااااااااااال الحين !!!!!! يعني لا مجال للنقاش بتتعبين اعصابج للفاضي تفكيرهم ضيق !!! الله المستعان بس والله يعين
رد مع اقتباس
