عنوان الموضوع : الدرس الثالث ( هوس المناكير عشق لا ينتهي ) لشعر جذاب
مقدم من طرف منتديات الضمير العربي



السلام عليكم ورحمة الله وبركاته
اشحالكن خواتي

اليوم بندأ بالتطبيق الفعلي وباب الخيال والخيارات عندكم مفتوووح لتتفننوا وتسوون أحلى مني بعد

نقاط مهمه يجب الحرص عليها خواتي الله يباركن فيكن :
* الدروس الي أطرحها للتعلم والإفاده وتكشخون فيها أماكن تجمعات حريمية ونا أبريء ذمتي من كل بنت تطبق هالشيء ورايحه السوق لتبدي زينتها

وشكرا لج اختي لقرائتج هالمعلومه

بسم الله الرحمن الرحيم ونبتدي

1- القاعده الأساسية للون الساده للمناكير :

عشان يطلع المناكير لون قوي وبراق يجب اتباع الخطوات التالية :
* ضعي طبقة من اللون الشفاف على الظفر ولكم حرية الإختيار خواتي لأنه الشفاف له ألوان بعد وهذي اصورة توضح لكم وانتظري دقائق بسيطة ليجف



* ضعي اللون المختار ( أحمر - أخضر ....الخ الي تحبينه ) وانتظري دقائق ليجف ولالالازم تهتمون إنه يجف عدل لأنه نوعيات المناكير مختلفة بإختلاف تصنيع الشركه في من ثواني يجف وفي لا فلما تحطون كذا طبقه قبل ما تنشف الطبقة السفلية الي قبلها راح تتعبكم لأنها راح تحتاج وقت أطول لتنشف وإذا نشفت نص ونص وقعدتن تستخدمن أصابع بمسك أو لبس أو نمتن ... الخ راح تسبب خطوط خفيفه أو خدوش ويطلع الشكل مب مرتب فهني للتصحيح حطن شفاف ويروح كل شيء
* ضعي اللون الشفاف كطبقة أخيره وشوفي النتيجه

نصيحه منكيرية حلوه يات هههههههه:
* إذا أحسست أنه سائل المنكير سميك وكثير ما تفتحينة وتنسية أو مر على فتره طويلة حطي جم نقطعه من سائل إزاله المناكير وخضيه ليختلط وقعدي العبي بالفرشاه عشان يختلط عدل والنقاط من السائل تزيدينها حسب خفة السائل الي تبينه براحتج يعني وبجي راح يرجع لج يديد

درس النقاط :
ومب شرط مثلي تفننوا وهذي بعض الأمثله البسيط الي تقدرون تسوونها :

الأدوات الي نحتاجها :

1- أداة النقاط


والي ما عندها هالأداة تقدر تستخدم أي شيء متوفر عندها دبوس ، قلم رصاص ، واير كهرباء .........الخ أي شيء تقدرين تسوين منه نقط مختلف الحجم

2- اختاري لونين مناكير
3- عود خشب أو عود قطن مدبب الي ترتاحين له + سائل إزاله المناكير للتنظيف بين الجوانب



هني عالسريع أنا اخترت اللون الأصفر + الزهري الفسفوري


الشكل الثاني :
*اخترت لون زهري وغشني راعي المحل يقولي مب إسلامي ونا ما أحب نوعيات الإسلامي بالمره بس هذا النوعيه حبيتها بعد الإستخدام تثبت وما تخوز من أي دفشة وأثبتها أكثر للحماية أحط بعدها طبقة شفافه
* بعدها حطيت طبقة جلتر ناااعم
* بعدها بديت أرسم نقاط
* طبقة شفاف








تاااااااااااااااااااااااااااابع لحد يرد

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
وبشكل آخر فرش بما إنه الحين الصيف

* اخترت لون بنفسجي مادري ليش مبين كحلي وطلعته عمد عشان تعرفون شقايل يتنظف بسهوله بواسطة عود الخشب أو عود قطن مبلل بسائل إزاله المناكير


شوفوا هني كيف نظف وطلع مرتب



ننتظر حتى يجف ثم
نختار اللون الأبيض ونرسم جي بفرشاة المناكير نفسها


اختاري أي لون يعجبج ونا هني اخترت ( الأصفر - الأورنج - البنفسج - الأزرق - الأخضر - الزهري ) ودايما أحط بالكوب الزجاجي الصغير والي متابعين مواضيعي يعرفونه وهني حطيته على ورقة للتوضيح لا أكثر




وبإستخدام أداة النقط رسمت جي




الآن أبدأ أضع داوير بألوان مختلفه في حدود القوس الأبيض الي رسمته + وضع لون أبيض داخل الدوائر + طبقة شفاف
وهذا هو الشكل النهائي






ها شورايكم خواتي ؟؟؟؟

وانتظروني في الدروس القادمه

__________________________________________________ __________

>>>> الرد الثاني :
نايس الصراحه ....

__________________________________________________ __________

>>>> الرد الثالث :
ماشاء الله مبدعة

يعطيج العافية حبيبتي

\

عني انا :

- يعني في المناسبات القووووووية احط مناكير سادة هههههه واذا بكشخ زياااااادة احط عليهن استيكر والسلاااااااام ^^"!

جفتي كيف البساطة

بس لزوم اتفنن شوي بما ان الصيف دخل والمناسبات في ازدياد

__________________________________________________ __________

>>>> الرد الرابع :
رووووعه
بس شو بتعملو بالصلاه مع المناكير احس كثيييير صعب
واوقات العذر الشرعي الوحده ما الها خلق تعمل شي
وقوله سمو ذاتي في المناسبات يالله نحط مناكير ساده خخخخخخخ

__________________________________________________ __________

>>>> الرد الخامس :

المشاركة الأصلية كتبت بواسطة سمــو ذاتــي
ماشاء الله مبدعة

يعطيج العافية حبيبتي

\

عني انا :

- يعني في المناسبات القووووووية احط مناكير سادة هههههه واذا بكشخ زياااااادة احط عليهن استيكر والسلاااااااام ^^"!

جفتي كيف البساطة

بس لزوم اتفنن شوي بما ان الصيف دخل والمناسبات في ازدياد



تسلمين اختي أنا كنت من زمان أحط استيكر وودرتها لكن صج تنفع وقت الأزمات وتعطي لوك حلو ومتفنن
وتابعي دروسي وتفنني بظفورج وخل الكل يقول وااااااو كيف جي ؟؟؟ من وين مستوتنه ؟؟ اخطفي الأنظار ؟؟ والبنات راح يتخبلن ويركضن ورااااااج تراني أدري عن الحنانات ههههههه لازم يعرفن